ཞོལ་རོང་གཙང་པོའི་ངོགས་ནས་གྲོང་གསར་གྱི་རྣམ་པ་མངོན།

སྟོན་རླུང་དལ་བུར་ལྡང་ཞིང་། ཞོལ་རོང་གཙང་པོའི་གཞུང་དེད་དེ་མདུན་ཕྱོགས་སུ་སྐྱོད་སྐབས་ས་བབ་སྨི་4300ཟིན་པའི་ལྷ་ས་གྲོང་ཁྱེར་མལ་གྲོ་གུང་དཀར་རྫོང་རྨམ་པ་ཤང་རྡར་འབྲུག་གྲོང་ཚོ་ས་མཐོའི་དྲོ་འཇམ་ཉི་འོད་འོག་དེ་བས་གཙང་ཞིང་ལྷིང་འཇགས་ངང་གནས་ཡོད། ཁོད་སྙོམས་པའི་གཞུང་ལམ་ཁྱིམ་ཚང་ཚང་མའི་སྒོ་འགྲམ་དུ་ཤར་གཏོང་ཐུབ་པ་དང་། ལམ་སྒྲོན་གྲལ་སྟར་འགྲིག་པ། གྲོང་རྣམ་གཙང་ཞིང་ཡིད་དུ་འོང་བ། ཡུལ་མི་བག་ཕེབས་ངང་སྐྱོད་པ། ཕྲུ་གུ་རྩེད་འཇོར་རོལ་བ་བཅས་དུས་བདེ་བག་ཕེབས་དང་འཆམ་མཐུན་གྱི་ས་མཐོའི་མཛེས་སྡུག་ལྡན་པའི་གྲོང་གསེབ་ཀྱི་རྣམ་པ་རིམ་བཞིན་མངོན།

སྟོན་ལྗོངས་མཛེས་ཤོས་ནི་ལོ་ལེགས་ཀྱི་རྣམ་པ་ཡིན་པ།

སྟོན་ཟླ་བཅུ་པར་ཡར་ཀླུང་གི་ས་གཞི་ཆེན་པོ་ནས་ལོ་ལེགས་ཀྱི་གཏམ་བཟང་གྲགས། ལྷོ་ཁ་གྲོང་ཁྱེར་ཆུ་གསུམ་རྫོང་གི་ནས་ཚོད་འདེབས་མུའུ་1200ཡི་ཞིང་ནང་དུ་ཞིང་ལས་འཕྲུལ་ཆས་ཀྱི་ལྡིར་སྒྲས་ཁེངས་པ་དང་། གནམ་གཤིས་ཡག་པའི་སྐབས་སུ་ཞིང་པ་ཚོས་དུས་ཐོག་ཏུ་འབྲུ་རིགས་བསྡུ་བ་དང་སྐམ་ནས་སྟོན་འབྲུ་ཚང་མ་འབྲུ་མཛོད་དུ་འཇུག་ཐུབ་པར་འགན་ལེན་བྱེད་བཞིན་ཡོད།

སོག་རྫོང་གི་ནས་ནག་མུའུ་308ལ་ལོ་ལེགས་འབྲས་བཟང་སྨིན་པ།

​ནག་ཆུ་གྲོང་ཁྱེར་སོག་རྫོང་དཀར་སྨད་ཤང་དཀར་ཤོད་ཚོང་དོན་ཞིང་འབྲོག་ཁུལ་དཔལ་འབྱོར་མཉམ་ལས་ཁང་གི་མུའུ་308ཀྱི་ཞིང་ནང་དུ་ནས་ནག་སྐྱེ་འཚར་ཡག་པོ་བྱུང་ཡོད་པ་དང་། སྙེ་མའི་རྦ་རླབས་ལང་ལོང་དུ་འཕྱུར་ནས་ས་མཐོའི་གྲོང་གསེབ་ཏུ་ལོ་ལེགས་བྱུང་བའི་རྣམ་པ་ཞིག་མང་ཚོགས་ཀྱི་ངལ་རྩོལ་གོམ་སྟབས་དང་བསྟུན་ནས་རིམ་གྱིས་མངོན་བཞིན་ཡོད། ཉེ་ཆར། མཉམ་ལས་ཁང་དེས་མང་ཚོགས་300ལྷག་ཙམ་སྒྲིག་འཛུགས་བྱས་ཏེ་ཞིང་དུས་དམ་འཛིན་གྱིས་འབྲུ་རྡོག་གཅིག་ཀྱང་མ་ལུས་པར་འབྲུ་མཛོད་དུ་བཅུག་པ་མ་ཟད། ད་དུང་མང་ཚོགས་ལ་ས་ཆ་དེ་རང་དང་ཐག་ཉེ་ས་ནས་འབབ་འཕར་ཡོང་བར་སྐུལ་ཁྲིད་བྱས་ཡོད།

