ཚེས་16ཉིན་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་འཇམ་དཔལ་གྱིས་རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་གཉིས་པའི་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ཚོགས་འདུ་ཐེངས་དྲུག་ཅུ་པ་གཙོ་སྐྱོང་གནང་བ་རེད།

ཚོགས་འདུའི་ཐོག བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་ཚོགས་འདུ་ཐེངས་བཞི་པ་འཚོག་རྒྱུའི་གཏན་འབེབས་འཆར་ཟིན་སྐོར་གྱི་གྲོས་གཞི་དང་། བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་གྲོས་རིམ་འཆར་ཟིན་སྐོར་གྱི་གྲོས་གཞི་དང་ཉིན་རེའི་ལས་རིམ་འཆར་ཟིན་ལ་ཞིབ་འཇུག་བྱས་པ་རེད། ཚོགས་འདུའི་ཐོག་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་ཚོགས་འདུ་ཐེངས་བཞི་པ་2026ལོའི་ཟླ་1ཚེས་31ཉིན་ལྷ་སར་འཚོག་རྒྱུའི་གྲོས་འགོ་བཏོན་པ་རེད།

ཚོགས་འདུའི་ཐོག ཚོགས་ཆེན་གྲ་སྒྲིག་ཚོགས་ཆུང་གིས་རྩ་འཛུགས་ཀྱི་འགོ་ཁྲིད་ལ་ཤུགས་སྣོན་རྒྱག་པ་དང་། སྤྱི་འདོམས་མཐུན་སྦྱོར་བྱེད་ཤུགས་ཆེ་རུ་གཏོང་བ། ལས་ཀའི་འགན་འཁྲི་ནན་དུ་གཏོང་བ་བཅས་ཀྱི་ཁར། སྡེ་ཚན་གྱི་འགན་འཁྲིར་གཞི་ཚུགས་པ་དང་ལས་འགན་ལ་དམ་པོར་དམིགས་ཏེ། ཚུགས་གནས་མཐོ་པོས་འཆར་འགོད་དང་། ཚད་གཞི་མཐོ་པོས་སྐུལ་འདེད། ནུས་ཕྱོད་ཆེན་པོས་དོན་འཁྱོལ་བཅས་བྱས་ནས་ཚོགས་ཆེན་གྱི་གྲ་སྒྲིག་དང་ཞབས་ཞུ་འགན་ལེན་གྱི་ལས་དོན་ཁག་ཚད་ལྡན་དང་གོ་རིམ་ལྡན་པ་དང་། ཏན་ཏིག་དང་ནུས་ལྡན་ཡོང་བར་མཉམ་དུ་སྐུལ་འདེད་གཏོང་དགོས་པའི་ནན་བཤད་བྱས་པ་རེད།