ཚན་ཁག་འདི་༡༩༨༣ལོར་བཙུགས་ཤིང་། ཞིང་ཆེན་ཡོངས་ཀྱི་བོད་སྨན་སྦྱོར་བཟོ་ཆེ་ཤོས་གྲས་ཤིག་ཡིན། ད་ལྟGPPཚད་གཞི་ལྟར་ཕྱེ་མ་དང་རིལ་བུ། རིལ་ཚག་བཅས་བསྟེན་དཔེ་ཆེན་པོ་གསུམ་གྱི་ཐོན་སྐྱེད་ལས་གཞན། སྨན་མར་དང་སྤྱིན་ཐུམ། སྨན་ཆང་བཅས་ཀྱང་བཟོ་གྱིན་ཡོད། ཚན་ཁག་འདིས་སྲོལ་རྒྱུན་གཞིར་བཟུང་ཏེ་གང་ལ་གང་འཚམ་གྱིས་སྔོན་ཐོན་སྒྲིག་ཆས་སོགས་སྤྱོད་ཅིང་། འདིའི་མ་བཅོས་རྒྱུ་ཆའི་ལས་སྣོན་འཁོར་ཁང་དང་། ཚད་མཐོའི་གཙང་སྦྱངས་འཁོར་ཁང་། རྫས་བཤེར་གྱི་འགྲོ་རིམ་དང་ཉར་ཚགས་བྱེད་རིམ་སོགས་གང་ཅིའི་ཐད་ནས་བོད་སྨན་བཟོ་སྐྲུན་གྱི་ཆུ་ཚད་གསར་བར་ཐོན་འདུག གཞན་ཡང་སྨན་སྣའི་ཉོ་སྒྲུབ་དང་ཐོག་མའི་ལས་སྣོན། རྫས་བཤེར། འདུལ་སྦྱོང་། འཁོར་ཁང་སོགས་ཡོད་དོ་ཅོག་ལ་GMPབླང་བྱ་ལྟར་ཚགས་སྒྲིག་དང་། ཐ་ན་ལས་མི་དང་རྫས་སྣ་ཙམ་གྱི་གཏོང་འདྲེན་ཕྱོགས་ལའང་བཀོད་སྒྲིག་ཞིབ་ཚགས་དང་ལྡན་ཐོག སྦྱོར་བཟོའི་གོ་རིམ། ལས་ཚན་གོང་སྒྲིག་བཅས་འཐུས་སྒོ་ཚང་བས། སྨན་ནུས་ཇེ་ཐོན་དང་ནད་ཐོག་བདེ་འཇགས་ཇེ་བརྟན་དུ་གཏོང་བའི་ཐད་ནས་ཡིད་རྟོན་འཕར་ཚད་ཉིན་རེ་བཞིན་ཇེ་དྲག་ཏུ་འགྲོ་བཞིན་ཡོད། །