ཆབ་མདོ་གྲོང་ཁྱེར་རི་བོ་ཆེ་རྫོང་གི་བེད་མེད་རྩྭ་ཐང“ནོར་གཞོང”ལ་གྱུར་པ།

རི་བོ་ཆེ་རྫོང་སྤྱང་ངེ་གྲོང་ཚོའི་ཁམས་པའི་མེ་ཏོག་ཟ་ལས་རྟེན་གཞི་གྲོང་ཚོའི་ཉེ་འདབས་ཀྱི་གཤོངས་ས་ཞིག་ཏུ་གནས་ཤིང་། དེ་ནས་ཚང་ཚིང་གི་ནགས་ཚལ་དང་སྲིད་པའི་གངས་རིའི་མཛེས་པ་ཉམས་སུ་མྱོང་ཆོག་ལ། ཐུར་དུ་བལྟས་ན་དྭངས་ཤིང་གཙང་ལ་ཤང་ཤང་དུ་རྒྱུག་པའི་ཆུ་བོ་དང་ལྷོག་ལྷོག་ཏུ་འཕྱུར་བའི་དུ་བ་མཐོང་ཐུབ།“དེ་སྔ་ས་ཆ་འདི་ནི་བེད་མེད་ཀྱི་རྩྭ་ཐང་ཡིན་པ་དང་། ལོ་གཅིག་ལ་རྩྭ་ཐེངས་གཅིག་བརྔ་བ་ལས་འབབ་འཕར་གྱི་རིན་ཐང་གང་ཡང་མེད། ད་ཆ་སྔོན་མ་དང་གཏན་ནས་འདྲ་གི་མེད། འདི་གར་རྟེན་གཞི་བསྐྲུན་རྗེས་ལོ་ལྟར་གྲོང་ཚོར་ཁེ་སྤོགས་སྒོར་ཁྲི་20བགོ་འགྲེམས་རྒྱག་རྒྱུ་ཡོད་པ་མ་ཟད། ད་དུང་མང་ཚོགས་རྣམས་རང་ཁྱིམ་གྱི་སྒོ་རྩར་ལས་ཞུགས་ཐུབ་པས། སྔོན་ཆད་ཀྱི་བེད་མེད་རྩྭ་ཐང་ད་ཆ་ར...

བོད་ལྗོངས་ཉིན་རེའི་ཚགས་པར་གྱི་པར་དབང་རང་བདག་ཡིན་པས་གན་རྒྱ་དང་དབང་ཆ་སྤྲད་མེད་ཚེ་དྲ་ཐོག་ནས་ཕབ་མི་ཆོག

ཐོ་བདག་ཨང་། བོད་ICPཐོ་ཨང་༠༩༠༠༠༧༣༣      བཟོ་མཁན་ལས་ཁུངས། ཀྲུང་གོའི་བོད་ཀྱི་གསར་འགྱུར་དྲ་ཚུགས།

སྡོད་གནས། བོད་རང་སྐྱོང་ལྗོངས་ལྷ་ས་གྲོང་ཁྱེར་རྡོ་སེང་གེ་ལམ་སྒོ་ཨང་༣༦ སྦྲག་ཨང། ༨༥༠༠༠༠ ཁ་པར། ༠༨༩༡-༦༣༣༡༠༨༩ བརྙན་སྐྱེལ། ༠༨༩༡-༦༣༣༡༠༨༩