དབུ་ཤོག>སྲིད་དོན།>སྲིད་དོན་གསར་འགྱུར།
  • ཆབ་མདོ་གྲོང་ཁྱེར་གྱི་ལས་བྱེད་པ་དང་མང་ཚོགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འཕྲིན་ལན་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱེད་པ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།    |     སྤེལ་དུས།  2025-07-25

    སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཉིང་ཁྲི་གྲོང་ཁྱེར་བྲག་ཡིབ་ཆུས་ཉིང་ཁྲི་གྲོང་རྡལ་ཀ་ལ་གྲོང་ཚོའི་ཡུལ་མི་ཡོངས་ལ་སྤྲིངས་པའི་འཕྲིན་ལན་གལ་ཆེན་ནང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཐའ་མཚམས་མི་རིགས་ས་ཁུལ་གྱི་མི་རིགས་ཁག་གི་མང་ཚོགས་ལ་ཐུགས་ཁུར་ཟབ་མོ་གནང་ལུགས་དང་གྲོང་གསེབ་དར་རྒྱས་དང་། སྐྱེ་ཁམས་སྲུང་སྐྱོང་། དམངས་འཚོ་འཕེལ་རྒྱས་བཅས་ཀྱི་ཁ་ཕྱོགས་གསལ་སྟོན་གནང་ཡོད། འཕྲིན་ལན་གལ་ཆེན་དེར་ཆབ་མདོར་ཚུར་སྣང་ལན་ཆ་ཆེན་པོ་བྱུང་ནས་རྒྱ་ཆེའི་ལས་བྱེད་པ་དང་མང་ཚོགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འཕྲིན་ལན་གལ་ཆེན་གྱི་དགོངས་དོན་མཛུབ་ཁྲིད་དུ་བྱས་ཏེ་མི་སྒེར་གྱི་འབད་འཐབ་དེ“བོད་ཤར་མུ་ཏིག”འཛུགས་སྐྲུན་གྱི་སྤྱི་ཡོངས་སུ་ཁྱབ་པར་བྱས་ནས་བློ་སྟོབས་ཆེར་སྐྱེད་དང་གསར་གཏོད་བྱེད་ཕོད་པར་བྱས་ཏེ། དུས་རབས་གསར་པའི་ས་མཐོའི་བུ་ཕྲུག་གི་འགན་འཁྲི་འཁུར་སེམས་དང་ལས་འགན་སྒྲུབ་སེམས་མངོན་པར་བྱ་རྒྱུ་ཡིན་ཞེས་གཅིག་རྗེས་གཉིས་མཐུད་ངང་བཤད།

