བྱི་རིམས་ནི་བྱི་རིམས་དབྱུག་དབྱིབས་འབུ་ཕྲ་ལས་བྱུང་བའི་འགོ་ནད་ཚབས་ཆེན་ཞིག་ཡིན་ལ། ཁ་སྐད་དུ་བྱེ་ནད་ཡང་ཟེར། ནད་འདི་འགོ་སླ་བ་དང་ནད་ཡུན་ཐུང་ལ། ཤི་ཚད་མཐོ་བ་ཞིག་རེད། ནད་འདིའི་འགོ་ཁུངས་གཙོ་བོ་ནི་བྱི་བ་དང་འཕྱི་བའི་རིགས་ཡིན་ལ། དེའི་འགོ་ལམ་གཙོ་བོ་ནི་ལྗི་བས་སོ་བཏབ་པ་དང་། བྱི་རིམས་བྱུང་བའི་ནད་པར་འབྲེལ་འདྲིས་དང་ཡང་ན་བྱི་ནད་བྱུང་ནས་ཤི་བའི་མི་ལ་རེག་པ། བྱི་རིམས་བྱུང་བའི་འཕྱི་བ་དང་སྲོག་ཆགས་གཞན་པའི་ཤུན་པགས་བཤུ་བ་དང་དེའི་ཤ་ཟ་བ་སོགས་ལས་འགོ་བ་ཞིག་ཡིན།