རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་གྲ་སྒྲིག་ལས་དོན་འགོ་ཁྲིད་ཚོཌ་ཆུང་གི་ཚོགས་འདུ་འཚོཌ་པ།
ཚེས་15ཉིན་གྱི་ཕྱི་དྲོར། རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་གྲ་སྒྲིག་ལས་དོན་འགོ་ཁྲིད་ཚོགས་ཆུང་གི་ཚོགས་འདུ་འཚོགས་ནས། རང་སྐྱོང་ལྗོངས་ཏང་ཨུད་རྒྱུན་ལས་ཨུ་ལྷན་གྱི་ཚོགས་འདུའི་དགོངས་དོན་སློབ་སྦྱོང་ལག་བསྟར་བྱས་པ་དང་སྦྲགས། ཚོགས་འདུའི་གྲ་སྒྲིག་ལས་དོན་སྤེལ་ཚུལ་བརྡ་ཁྱབ་བཏང་བ་དང་ཞིབ་ཕྲའི་ལས་འགན་བཀོད་སྒྲིག་ཀྱང་བྱས་པ་རེད།
རང་སྐྱོང་ལྗོངས་སྲིད་གྲོས་ཏང་ཙུའི་ཁོངས་མི་དང་། ཀྲུའུ་ཞི་གཞོན་པ་དང་དྲུང་ཆེ་གཅིག་ལྕོགས་ཝང་ཀང་གིས་ཚོགས་འདུ་གཙོ་སྐྱོང་གནང་བ་དང་འབྲེལ་གཏམ་བཤད་ཀྱང་གནང་བ་རེད།
ཚོགས་འདུའི་ཐོག་བསྟན་དོན། རང་སྐྱོང་ལྗོངས་སྲིད་གྲོས་སྐབས་བཅུ་གཉིས་པའི་ཚོགས་འདུ་ཐེངས་བཞི་པ་ནི་རང་ལྗོངས་ཀྱི“ལོ་ལྔ་ཚན་བཅོ་ལྔ་པའི”འགོ་ཚུགས་ལོར་འཚོགས་པའི་ཚོགས་འདུ་ཧ་ཅང་གལ་ཆེན་ཞིག་ཡིན་པས། ཆབ་སྲིད་ཀྱི་ཚུགས་གནས་མཐོ་རུ་བཏང་ནས་ཐེངས་འདིའི་ཚོགས་འདུ་སྒྲིག་འཛུགས་ཡག་པོ་བྱེད་པ་དང་། འགན་ལེན་ཡག་པོ་བྱེད་པ། ཞབས་འདེགས་ཡག་པོ་ཞུ་བ་བཅས་ཀྱི་གལ་ཆེའི་རང་བཞིན་དང་སྒམ་ནན་རང་བཞིན་ལ་ངོས་འཛིན་གང་ལེགས་བྱས་ཐོག འགན་འཁྲི་འཁུར་སེམས་དང་ལས་འགན་སྒྲུབ་སེམས་ཟབ་ཏུ་ཏན་ཏིག་བཏང་ནས། རང་སྐྱོང་ལྗོངས་ཏང་ཨུད་དང་སྲིད་གྲོས་ཏང་ཙུའི་བཀོད་སྒྲིག་བླང་བྱའི་ཐོག་བསམ་བློ་གཅིག་གྱུར་བྱེད་དགོས། གཙོ་གནད་ལས་འགན་ལ་དམིགས་ནས་ཚོགས་འདུའི་དཔྱད་གཞིའི་ཡིག་རིགས་གྲ་སྒྲིག་ནན་ཏན་དང་དྲིལ་བསྒྲགས་གཏོང་སྤེལ་ལས་དོན་ཇུས་འགོད་ཞིབ་ཚགས་བྱས་ཏེ་ཚོགས་འདུའི་བདེ་འཇགས་ནུས་ཤུགས་ཡོད་རྒུས་འགན་ལེན་བྱེད་པ་དང་ཆབས་ཅིག ཚོགས་དོན་ཞབས་ཞུ་དང་འབྲེལ་གཏུག་ཡག་པོ། རྒྱབ་ཕྱོགས་མཁོ་སྒྲུབ་འགན་ལེན་གྱི་སྤུས་ཚད་མཐོ་རུ་གཏོང་བ། ཚོགས་འདུ་སྲོལ་བཟང་སྤྱོད་བཟང་ཡོང་བའི་འགན་ལེན་བཅས་བྱས་ཏེ། གྲ་སྒྲིག་ལས་དོན་དོན་འཁྱོལ་བྱེད་པར་ཚད་གཞི་མཐོ་པོས་སྐུལ་འདེད་གཏོང་དགོས། མཐུན་སྦྱོར་མཉམ་འགུལ་བྱེད་ཤུགས་ཆེ་རུ་བཏང་ནས་གྲ་སྒྲིག་ལས་དོན་གྱི་མཉམ་ཤུགས་ཆེན་པོ་ཆགས་པར་བྱས་ཏེ་ཐེངས་འདིའི་ཚོགས་འདུ་དེ་མཐུན་སྒྲིལ་ལྕག་སྐུལ་དང་། མི་སེམས་གཅིག་སྒྲིལ། སྲོལ་བཟང་སྤྱོད་བཟང་བཅས་ཀྱི་ངང་ནས་འཚོག་དགོས།
འབྲེལ་ཡོད་གསར་འགྱུར།