རྒྱུན་དུ་སྒོག་པ་དང་སུར་པན་སོགས་རོ་ཚ་བའི་ཟས་རིགས་ཀྱིས་རྒྱུན་རིང་བདེ་ཐང་ཡོང་བར་ཕན་པ་ཆེན་པོ་ཐོན་མོད། འོན་ཀྱང་ནད་གཞི་ལྕི་པོ་ཕོག་ནས་སྨན་ཟ་སྐབས་ཟས་རིགས་ནང་སྒོག་པ་བསྲེས་མི་རུང་། ནད་གཞི་ལྕི་དུས་སྒོག་པ་བཟས་ན་སྨན་གྱི་ནུས་པ་ཤོར་བ་མ་ཟད། སྒོག་པ་སྨན་དང་འདྲེས་སྐབས་ཞོར་སྐྱོན་གཞན་ཡང་འབྱུང་སྲིད། སྨན་དཔྱད་མི་སྣས་ཞིབ་འཇུག་བྱས་པ་ལྟར་ན། ནད་རིགས་ལྕི་གྲས་ཨའེ་ཙི་རེག་ནད་དང་། སྙིང་ནད། འབྲས་སྐྲན་ནད་སོགས་ཕོག་པའི་མིས་སྨན་བཟས་པའི་རྗེས་ཡང་བསྐྱར་སྒོག་པའི་རིགས་བཟས་ན་སྨན་ནུས་མི་ཐོན་པའི་ཁར་ཞོར་སྐྱོན་གཞན་ཡོང་སྲིད།