ཇོ་མོ་གླང་མའི་འདབས་སུ་ཁང་པ་གསར་པ་བརྒྱབ་པ།
ཟླ་8ཚེས་15ཉིན། ཞོགས་པའི་ཉི་གཞོན་ཇོ་མོ་གླང་མའི་འདབས་སུ་ཆགས་པའི་བོད་ལྗོངས་གཞིས་རྩེ་གྲོང་ཁྱེར་དིང་རི་རྫོང་གྲམ་མཚོ་ཤང་ཟིང་དཀར་གྲོང་ཚོའི་ཁམས་གཙང་ལ་དཀར་ཆ་དོད་པའི་བོད་བཟོའི་སྒོ་རར་འཕྲོས་ཤིང་། ཁྱིམ་དུད་ཚང་མའི་ཐོག་ཁར་སྐར་ལྔའི་དར་དམར་ལྷབ་ལྷུབ་ཏུ་གཡོ་བཞིན་མཆིས།ཟིང་དཀར་གྲོང་ཚོའི་བཀོད་སྒྲིག་ས་ཚིགས་ཀྱི་ཉི་མ་ཚེ་རིང་ཁྱིམ་གྱི་སྟབས་བདེའི་ཁང་པའི་ནང་བཟའ་ཟླ་ཕུར་བུས་ཕྲུ་གུར་གྱོན་ཆས་གསར་པ་གཡོགས་པ་དང་། ཉི་མ་ཚེ་རིང་གིས་ཁ་པར་བཏོན་ཏེ་དུས་ཚོད་ལ་ལྟ་བཞིན་དུ། “ཆུ་ཚོད་བཅུ་གཉིས་པར་སྡོད་ཁང་གསར་པར་སྤོས་ན་ཏག་ཏག་རེད”ཅེས་བརྗོད་ཅིང་། དེ་ནི་ཁོང་གིས་ཁ་པར་གྱི་དུས་ཚོད་ལ་ལྟ་ཐེངས་ལྔ་པ་དེ་རེད།ད་ལོའི་ཟླ་1ཚེས་7ཉིན། དིང་རི་རྫོང་དུ་ས་ཡོམ་རིམ་...
