ཟླ 10བའི་ཚེས 9ཉིན། བོད་ལྗོངས་བོད་ལུགས་གསོ་རིག་སློབ་གླིང་གིས་ཀྲུང་གོའི་བོད་རིག་པའི་ཞིབ་འཇུག་ལྟེ་གནས་དང་པེ་ཅིང་བོད་སྨན་ཁང་ལ 《ཀྲུང་གོའི་བོད་ལུགས་གསོ་རིག་རྩ་ཆེཅའི་དཔེ་རྙིང་ཀུན་བཏུས 》ལེགས་སྐྱེས་སུ་འབུལ་བའི་མཛད་སྒོ་དེ་པེ་ཅིང་བོད་སྨན་ཁང་དུ་བསྡུས་ཤིང་། བོད་ལྗོངས་བོད་ལུགས་གསོ་རིག་སློབ་གླིང་དཔེ་རྙིང་དཔྱད་ཡིག་ལེགས་སྒྲིག་ཚན་ཆུང་གིས་འཚོལ་སྡུད་དང་ལེགས་སྒྲིག་གནང་བ་དང་། བོད་ལྗོངས་མི་དམངས་དཔེ་སྐྲུན་ཁང་གིས་ཉེ་ལམ་པར་བསྐྲུན་གནང་བའི 《ཀྲུང་གོའི་བོད་ལུགས་གསོ་རིག་རྩ་ཆེའི་དཔེ་རྙིང་ཀུན་བཏུས 》ཞེས་པའི་དཔེ་ཚོགས་འདི་ནི་རང་རྒྱལ་གྱི་ཆེས་ཆེ་བའི་བོད་ཀྱི་གསོ་རིག་དཔེ་རྙིང་མྱུར་སྐྱོབ་རིགས་ཀྱི་པར་བསྐྲུན་རྣམ་གྲངས་ཤིག་ཡིན།

    དཔེ་ཚོགས་འདིར་བསྡོམས་པས་པོ་ཏི 30དང་ཡིག་འབྲུ་ཁྲི 2700ཡོད། ནང་དོན་ཐད་གཙོ་ཆེར་བོད་ལུགས་གསོ་རིག་ལོ་རྒྱུས་དང་། རྨང་གཞིའི་གཞུང་ལུགས། སྨན་རྫས། ནད་ཐོག་ཉམས་མྱོང་། སྨན་སྦྱོར། གནམ་རིག་སྐར་རྩིས་སོགས་འདུས་པ་ཡིན།