བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། 2009ལོ་ནི་སྨན་བཅོས་འཕྲོད་བསྟེན་གྱི་སྒྲིག་གཞི་སྒྱུར་བཅོས་ཕྱོགས་ཡོངས་ནས་འགོ་འཛུགས་པ་དང་སྤྱི་ཡོངས་ནས་སྐུལ་སྤེལ་གཏིང་ཟབ་ཏུ་གཏོང་བའི་ལོ་ཞིག་ཡིན་པས་རང་ལྗོངས་ཀྱི་རིམ་ཁག་འཕྲོད་བསྟེན་སྡེ་ཚན་གྱིས་གཞི་རྩའི་སྨན་བཅོས་འགན་ལེན་བྱེད་པའི་ལམ་ལུགས་འཛུགས་རྒྱུར་སྐུལ་འདེད་མགྱོགས་པོ་གཏོང་བ་དང་། གཞི་རྩའི་སྨན་རྫས་ལམ་ལུགས་འཛུགས་པ། གཞི་རིམ་གྱི་སྨན་བཅོས་འཕྲོད་བསྟེན་ཞབས་ཞུའི་མ་ལག་འཐུས་སྒོ་ཚང་དུ་གཏོང་བ། གཞི་རྩའི་སྤྱི་པའི་འཕྲོད་བསྟེན་ཞབས་ཞུ་རིམ་བཞིན་སྙོམས་པོ་ཡོང་རྒྱུར་སྐུལ་འདེད་གཏོང་བ། གཞུང་བཙུགས་སྨན་ཁང་གི་སྒྱུར་བཅོས་ལ་སྐུལ་འདེད་གཏོང་བའི་ཚོད་ལྟའི་ཕྱོགས་ལྔར་ནུས་ལྡན་གྱི་བྱ་ཐབས་མང་པོ་སྤྱད་དེ་སྨན་བཅོས་འཕྲོད་བསྟེན་གྱི་སྒྲིག་གཞི་སྒྱུར་བཅོས་ལ་སྐུལ་སྤེལ་ཤུགས་ཆེན་གཏོང་རྒྱུ་ཡིན་པ་རེད།

    གཞི་རྩའི་སྨན་བཅོས་འགན་ལེན་ལམ་ལུགས་འཛུགས་རྒྱུར་སྐུལ་འདེད་མགྱོགས་པོ་གཏོང་བ། རིམ་ཁག་འཕྲོད་བསྟེན་སྡེ་ཚན་གྱིས་སྲིད་གཞུང་གིས་གཙོ་ཁྲིད་བྱེད་པ་དང་སྨན་རིན་མི་དགོས་པའི་སྨན་བཅོས་ཀྱིས་རྨང་གཞི་བྱས་ཏེ་ནད་ལྕིའི་སྨན་ཡོན་སྤྱི་གསོག་དང་ཁྱིམ་ཚང་གི་རྩིས་ཁྲ་དང་སྨན་བཅོས་རོགས་སྐྱོབ་ཕན་ཚུན་ཟུང་འབྲེལ་བྱེད་པའི་ཞིང་འབྲོག་པའི་སྨན་བཅོས་ལམ་ལུགས་སྔར་བས་འཐུས་སྒོ་ཚང་དུ་གཏོང་བ་དང་། ཞིང་འབྲོག་ཁུལ་གྱི་སྨན་བཅོས་འཕེལ་རྒྱས་གཏོང་བའི་གྲུབ་འབྲས་བརྟན་དུ་བཏང་ནས་ཞིང་འབྲོག་ཁུལ་གྱི་སྨན་བཅོས་ལམ་ལུགས་ཁྱོན་ཡོངས་ལ་ཁྱབ་རྒྱུ་མུ་མཐུད་མཐའ་འཁྱོངས་བྱེད་པ། ནོར་སྲིད་ནས་ཁ་གསབ་བྱེད་ཚད་མུ་མཐུད་མཐོ་རུ་བཏང་ནས་སྨན་བཅོས་འགན་ལེན་གྱི་ནུས་པ་མཐོ་རུ་གཏོང་བ་བཅས་བྱ་རྒྱུ་རེད།

