● སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་རང་འགུལ་ངང་བྱས་རྗེས་ཧུར་ཐག་བཞག་ནས་ལྗོངས་ཡོངས་ཀྱི་རྩིས་བཤེར་ལྟ་སྐུལ་གྱི་སྤུས་ཚད་མཐོ་རུ་དང་ལས་ཕྱོད་ཆེ་རུ་གཏོང་དགོས།

 ཉེ་ཆར། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་དང་རང་སྐྱོང་ལྗོངས་ཏང་ཨུད་རྩིས་བཤེར་ཨུ་ལྷན་གྱི་ཀྲུའུ་རེན་ཝང་ཅུན་ཀྲེང་གིས་རང་སྐྱོང་ལྗོངས་ཏང་ཨུད་རྩིས་བཤེར་ཨུ་ལྷན་གྱི་ཚོགས་འདུ་གཙོ་སྐྱོང་གནང་བ་རེད།

ཚོགས་འདུའི་ཐོག སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་བརྒྱུད་བསྒྲགས་སློབ་སྦྱོང་དང་། འབྲེལ་ཡོད་སྙན་ཞུར་གྲོས་ཞིབ། གོམ་སྟབས་རྗེས་མའི་རྩིས་བཤེར་ལས་དོན་གྱི་གཙོ་གནད་ལས་འགན་ལ་ཞིབ་འཇུག་དང་བཀོད་སྒྲིག་བཅས་བྱས་པ་རེད།

ཝང་ཅུན་ཀྲེང་གིས་གསུངས་དོན། ལྟེ་བར་དམིགས་པ་དང་སྤྱི་ཡོངས་ལ་ཞབས་འདེགས་ཞུས་ནས་སྤུས་ཚད་མཐོ་བའི་རྩིས་བཤེར་ཞབས་ཞུས་བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་འགན་སྲུང་བྱེད་དགོས། ཐབས་ཇུས་བཀོད་སྒྲིག་གལ་ཆེན་ལ་དམིགས་ནས་རྩིས་བཤེར་ལྟ་སྐུལ་བྱེད་ཤུགས་ཆེ་རུ་བཏང་སྟེ། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་བརྒྱབ་ནས། བརྟན་ལྷིང་དང་འབྲེལ་བ་ཡོད་པའི་རྣམ་གྲངས་དང་། སྐྱེ་ཁམས་ཤེས་དཔལ་འཛུགས་སྐྱོང་། ཐོན་ཁུངས་གསར་སྤེལ་བེད་སྤྱོད། མཐའ་བརྟན་མཐའ་དར་དམངས་ཕྱུག་གི་རྨང་གཞིའི་སྒྲིག་བཀོད་འཛུགས་སྐྲུན་སོགས་ཁྱབ་ཁོངས་སུ་སྤྱད་པའི་མ་དངུལ་ལ་རྩིས་བཤེར་བྱེད་ཤུགས་ཆེ་རུ་གཏོང་བ་དང་། སྲིད་ཇུས་གལ་ཆེན་དོན་འཁྱོལ་དང་ནོར་སྲིད་མ་དངུལ་སྤྱོད་ཚུལ་ལ་ལྟ་སྐུལ་བྱེད་ཤུགས་ཆེ་རུ་བཏང་སྟེ། ནུས་ལྡན་གྱི་ལྟ་སྐུལ་བརྒྱུད་འཕེལ་རྒྱས་ཀྱི་སྤྱི་ཡོངས་ལ་ཞབས་འདེགས་ཞུ་ཐུབ་པར་བྱེད་དགོས། ཕྱོགས་ཡོངས་ནས་སྒྱུར་བཅོས་ཟབ་ཏུ་གཏོང་བར་དམིགས་ཏེ་རྩིས་བཤེར་ལྟ་སྐུལ་བྱེད་ཤུགས་ཆེ་རུ་གཏོང་བ་དང་གཙོ་གནད་ཁྱབ་ཁོངས་ཀྱི་སྒྱུར་བཅོས་ཟབ་ཏུ་གཏོང་བའི་དམིགས་ཚད་ལ་གཞིགས་ནས། སྒྱུར་བཅོས་བྱེད་ཐབས་ཆ་ཚང་པོ་མེད་པ་དང་། སྦྲེལ་མཐུད་མི་ཐུབ་པ། དོན་འཁྱོལ་མི་བྱེད་པ་སོགས་ཀྱི་གནད་དོན་དུས་ཐོག་ཏུ་སྙན་སེང་ཞུས་ནས་གནད་དོན་གསལ་སྟོན་དང་། དོ་དམ་ཚད་ལྡན། སྒྱུར་བཅོས་སྐུལ་གཏོང་བཅས་ལ་གཞི་གཅིག་ཏུ་སྐུལ་འདེད་གཏོང་དགོས། དམངས་འཚོ་འགན་སྲུང་དང་ལེགས་སུ་གཏོང་རྒྱུར་དམིགས་ནས་རྩིས་བཤེར་ལ་ལྟ་སྐུལ་བྱེད་ཤུགས་ཆེ་རུ་གཏོང་བ་དང་དམངས་འཚོའི་མ་དངུལ་སྤྲོད་པའི་འགག་རྩའི་ལྷུ་ཚིགས་ལ་དམ་པོར་དམིགས་ཏེ། རོགས་སྐྱོར་རྣམ་གྲངས་ཀྱི་རྒྱུ་ནོར་དོ་དམ་སོགས་ཆེད་དོན་རྩིས་བཤེར་ནུས་ཤུགས་ཡོད་རྒུས་ལེགས་པར་བསྒྲུབས་ནས་སྤྱི་ཚོགས་ཀྱི་དྲང་གཞག་དྲང་བདེན་སྲུང་སྐྱོང་དང་དམངས་འཚོའི་བདེ་རྩ་ཆེ་རུ་གཏོང་དགོས། དབང་ཆ་འཁོར་སྐྱོད་ཚད་ལྡན་དུ་གཏོང་བར་དམིགས་ཏེ་རྩིས་བཤེར་ལྟ་སྐུལ་བྱེད་ཤུགས་ཆེ་རུ་གཏོང་བ་དང་། “འགོ་གཙོ་དང་པོ”དང་ཚན་ཁག་གི་ཁོངས་མིར་ལྟ་སྐུལ་བྱེད་ཤུགས་ཆེ་རུ་གཏོང་བ། ཆབ་སྲིད་ཀྱི་གནད་དོན་དང་དཔལ་འབྱོར་གྱི་གནད་དོན་འདྲེས་པའི་རུལ་སུངས་སྣང་ཚུལ་བཅས་ལ་དམིགས་ནས། དབང་ཆ་འཁོར་སྐྱོད་དང་འགན་འཁྲི་དོན་འཁྱོལ་ཚད་ལྡན་དུ་ཏན་ཏིག་བཏང་སྟེ། གངས་ལྗོངས་ས་མཐོའི་སྲོལ་བཟང་སྤྱོད་བཟང་གི་ཆབ་སྲིད་ཁོར་ཡུག་མུ་མཐུད་ལེགས་སུ་གཏོང་དགོས། རྩིས་བཤེར་གྱིས་ཤེས་རྟོགས་བྱུང་བའི་གནད་དོན་ལ་དམིགས་ནས་རྩིས་བཤེར་དག་ཐེར་བྱེད་ཤུགས་ཆེ་རུ་གཏོང་བ་དང་། དག་ཐེར་བྱ་ཡུལ་གྱི་བྱེད་པོའི་འགན་འཁྲི་དོན་འཁྱོལ་ནན་པོ་བྱེད་པ། དམིགས་ཚད་བླང་བྱ་དང་། དག་ཐེར་བྱེད་ཐབས། དག་ཐེར་གྱི་དུས་བཀག་བཅས་ཁ་གསལ་བཟོ་བ། ཞིབ་ཕྲའི་འགན་འཁུར་ཚན་པ་དང་འགན་འཁྲི་འཁུར་མཁན་ཁ་གསལ་བཟོ་བ་བཅས་བྱས་ཏེ། རྣམ་གྲངས་རེ་རེ་བཞིན་དམ་འཛིན་ནན་པོ་དང་དམ་འཛིན་ཏན་ཏིག་བྱེད་པ་དང་གནད་དོན་རེ་རེ་བཞིན་རྩིས་བསྡུར་དང་མེད་པར་བཟོས་ནས་རྩིས་བཤེར་གྱིས་ཤེས་རྟོགས་བྱུང་བའི་གནད་དོན་དག་ཐེར་དོན་འཁྱོལ་ཞིབ་ཕྲ་བྱ་རྒྱུར་སྐུལ་འདེད་གཏོང་དགོས། རྒྱུན་རྣམ་ཅན་གྱི་ལྟ་བཤེར་དང་སྒྲུབ་སྐུལ་ལ་ཤུགས་སྣོན་རྒྱག་པ་དང་རྗེས་སྙེག་སྒྲུབ་སྐུལ་གྱི་ལས་ཀའི་ལམ་སྲོལ་སྔར་བས་འཐུས་སྒོ་ཚང་དུ་བཏང་ནས། ལས་དོན་སྤེལ་ཤུགས་མི་འདང་མཁན་དུས་ཐོག་ཏུ་བསྐོང་འདྲི་དང་བརྡ་ཁྱབ་གཏོང་བ་དང་འགན་འཛོལ་ཤོར་མཁན་གྱི་འགན་འཁྲི་བདའ་འདེད་ནན་པོ་བཏང་སྟེ། རྩིས་བཤེར་ལྟ་སྐུལ་གྱི་དམིགས་སའི་རང་བཞིན་དང་གཟབ་ནན་རང་བཞིན་ཆེ་རུ་ཏན་ཏིག་གཏོང་དགོས། རྩིས་བཤེར་གྲུབ་འབྲས་བེད་སྤྱོད་ལ་ཤུགས་སྣོན་བརྒྱབ་སྟེ། ཟུར་བསྟན་ལེབ་མཐོང་དང་། ཕྱི་ནང་མཉམ་བཅོས། སྒྲིག་སྲོལ་དང་ལམ་ལུགས་འཛུགས་པ་བཅས་བྱེད་པ་དང་རྩིས་བཤེར་ལྟ་སྐུལ་དང་། དག་ཐེར། བཅོས་སྒྲིག་བཅས་འབྲེལ་མཐུད་དམ་ཟབ་ཡོང་བར་སྐུལ་འདེད་བཏང་ནས། གནད་དོན་གཅིག་དག་ཐེར་དང་། ལམ་ལུགས་ཆ་ཚང་ཞིག་འཐུས་སྒོ་ཚང་དུ་གཏོང་བ། སྐྱོན་ཆ་ཁག་གཅིག་བཀག་འགོག་བཅས་བྱས་ཏེ་རྩིས་བཤེར་ལྟ་སྐུལ་གྱི་སྤུས་ཚད་དང་ལས་ཕྱོད་ཆེ་རུ་ཏན་ཏིག་གཏོང་དགོས།

ཝང་ཅུན་ཀྲེང་གིས་ནན་བཤད་གནང་དོན། ཏང་གིས་རྩིས་བཤེར་ལས་དོན་ལ་ཕྱོགས་ཡོངས་ནས་འགོ་ཁྲིད་བྱ་རྒྱུ་མཐའ་འཁྱོངས་དང་དེར་ཤུགས་སྣོན་བརྒྱབ་ནས། རྩིས་བཤེར་ལས་དོན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་རྩ་འཛུགས་ཀྱི་འགན་ལེན་བརྟན་པོ་བྱེད་དགོས། འགན་འཁྲི་དོན་འཁྱོལ་བྱེད་ཤུགས་ཆེ་རུ་གཏོང་དགོས་ཤིང་། རིམ་ཁག་ཏང་ཨུད་ཀྱིས་རྩིས་བཤེར་ལས་དོན་ལ་ཚད་མཐོའི་མཐོང་ཆེན་བྱས་ནས་ཆབ་སྲིད་ཀྱི་འགན་འཁྲི་འཁུར་བ་དང་། རྩིས་བཤེར་ལས་ཁུངས་ཀྱིས་ཁྲིམས་ལྟར་ལྟ་སྐུལ་གྱི་འགན་དབང་སྤྱོད་པར་ནུས་ཤུགས་ཡོད་རྒུས་རྒྱབ་སྐྱོར་དང་འགན་སྲུང་བྱེད་པ། འགན་འཁུར་བློ་མཐུན་གཙོ་བོས་དམ་འཛིན་དང་དོ་དམ་བྱེད་པ། རིམ་ཁག་སྡེ་ཚན་ཁག་གིས་ཁྲིམས་ལྟར་རང་རྟོགས་ངང་རྩིས་བཤེར་གྱི་ལྟ་སྐུལ་དང་ལེན་བཅས་བྱེད་དགོས། ལས་ཀའི་ལམ་སྲོལ་འཐུས་སྒོ་ཚང་དུ་བཏང་ནས་ཏང་གིས་རྩིས་བཤེར་ལས་དོན་ལ་ཕྱོགས་ཡོངས་ནས་འགོ་ཁྲིད་བྱེད་པའི་ལས་ཀའི་ལམ་སྲོལ་དང་རྩིས་བཤེར་ལྟ་སྐུལ་དང་ལྟ་སྐུལ་གཞན་དག་གི་འབྲེལ་མཐུད་མཐུན་སྦྱོར་ལམ་སྲོལ་སྔར་བས་འཐུས་སྒོ་ཚང་དུ་གཏོང་བ་དང་། གཞི་རིམ་ཏང་ཨུད་ཀྱི་རྩིས་བཤེར་ཨུ་ལྷན་ལ་མཛུབ་ཁྲིད་བྱ་རྒྱུར་ཤུགས་སྣོན་བརྒྱབ་སྟེ། ལས་ཀའི་མཉམ་ཤུགས་ཆགས་པར་བྱེད་དགོས། སྤྱོད་ཚུལ་མུ་མཐུད་ལེགས་སུ་བཏང་ནས་དོན་འཁྱོལ་ལ་དམ་འཛིན་ནན་པོ་བྱས་ཏེ། ཕྱོགས་ཡོངས་ནས་ཏང་དང་རྩིས་བཤེར་ནན་པོས་སྐྱོང་རྒྱུ་མཐའ་འཁྱོངས་བྱས་ཏེ། ལྷག་བསམ་རྣམ་དག་གིས་འགན་འཁུར་ཐུབ་པ་དང་བྱང་ཚད་མཐོ་བའི་ཆེད་ལས་ཅན་གྱི་རྩིས་བཤེར་ལས་བྱེད་པའི་དཔུང་ཁག་འཛུགས་སྐྱོང་ཧུར་ཐག་བྱེད་པ་དང་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་གཏིང་ཟབ་དང་ཏན་ཏིག་སྤེལ་བར་མུ་མཐུད་སྐུལ་འདེད་བཏང་སྟེ། ཕུལ་བྱུང་གྲུབ་འབྲས་ཐོག་ནས་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བར་བསུ་བ་ཞུ་དགོས།