ཀྲུང་ནེའི་མཐའ་མཚམས་འཛུལ་སྒྲོལ་སྐོར་གྱི་སྤྱི་བསྒྲགས།
ཀྲུང་ནེའི་མཐའ་མཚམས་གཞུང་ལམ་འགག་སྒོའི་རྒྱལ་མཚམས་འཛུལ་སྒྲོལ་མི་སྣ་དང་། འགྲིམ་འགྲུལ་ཡོ་བྱད། དངོས་ཟོག་བཅས་བདེ་འཇགས་ངང་ཤར་གཏོང་ཐུབ་པའི་འགན་ལེན་བྱ་ཆེད། ད་ལྟ་ཀྲུང་ནེའི་མཐའ་མཚམས་གཞུང་ལམ་འགག་སྒོ་སྒྲོལ་བའི་འབྲེལ་ཡོད་ལས་དོན་གྱི་སྤྱི་བསྒྲགས་སྤེལ་རྒྱུ་གཤམ་གསལ།
གཅིག ཀྲུང་ནེའི་མཐའ་མཚམས་གཞུང་ལམ་འགག་སྒོ་ནས་རྒྱལ་མཚམས་འཛུལ་སྒྲོལ་བྱེད་རྩིས་ཡོད་པའི་ཀྲུང་ནེ་རྒྱལ་ཁབ་གཉིས་པོའི་སྤྱི་དམངས་ཀྱིས་ཐོག་མར་སྤུ་ཧྲེང་དང་། ལེགས་རྩེ། ལྷ་ས་གོང་དཀར་རྒྱལ་སྤྱིའི་གནམ་ཐང་གི་མཁའ་འགྲུལ་འགག་སྒོ་བཅས་ནས་རྒྱལ་མཚམས་འཛུལ་སྒྲོལ་བྱེད་དགོས་པ་དང་། རྒྱལ་ཁབ་གསུམ་པའི་མི་སྣ་ལྷ་ས་གོང་དཀར་རྒྱལ་སྤྱིའི་གནམ་ཐང་གི་མཁའ་འགྲུལ་འགག་སྒོ་དང་སྤུ་ཧྲེང་འགག་སྒོ་ནས་རྒྱལ་མཚམས་འཛུལ་སྒྲོལ་བྱེད་དགོས།
གཉིས། ཀྲུང་ནེའི་མཐའ་མཚམས་གཞུང་ལམ་འགག་སྒོ་ནས་རྒྱལ་མཚམས་འཛུལ་སྒྲོལ་བྱེད་རྩིས་ཡོད་པའི་ཀྲུང་ནེ་ཕྱོགས་གཉིས་པོའི་འགྲིམ་འགྲུལ་ཡོ་བྱད་དང་དངོས་ཟོག་དངོས་རྫས་བཅས་འབྲེལ་ཡོད་ཁེ་ལས་སམ་སྡེ་ཚན་གྱིས་ཐོག་མར་ལེགས་རྩེ་འགག་སྒོ་ནས་འགག་སྒྲོལ་འགྲོ་ལུགས་གཉེར་དགོས་པ་དང་དེ་རྗེས་རྒྱལ་མཚམས་འཛུལ་སྒྲོལ་བྱེད་དགོས།
གསུམ། ཉེ་དུས་འགྲམ་འགག་སྒོར་ཆར་ཞོད་ཆེ་བའི་རྐྱེན་གྱིས། རང་བྱུང་གནོད་འཚེའི་ཉེན་ཁ་ཅུང་ཆེ་བས། གནས་སྐབས་འགྲམ་འགག་སྒོ་ནས་རྒྱལ་མཚམས་འཛུལ་སྒྲོལ་མི་བྱེད་པའི་གྲོས་འགོ་འདོན་རྒྱུ་ཡིན།
དེ་དོན་དམིགས་སུ་སྤྱི་བསྒྲགས་འདི་སྤེལ་བ་ཡིན།
བོད་ལྗོངས་འགག་སྒོ་དོ་དམ་གཞུང་ལས་ཁང་།
2026ལོའི་ཟླ་9ཚེས་24ཉིན།
འབྲེལ་ཡོད་གསར་འགྱུར།