དེ་ཡང་གདོང་ངན་མེ་སྤྲེལ་ལོར། གྲོ་ནས་འབྲིང་ལ་གནག་རྣམས་ལེགས། ཏིལ་རྒྱས་སྔ་ཐན་ཕྲན་བུ་འོང་། སྤྱི་ལ་སོ་ནམ་སྔ་འདེབས་བཟང་། བར་འདེབས་འབྲིང་ལ་ཕྱི་འདེབས་ཞན། བོད་ཟླ་གཉིས་པའི་ཚེས་༥སྐོར་ནས་སྔ་འདེབས། ཚེས་༢༥སྐོར་ནས་བར་འདེབས། བོད་ཟླ་གསུམ་པའི་ཚེས་༡༨སྐོར་ནས་ཕྱི་འདེབས་ཟིན་པ་བཅས་གཤོང་ཞིང་ས་བོན་ལྕི་ཡང་སྙོམས་པའི་དབང་དུ་བཤད་པ་ཞིག་ཡིན་པས། དེ་ལུགས་ཡུལ་སོ་སོའི་ཕུ་མདའི་ས་བབ་དང་བསྟུན་ཏེ་ཞིང་འབྲོག་རྒན་རབས་མྱོང་བ་ཅན་རྣམས་ཀྱི་ངག་རྒྱུན་དང་། སྔར་གྱི་ཉི་ཐིག སྐར་ཆོད་སོགས་ལས་སྔ་ཕྱིའི་འདེབས་ཚོད་རན་པ་ཤེས་པར་བྱ་རྒྱུ་གལ་ཤིན་ཏུ་ཆེའོ།།