    ཆབ་མདོ་གྲོང་ཁྱེར་གནམ་གཤིས་ཅུས་གཞུང་ལས་ཁང་གི་ལས་དོན་པ་ལི་ཅིན་ཏ་ཡིས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འཕྲིན་ལན་གལ་ཆེན་གྱི་དགོངས་དོན་སློབ་སྦྱོང་བྱས་རྗེས། གནམ་གཤིས་ལས་དོན་ལ་ངོས་འཛིན་སྔར་བས་གཏིང་ཟབ་བྱུང་བ་སྟེ། “གནམ་གཤིས་ལས་དོན་ནི་ཕྱི་ཚུལ་ཐོག‘སྤྲིན་པར་བལྟས་ནས་གནམ་གཤིས་ལ་བརྟག་དཔྱད་བྱ་རྒྱུ’དེ་ཡིན་མོད། འོན་ཀྱང་ངོ་བོའི་ཐོག‘མི་དམངས་ལ་ཞབས་འདེགས་ཞུ་བའི’བླ་ན་མེད་པའི་བྱ་གཞག་ཞིག་རེད”ཅེས་བཤད་པ་དང་། ཁོང་གིས། ཆབ་མདོའི་གནམ་གཤིས་ཀྱི་ཆ་རྐྱེན་རྙོག་འཛིང་ཆེ་བས་ཆར་པ་འབབ་རྒྱུའི་གནད་ལ་འཁེལ་བའི་སྔོན་བརྡ་རེ་རེ་ནི“ཚེ་སྲོག་གོང་དུ་བཀུར་བའི”འདུ་ཤེས་ལ་གསོན་ཉམས་ལྡན་པའི་གསལ་འགྲེལ་ཞིག་ཡིན་པ་དང“མི་དམངས་གོང་དུ་བཀུར་བའི”འདུ་ཤེས་དེ་གནམ་གཤིས་དེང་རབས་ཅན་འཛུགས་སྐྲུན་ནང་འདྲེས་ཏེ་རིག་ལྡན་གནམ་གཤིས་ལ་བརྟེན་ནས་གནོད་འཚེ་སྔོན་འགོག་དང་ཉུང་གཏོང་ལ་མཐུན་སྐྱེན་སྦྱོར་བ་དང་། སྐྱེ་ཁམས་ལྟ་ཞིབ་ཚད་ལེན་ལ་བརྟེན་ནས་གཙང་གསུམ་རྒྱུག་ཁུལ་སྲུང་བ། གཞི་གྲངས་འཁོར་སྦྲེལ་ལ་བརྟེན་ནས་དམངས་འཚོ་འགན་སྲུང་བྱེད་པའི“མཐའ་མའི་འགག་གནད”སྦྲེལ་མཐུད་བྱས་ཏེ་ཆབ་མདོའི་སྤུས་ཚད་མཐོ་བའི་འཕེལ་རྒྱས་ལ་བདེ་འཇགས་ཀྱི་སྲུང་བཅད་བརྟན་པོ་བསྐྲུན་ཡོད་རེད་ཅེས་བཤད།

    མིག་སྔར། ཆབ་མདོའི་རྒྱ་ཆེའི་ལས་བྱེད་པ་དང་མང་ཚོགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འཕྲིན་ལན་གལ་ཆེན་གྱི་དགོངས་དོན་མཛུབ་ཁྲིད་དུ་བྱས་ཏེ། “ཐམས་ཅད་ཤར་ལ་ཕྱོགས་ཏེ་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཀྱི་སྣེ་ཁྲིད་དཔེ་སྟོན་གྲོང་ཁྱེར་ཞིག་འཛུགས་སྐྲུན་བྱེད་པའི”དམིགས་ཚད་དང་བསྡུར་ནས་སྐྱེ་ཁམས་སྲུང་སྐྱོང་ཁྲོད“རི་བོ་གཉིས”ཀྱི་འདུ་ཤེས་ལག་ལེན་བསྟར་བ་དང་། ཐོན་ལས་འཕེལ་རྒྱས་ཁྲོད་གསར་གཏོད་ཀྱི་སྒུལ་ཤུགས་སྣོན་པ། དམངས་འཚོ་ལེགས་སུ་གཏོང་བའི་ཁྲོད་བདེ་སྐྱིད་སྟོན་གྲངས་མཐོ་རུ་གཏོང་བ། མཐུན་སྒྲིལ་དང་། འབྱོར་ཕྱུག ཤེས་དཔལ། ཞི་མཐུན། མཛེས་སྡུག་བཅས་ལྡན་པའི་སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་འཛུགས་སྐྲུན་བྱེད་པའི་རྒྱང་ལམ་ཁྲོད་འབད་འབུངས་ཀྱི་སྟོབས་ཤུགས་གཅིག་ཏུ་སྒྲིལ་ཏེ“བོད་ཤར་མུ་ཏིག”གི་རྣམ་པ་གསར་པ་མཉམ་དུ་གཏོད་བཞིན་ཡོད།

    འགན་འཁུར་རྩོམ་སྒྲིག་པ། ནོར་བུ་གཡུ་སྒྲོན།

འབྲེལ་ཡོད་གསར་འགྱུར།