    གཞི་རིམ་གྱི་སྨན་བཅོས་འཕྲོད་བསྟེན་ཞབས་ཞུའི་མ་ལག་འཐུས་སྒོ་ཚང་དུ་གཏོང་བ། ཞིང་འབྲོག་ཁུལ་གྱི་སྨན་བཅོས་འཕྲོད་བསྟེན་ཞབས་ཞུའི་དྲ་བ་སྔར་བས་འཐུས་སྒོ་ཚང་དུ་བཏང་ནས་གཙོ་གནད་རྫོང་སྨན་ཁང་ཡག་པོ་གཉེར་ཏེ་ལྗོངས་ཡོངས་ཀྱི་རྫོང་72ཀྱི་སྨན་ཁང （འཕྲོད་བསྟེན་ཞབས་ཞུའི་ལྟེ་གནས ）ཚང་མ་སྤྱིར་རྒྱལ་ཁབ་ཀྱིས་གཏན་འཁེལ་བཟོས་པའི་ཚད་གཞིར་སླེབས་ཐུབ་པའི་འགན་ལེན་བྱེད་པ་དང་ཆབས་ཅིག་རྫོང་གི་སྤྱི་པའི་ཞབས་ཞུའི་སྒྲིག་གཞི་འཛུགས་རྒྱུར་ཤུགས་སྣོན་བརྒྱབ་ནས་ཤང （གྲོང་རྡལ ）འཕྲོད་བསྟེན་ཁང་འཛུགས་རྒྱུ་འཐུས་སྒོ་ཚང་དུ་གཏོང་རྒྱུ་དང་ལྟེ་བའི་ཤང （གྲོང་རྡལ ）འཕྲོད་བསྟེན་ཁང་164འཛུགས་སྐྲུན་བྱེད་པའི་ལས་འགན་ལེགས་སྒྲུབ་ཐུབ་པ་བྱས་ནས་སྤྱིར་ཚད་ལྡན་ཅན་གྱི་ཆུ་ཚད་ལ་སླེབས་པ་བྱ་རྒྱུ་དང་གྲོང་ཚོའི་འཕྲོད་བསྟེན་ཁང་འཛུགས་སྐྲུན་བྱ་རྒྱུ་དེ་གྲོང་ཚོ་རིམ་པའི་རྩ་འཛུགས་འཛུགས་སྐྲུན་བྱེད་པའི་སྤྱིའི་འཆར་འགོད་ནང་བཅུག་ནས་གྲོང་ཚོ་ཚང་མར་འཕྲོད་བསྟེན་ཁང་ཡོད་པའི་དམིགས་ཚད་མངོན་འགྱུར་ཡོང་བ་བྱ་རྒྱུ་དང་། གྲོང་ཁྱེར་གྱི་སྡེ་ཁུལ་འཕྲོད་བསྟེན་ཞབས་ཞུའི་ལྟེ་གནས་9གསར་རྒྱག་དང་བསྐྱར་སྐྲུན་རྒྱས་སྐྲུན་བྱས་ཏེ་སྡེ་ཁུལ་གྱི་འཕྲོད་བསྟེན་ཞབས་ཞུའི་ནུས་པའི་བླང་བྱ་དང་སྤྱིར་མཐུན་པ་བྱ་རྒྱུ། གཞི་རིམ་གྱི་སྨན་བཅོས་འཕྲོད་བསྟེན་དཔུང་ཁག་འཛུགས་སྐྲུན་ལ་ཤུགས་སྣོན་བརྒྱབ་ནས་གཞི་རིམ་གྱི་སྨན་བཅོས་འཕྲོད་བསྟེན་སྒྲིག་གཞི་འཁོར་སྐྱོད་བྱེད་པའི་ལམ་སྲོལ་སྒྱུར་བ་དང་བོད་ལུགས་གསོ་རིག་དང་བོད་སྨན་སྤྱོད་རྒྱུ་ཁྱབ་གདལ་ཤུགས་ཆེན་བཏང་ནས་ཞིང་འབྲོག་ཁུལ་གྱི་སྨན་བཅོས་འཕྲོད་བསྟེན་སྒྲིག་གཞིའི་བོད་ལུགས་གསོ་རིག་དང་བོད་སྨན་ཞབས་ཞུའི་ནུས་པ་ཆེ་རུ་བཏང་སྟེ་ཞིང་འབྲོག་ཁུལ་གྱི་སྐོར་སྐྱོད་སྨན་བཅོས་ལམ་ལུགས་འཐུས་སྒོ་ཚང་དུ་བཏང་ནས་ཁྱིམ་དུ་བསྐྱོད་ནས་ཞབས་ཞུ་བྱེད་ཐུབ་པ་དང་རང་འགུལ་ངང་ཞབས་ཞུ་བྱེད་ཐུབ་པ་བྱ་རྒྱུ་བཅས་རེད།