བོད་ལྗོངས་ཉིན་རེའི་ཚགས་པར་ཁང་དུ་ལྷ་ས་ནས་ཟླ་8ཚེས་6ཉིན་གནས་ཚུལ་འབྱོར་གསལ། ཟླ་8ཚེས་5ཉིན་ལྷ་སར་རྒྱལ་ཁབ་བཟའ་བཅའ་དང་སྨན་རྫས་ལྟ་སྐུལ་དོ་དམ་ཅུས་ཀྱི་བོད་སྐྱོད་བརྟག་ཞིབ་ཚོགས་པས་བོད་སྨན་གྱི་ཚད་གཞི་མཐོ་རུ་གཏོང་རྒྱུའི་སྐོར་གྱི་བཞུགས་མོལ་ཚོགས་འདུ་སྐོང་ཚོགས་བྱས་ཏེ་བོད་སྨན་དོ་དམ་བྱེད་པའི་ཆུ་ཚད་སྔར་བས་མཐོ་རུ་གཏོང་རྒྱུ་དང་བོད་སྨན་སྦྱོར་བཟོའི་ཚད་གཞི་དེ་དངོས་གཞི་ཅན་དང་། ཚད་ལྡན་ཅན། ཚན་རིག་ཅན་བཅས་ཀྱི་ཕྱོགས་སུ་འཕེལ་རྒྱས་གཏོང་རྒྱུའི་སྐོར་ཆེད་དོན་ཞིབ་འཇུག་གནང་བ་རེད།