ཕྱི་རྒྱལ་དུ་དར་སྤེལ་གཏོང་ཆོག་པ་རེད། འོན་ཀྱང་ཕྱི་རྒྱལ་དུ་སྨན་གྱི་ཁྲིམས་ཧ་ཅང་དམ་པོ་ཡོད་སྟབས་སྨན་རིགས་གཞན་གྱི་དར་སྤེལ་དང་འཕེལ་རྒྱས་ལ་བར་ཆད་དུ་གྱུར་ཡོད། སྤྱིར་ཕྱི་གླིང་དང་ཁྱད་པར་ནུབ་ཕྱོགས་རྒྱལ་ཁབ་ན་བོད་སྨན་གྱི་སློབ་གསོ་སྤེལ་མཁན་དང་ཁྱབ་བསྒྲག་དང་སྨན་བཅོས་བྱ་མཁན་ཉུང་ཉུང་རེད། ཁྱད་པར་རྒྱ་གར་ཚེ་ཡི་རིག་བྱེད་དང་རྒྱ་ནག་གི་ཀྲུང་ཡི་དང་བསྡུར་ན་བོད་སྨན་གྱི་སློབ་གསོ་མི་སྣ་དང་སྨན་ཁང་སོགས་ཧ་ཅང་ཉུང་། མ་འོང་པར་བོད་སྨན་གྱི་ཚོགས་པ་མང་དུ་འགྲོ་རྒྱུའི་རེ་བ་བྱ་བཞིན་ཡོད། ཁྲིམས་དང་མཐུན་ན་རིག་གནས་དང་སྨན་ཅི་ཡིན་ཡང་དར་སྤེལ་བྱ་ཆོག་པ་རེད། དེ་ལ་ཚད་ལྡན་མི་ཤུགས་དང་དཔལ་འབྱོར་ཡང་ངེས་པར་དུ་དགོས་པ་རེད།