ཁྲག་གི་མགོ་ནད་ཟེར་བ་དེ་ནི་ཁྲག་ཤེད་དམ་ཁྲག་གི་གནོན་ཤུགས་མཐོ་པོ་ཆགས་པ་དང་།ཡང་ན་ཁྲག་ངན་འཕེལ་བའི་རྐྱེན་གྱིས་མགོ་བོ་ན་བ་ཞིག་རེད།
སློང་རྐྱེན། ཇ་གར་པོ་དང་ཆང་རག་འཐུངས་ཆེས་པ་དང་།སྲོག་ཆགས་ལས་བྱུང་བའི་སྣུམ་རིགས་བཟས་དྲགས་པ།སེམས་ལས་ཆེས་དྲགས་པ།མཐོ་ཞིང་གྲང་ངད་ཆེ་བའི་ས་ཁུལ་དུ་བསྡད་དྲགས་པ་སོགས་ཀྱིས་སློང་གི་ཡོད་པ་རེད།
ནད་རྟགས། ཁྲག་ཤེད་དམ་ཁྲག་གི་གནོན་ཤུགས་མཐོ་བའི་མགོ་ནད་ཡིན་ན་མགོ་ཡུ་འཁོར་བ་དང་།མགོ་བོ་ཡོང་བརྒྱངས་ཡོང་བ་ལྟར་ན་ཟུག་གཏོང་བ།ལྟག་རྩ་གཟེར་བ།རྐང་ལག་སྦྲིད་པ།མིག་རབ་རིབ་བྱེད་པ་སོགས་ཀྱི་མངོན་ཚུལ་ཡོང་བ་དང་།ཁྲག་ངན་འཕེལ་བའི་མགོ་ནད་ཡིན་ན་མགོ་བོ་ལྕི་ཞིང་འཁོར་བ་དང་།གདོང་མདངས་དམར་སྨུག་ཆགས་པ།ལྷག་པར་མེ་དང་ཉི་མར་བསྲོས་ན་སྡུག་ཏུ་འགྲོ་བ་སོགས་ཀྱི་མངོན་ཚུལ་ཡོད་པ་རེད།
བཅོས་ཐབས། སྨན་སྐྱུ་རུ་ཉེར་ལྔ་དང་།ཙན་དན་བཅོ་བརྒྱད།བླ་མེད་སོགས་འབྲེལ་ཡོད་སྨན་སྦྱོར་རྣམས་ནད་རྟགས་དང་བསྟུན་ནས་བེད་སྤྱོད་བྱེད་དགོས་ཀྱི་རེད།