ཉེ་བའི་ལོའི་ནང་རང་ལྗོངས་ཀྱིས་བོད་ལུགས་གསོ་རིག་བྱ་གཞག་རྒྱུན་མཐུད་དང་སྐྱོན་བྲལ་ངང་གོང་འཕེལ་ཡོང་རྒྱུར་སྐུལ་འདེད་བཏང་བ་དང་། ལྷག་པར་དུ་ཁྲོམ་རས་ཁྲིད་ཕྱོགས་བྱས་ཏེ་བོད་ལུགས་གསོ་རིག་གི་གོང་འཕེལ་འཆར་འགོད་བཟོ་སྒྲིག་བྱེད་པ་དང་མ་འཇོག་ཁོར་ཡུག་ལེགས་སུ་གཏོང་བ། ཐོན་ལས་ཁྱབ་ཚུལ་ལེགས་སྒྲིག་བྱེད་པ། ཁེ་ལས་ཕྱོགས་གྱུར་རིམ་སྤོར་ལ་ཁྲིད་སྟོན་བྱེད་པ། བོད་ལུགས་གསོ་རིག་ཐོན་ལས་གོང་འཕེལ་སྟོབས་ཆེར་འགྲོ་རྒྱུར་སྐུལ་འདེད་ཟམ་མི་ཆད་པར་གཏོང་བ་བཅས་བྱས་པས་གཞི་ཁྱོན་རིམ་བཞིན་ཆགས་པའི་བོད་ལུགས་གསོ་རིག་ཁེ་ལས་ཁག་ཅིག་ཐོན་ཡོད་པ་དང་། སྲོལ་རྒྱུན་གྱི་བོད་ལུགས་གསོ་རིག་གིས་ནད་གཞི་འདྲ་མིན་སྨན་བཅོས་བྱེད་རྒྱུར་ཕན་འབྲས་ཡག་པོ་ཐོན་གྱི་ཡོད་པར་བརྟེན་རྒྱ་ཆེའི་ནད་པ་ཚོའི་དགའ་བསུ་ཐོབ་ཡོད་པ་རེད། ན་ནིང་བོད་ལྗོངས་ཀྱི་བོད་ལུགས་གསོ་རིག་གི་ཐོན་སྐྱེད་སྤྱིའི་ཐོན་རྫས་རིན་ཐང་སྒོར་དུང་ཕྱུར ༡༣ ལས་བརྒལ་བ་དང་བོད་ལུགས་གསོ་རིགས་ཐོན་ལས་ཀྱི་མ་ལག་སྤྱིར་ན་ཆགས་ཐུབ་པ་བྱུང་བ་རེད།།