ལྗོངས་ཡོངས་ཀྱི་ལྗང་མདོག་གཏེར་རི་སྐྲུན་པའི་ལས་དོན་གྱི་ས་གནས་ས་ཐོག་གི་ཚོགས་འདུ་མལ་གྲོ་གུང་དཀར་རྫོང་དུ་འཚོགས་པ།
ཀརྨ་ཚེ་བརྟན་ཞུགས་པ་དང་གསུང་བཤད་གནང་བ།
ཚེས་22ཉིན། ལྗོངས་ཡོངས་ཀྱི་ལྗང་མདོག་གཏེར་རི་སྐྲུན་པའི་ས་གནས་ས་ཐོག་གི་ལས་དོན་ཚོགས་འདུ་ལྷ་ས་གྲོང་ཁྱེར་མལ་གྲོ་གུང་དཀར་རྫོང་དུ་འཚོགས་པ་རེད། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་རང་སྐྱོང་ལྗོངས་ཀྱི་ཀྲུའུ་ཞི་ཀརྨ་ཚེ་བརྟན་ཚོགས་འདུར་ཞུགས་པ་དང་གསུང་བཤད་གནང་བ་རེད།
བསྟན་པ་ཚོགས་འདུར་ཞུགས་པ་རེད།
ཀརྨ་ཚེ་བརྟན་གྱིས་གསུངས་དོན། རང་སྐྱོང་ལྗོངས་ཀྱི་ཏང་གི་འཐུས་མི་ཚོགས་ཆེན་ཐེངས་བཅུ་པ་འཚོགས་ཚུན། ཧྲུའུ་ཅི་ཝང་ཅུན་ཀྲེང་གིས་པན་ཀྲང་གནང་བའི་རང་སྐྱོང་ལྗོངས་ཏང་ཨུད་ཀྱིས་ལྗང་མདོག་གཏེར་རི་སྐྲུན་པ་དེ་རྒྱལ་ཁབ་ཀྱི་སྐྱེ་ཁམས་ཤེས་དཔལ་གྱི་མཐོ་ས་འཛུགས་གཏོད་ཧུར་ཐག་བྱེད་པའི་དམ་འཛིན་བྱ་གཞི་གལ་ཆེན་དུ་བརྩི་བ་མཐའ་འཁྱོངས་བྱས་པས། གཏེར་རི་སྐྲུན་པའི“ལྗང་མདོག་ཚད་གཞི”དང་སྤུས་ཚད་ཟམ་མི་ཆད་པར་མཐོ་རུ་ཕྱིན་ཡོད། ལྗང་མདོག་གཏེར་རི་འཛུགས་སྐྲུན་ནི“རྒྱལ་ཁབ་ཀྱི་དོན་ཆེན”ཡིན་ཞིང་། དེ་རྒྱུན་མཐུད་ཆོག་པའི་འཕེལ་རྒྱས་དང་འབྲེལ་བ་ཡོད་པས་སྐྱེ་ཁམས་སྲུང་སྐྱོང་དང་དཔལ་འབྱོར་འཕེལ་རྒྱས་ཕན་ཚུན་གཅིག་གྱུར་ཡོང་རྒྱུ་མཐའ་འཁྱོངས་ཀྱིས་སྐྱེ་ཁམས་སྔོན་འཇོག་དང་བསྟུད་མར་འཕེལ་རྒྱས་གཏོང་བའི་དམིགས་ཚད་དམ་པོར་འཛིན་རྒྱུ་གཡོ་འགུལ་མི་གཏོང་བ་དང་། རྒྱལ་ཁབ་ཀྱི་བདེ་འཇགས་དང་འབྲེལ་བ་ཡོད་པས་རྒྱལ་ཁབ་ཀྱི་དགོས་མཁོ་དང་བོད་ཀྱི་ཡོད་ཚད་ཕན་ཚུན་གཅིག་གྱུར་ཡོང་རྒྱུ་མཐའ་འཁྱོངས་ཀྱིས་རྒྱལ་ཁབ་ཀྱི་དོན་དུ་དང་། རྒྱལ་ཁབ་ལ་ཕན་པ། བདེ་འཇགས་ཕན་ཆེ་བཅས་ཀྱི་དམིགས་ཚད་དམ་པོར་འཛིན་རྒྱུ་གཡོ་འགུལ་མི་གཏོང་བ། དམངས་འཚོའི་བདེ་རྩ་དང་འབྲེལ་བ་ཡོད་པས་དཔལ་འབྱོར་གྱི་ཕན་འབྲས་དང་སྤྱི་ཚོགས་ཀྱི་ཕན་འབྲས་ཕན་ཚུན་གཅིག་གྱུར་ཡོང་རྒྱུ་མཐའ་འཁྱོངས་ཀྱིས་ཁེ་ལས་དང་ས