མཁྲིས་པའི་མགོ་ནད་ཟེར་བ་དེ་ནི་མཁྲིས་པར་ཚ་བ་ཞུགས་པའི་རྐྱེན་གྱིས་མགོ་བོར་ཤུགས་རྐྱེན་ཐེབས་ནས་ན་བ་ཅིག་རེད།
སློང་རྐྱེན། སྣུམ་དང་མར་རྙིང་སོགས་ཞག་ཚིའི་རིགས་དང་།ཆང་རགས་འཐུངས་ཆེས་པ།འཁྲུགས་ལས་ཆེས་དྲགས་པ་སོགས་ཀྱིས་སློང་གི་ཡོད་པ་རེད།
ནད་རྟགས། མགོ་བོར་གཟེར་ཟུག་རྒྱག་པ་དང་།ཡང་ན་ན་བྱིང་བྱིང་བྱེད་པ།ནད་ཚབས་ཆེ་སྐབས་རིལ་འགྲོ་བ།ནད་པ་འགའ་ཞིག་ལ་ཡ་ཁུང་གཟེར་བ་དང་།ཁ་ཏིག་ཁ་བ།ཟས་ཀྱི་དང་ག་འགགས་པ།མཁྲིས་ཁུ་སྐྱུག་པ་སོགས་ཀྱི་མངོན་ཚུལ་ཡོད་པ་རེད།
སྔོན་འགོག ལུས་ཁམས་འཁྱགས་པ་དང་།སྣུམ་སོགས་ཞག་ཚིལ་རིགས་ཟ་ཆེས་པ།འཁྲུགས་ལས་ཆེས་པ་སོགས་བྱེད་རྒྱུ་མེད།
བཅོས་ཐབས། སྨན་གསེར་མདོག་བཅུ་གཅིག་དང་།གི་ཏིགཏིག་ཏ་བརྒྱད་པ།རིལ་དཀར་པད་སྡོང་།ཐང་ཆེན་ཉེར་ལྔ།གསེར་ཏིག་སོགས་འབྲེལ་ཡོད་སྨན་སྦྱོར་རྣམས་ནད་རྟགས་དང་བསྟུན་ནས་བེད་སྤྱོད་བྱས་ཆོག་གི་རེད།