དབུ་ཤོག>སྲིད་དོན།>སྲིད་དོན་གསར་འགྱུར།
  • རང་སྐྱོང་ལྗོངས་ཏང་ཨུད་དྲིལ་བསྒྲགས་པུའི་2025ལོའི་པུའུ་དོན་ཨུ་ལྷན་གྱི་ཚོགས་འདུ་ཐེངས་བཅུ་པ་འཚོགས་པ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།    |     སྤེལ་དུས།  2025-07-31

    ཚེས་29ཉིན་ལྗོངས་ཏང་ཨུད་ཀྱི་རྒྱུན་ཨུ་དང་དྲིལ་བསྒྲགས་པུའི་པུའུ་ཀྲང་དབང་ཧའེ་ཀྲོའུ་ཡིས་ལྗོངས་ཏང་ཨུད་དྲིལ་བསྒྲགས་པུའི་2025ལོའི་པུའུ་དོན་ཨུ་ལྷན་གྱི་ཚོགས་འདུ་ཐེངས་བཅུ་པ་གཙོ་སྐྱོང་གནང་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་གསུང་བཤད་གལ་ཆེན་གྱི་རྩོམ་ཡིག་དང་། འཕྲིན་ལན་གལ་ཆེན་དང་རྟེན་འབྲེལ་འཕྲིན་ཡིག་གལ་ཆེན་གྱི་དགོངས་དོན། དེ་བཞིན་ཀྲུང་དབྱང་གི་འབྲེལ་ཡོད་ཚོགས་འདུ་དང་ཡིག་ཆའི་དགོངས་དོན་བཅས་བརྒྱུད་བསྒྲགས་དང་སློབ་སྦྱོང་བྱས་པ་མ་ཟད། ལྗོངས་ཏང་ཨུད་ཀྱི་འབྲེལ་ཡོད་ཚོགས་འདུ་དང་ཡིག་ཆ་དང་ཧྲུའུ་ཅི་ཝང་ཅུན་ཀྲེང་གི་གསུང་བཤད་ཀྱི་དགོངས་དོན་བརྒྱུད་བསྒྲགས་དང་སློབ་སྦྱོང་ཡང་བྱས་པ་རེད། དབང་ཧའེ་ཀྲོའུ་ཡིས་བླང་བྱ་བཏོན་དོན། རིག་རྩལ་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་ལག་བསྟར་གཏིང་ཟབ་དང་མི་དམངས་ལྟེ་བར་འཛིན་པའི་གསར་རྩོམ་གྱི་སྟོན་ཕྱོགས་མཐའ་འཁྱོངས་ཀྱིས། རང་ལྗོངས་ཀྱི་རྒྱ་ཆེའི་རིག་རྩལ་ལས་དོན་པས་ཡིའུ་པན་ཁྲང་དང་ཐེན་ཧྭ་སོགས་སྒྱུ་རྩལ་མཁས་ཅན་གྲགས་ཅན་རྣམས་ལ་སློབ་སྦྱོང་དང་མིག་དཔེ་བལྟས་ནས་ཀུན་སྤྱོད་དང་སྒྱུ་རྩལ་ལ་གོང་བཀུར་དང་བློ་རྩེ་གཅིག་སྒྲིམ་གྱིས་གསར་རྩོམ་བྱས་ཏེ། ཏང་དང་། མེས་རྒྱལ། མི་དམངས། དུས་རབས་བཅས་ལ་བསྟོད་གླུ་འབུལ་བའི་བརྩམས་ཆོས་སྤུས་ལེགས་དེ་བས་མང་བ་བཏོན་ཁར་མང་ཚོགས་ཀྱི་བསམ་པའི་རིག་གནས་འཚོ་བ་རྒྱུན་ཆད་མེད་པར་ཕུན་སུམ་ཚོགས་སུ་བཏང་ནས་སྤྱི་ཚོགས་ཡོངས་ཀྱི་རིག་གནས་གསར་རྩོམ་གྱི་གསོན་ཤུགས་འཕེལ་བར་སྐུལ་མ་གཏོང་བ་དང་ཁྲིད་སྟོན་བྱེད་དགོས་པ་དང་། ཕྱི་ཕྱོགས་རིག་གནས་ཁྱབ་སྤེལ་དང་རིག་གནས་འགྲོ་འོང་སྤེལ་རེས་ལ་དམིགས་ནས། རྒྱལ་སྤྱིའི་ཁྱབ་སྤེལ་ནུས་པ་འཛུགས་སྐྱོང་བྱེད་ཤུགས་ཆེ་རུ་གཏོང་བ་དང་། བོད་ལྗོངས་ཀྱི་རྒྱལ་སྤྱིའི་ཁྱབ་སྤེལ་ལྟེ་གནས་སྟོབས་ཆེར་དང་བེད་སྤྱོད་ཡག་པོ་གཏོང་བ། གཞི་རྟེན་དང་ཐབས་ལམ་རྒྱུན་ཆད་མེད་པར་ཕུན་སུམ་ཚོགས་སུ་གཏོང་བ་བཅས་བྱས་ཏེ། དུས་རབས་གསར་པའི་བོད་ཀྱི་གཏམ་རྒྱུད་གསོན་ཉམས་དོད་ལ་ཕྱོགས་བསྡུས་དང་ཕྱོགས་ཡོངས་ཀྱི་སྒོ་ནས་ཡག་པོ་ཤོད་དགོས།

    དབང་ཧའེ་ཀྲོའུ་ཡིས་ནན་བཤད་གནང་དོན། ཏང་གི་སྤྱོད་ཚུལ་འཛུགས་སྐྱོང་ལ་ཤུགས་སྣོན་རྒྱག་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་ལྷག་པར་དུ“སྔར་བས་གནད་ལ་འཁེལ་བ་ལྔ”ཞེས་པའི་བླང་བྱ་གལ་ཆེན་ལག་ལེན་ནན་ཏན་བསྟར་ནས། སློབ་སྦྱོང་གཏིང་ཟབ་དང་། གནད་དོན་བཤེར་འདོན། གཅིག་བསྡུས་བཅོས་སྒྲིག སྒྲིག་སྲོལ་དང་ལམ་ལུགས་འཛུགས་པ་བཅས་ཀྱི་ཐད་མུ་མཐུད་ཤུགས་རྒྱག་པ་དང་སྦྱོང་བཤེར་བཅོས་གསུམ་གཞི་གཅིག་ཅན་ལ་མུ་མཐུད་སྐུལ་འདེད་བཏང་སྟེ། ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་བྱེད་པའི་རྒྱུན་རྣམ་ཅན་དང་ཕུགས་ཕན་ཅན་གྱི་ལམ་སྲོལ་འཐུས་སྒོ་ཚང་དུ་བཏང་ནས་སློབ་སྦྱོང་དང་སློབ་གསོར་ཕན་འབྲས་ཏན་ཏིག་ཐོབ་པའི་འགན་ལེན་བྱེད་དགོས།

    འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

འབྲེལ་ཡོད་གསར་འགྱུར།