ལ་ཕུག་པད་ཚལ་ལུས་ཀྱི་བཅུད་ལེན་ཏེ། རྟག་དུ་ཟོས་ན་འཇུ་སྟོབས་འཕེལ་དང་ལྷན། དེ་གཉིས་མི་ཚོས་རྒྱུན་དུ་བསྟེན་པ་ན། སྨན་པ་མཁས་པའང་དལ་བའི་སྐབས་ཤིག་སྙེད།
སྐྱེད་བྱེད་མ་ཡི་ནུ་ཞོ་ཁྱིའུ་ཆུང་གསོས། བྱིས་པའི་ལུས་ཀྱི་ནད་འགོག་ལུས་ཟུངས་འཕེལ། ལྷན་སྐྱེས་ཐོག་མའི་རིག་སྟོབས་སྐུལ་བའམ། གཞན་ཡང་སྐྱེད་མའི་ནུ་སྐྲན་འགོག་པའོ།
སུར་པན་ཉུང་ངུ་ཟོས་པས་ཀླད་ཁམས་ཀྱི། ཕྲ་ཕུང་སྒུལ་བར་ཕན་ཞེས་དེ་མིན་དུ། རྒས་ཀ་སྲ་བའི་ནུས་པའང་ཐོན་པ་སྟེ། མང་ན་འབྲས་སྐྲན་སློང་བའི་རྐྱེན་དུ་གྱུར།
ཚྭ་རིགས་ཟོས་པ་མང་ན་ལུས་ཕུང་ནང་། ཆུ་ཡི་ལྡང་ཚད་འཕེལ་བས་རྐྱ་རྦབ་འབྱུང་། ལུས་ཀྱི་རུས་རྩི་སོབ་སོབ་པོ་རུ་གྱུར། སྙིང་ཁམས་ཁྲག་རྩའི་ནད་ཀྱང་སློང་བར་བཤད།
དགུན་དུས་མི་ཡི་ལུས་པོར་སྐམ་ཚད་འཕེལ། ཁ་ནང་མཆུ་ཏོ་སོགས་ལ་ཚད་ཐོར་འབྱུང་། དེའི་སྐབས་ལ་ཕུག་པད་ཚལ་ཏུང་ཀྭ་དང་། པདྨའི་རྩ་བ་ལ་སོགས་བསྟེན་ན་ཕན།