་ཁུལ་མཉམ་སྐྲུན་དང་དམངས་ཕན་དམངས་ཕྱུག་གི་དམིགས་ཚད་དམ་པོར་འཛིན་རྒྱུ་གཡོ་འགུལ་མི་གཏོང་བ། ཚོང་གཉེར་ཁོར་ཡུག་དང་འབྲེལ་བ་ཡོད་པས་ལྟ་འདོམས་ནན་ཏན་དང་ཕན་ཡོད་ཞབས་ཞུ་ཕན་ཚུན་གཅིག་གྱུར་ཡོང་རྒྱུ་མཐའ་འཁྱོངས་ཀྱིས་ཁྲིམས་སྐྱོང་ནན་པོ་དང་ཚད་ལྡན་ཡོངས་བསྒྲགས་ཀྱི་དམིགས་ཚད་དམ་པོར་འཛིན་རྒྱུ་གཡོ་འགུལ་མི་གཏོང་བ་བཅས་བྱེད་དགོས།
ཀརྨ་ཚེ་བརྟན་གྱིས་ནན་བཤད་གནང་དོན། “ཚང་དགོས་པ་གསུམ་དང་ཕན་འདོགས་པ་གཅིག”གི་སྤྱིའི་བླང་བྱ་ཐོག་མཐའ་བར་གསུམ་དུ་མཐའ་འཁྱོངས་ཀྱིས་ལོ་རྒྱུས་དང་མི་དམངས་ལ་འགན་འཁུར་བའི་རྣམ་འགྱུར་ཐོག་ནས་ཕྱོགས་ཁག་གི་འགན་འཁྲི་ནན་པོར་དཀྲིས་ཏེ། ཆོད་སེམས་བརྟན་ཤོས་དང་། འགན་འཁྲི་ནན་ཤོས། ལྟ་འདོམས་ནན་ཤོས། བྱེད་ཐབས་ནུས་ཆེ་བཅས་ཀྱི་ཐོག་ནས་ལྗང་མདོག་གཏེར་རི་འཛུགས་སྐྲུན་ལ་སྐུལ་འདེད་བཏང་སྟེ་ཁྲིམས་དང་མི་མཐུན་ན་འཕེལ་རྒྱལ་མི་གཏོང་བ་དང་བཅའ་ཁྲིམས་དང་ཁྲིམས་སྲོལ་ཚད་གཞིར་བཟུང་ནས་ཁྲིམས་དང་སྒྲིག་སྲོལ་གཞིར་བཟུང་ལས་དོན་བསྒྲུབ་རྒྱུ་དེ་ལྗང་མདོག་གཏེར་རི་འཛུགས་སྐྲུན་གྱི་བརྒྱུད་རིམ་ཧྲིལ་པོར་ཁྱབ་པ་དང་། ཁོར་ཡུག་སྲུང་སྐྱོང་མི་ཐུབ་ན་འཕེལ་རྒྱས་མི་གཏོང་བ་དང་ལྗང་མདོག་གསར་སྤེལ་གཞི་རྟེན་དུ་བྱས་ནས“རི་བོ་གཉིས”ཀྱི་འདུ་ཤེས་དེ་ལྗང་མདོག་གཏེར་རི་འཛུགས་སྐྲུན་གྱི་བརྒྱུད་རིམ་ཧྲིལ་པོར་ཁྱབ་རྒྱུ་མཐའ་འཁྱོངས་བྱེད་པ། བདེ་འཇགས་མེད་ན་འཕེལ་རྒྱས་མི་གཏོང་བ་དང་བདེ་འཇགས་ཐོན་སྐྱེད་འགན་སྲུང་དུ་བྱས་ནས“དོ་དམ་གསུམ་དང་ངེས་པར་དུ་གསུམ”དེ་ལྗང་མདོག་གཏེར་རི་འཛུགས་སྐྲུན་གྱི་བརྒྱུད་རིམ་ཧྲིལ་པོར་ཁྱབ་པ། དཔལ་འབྱོར་ཡག་པོ་མེད་ན་འཕེལ་རྒྱས་མི་གཏོང་བ་དང་མི་དམངས་ལྟེ་བར་བཟུང་ནས་མཉམ་སྤྱོད་དང་མཉམ་སྐྱོང་དེ་ལྗང་མདོག་གཏེར་རི་འཛུགས་སྐྲུན་གྱི་བརྒྱུད་རིམ་ཧྲིལ་པོར་ཁྱབ་པ་བཅས་ཏན་ཏིག་བྱས་ཏེ། ཆབ་སྲིད་ཀྱི་ཕན་འབྲས་དང་། དཔལ་འབྱོར་གྱི་ཕན་འབྲས། སྤྱི་ཚོགས་ཀྱི་ཕན་འབྲས། སྐྱེ་ཁམས་ཀྱི་ཕན་འབྲས་བཅས་གཅིག་གྱུར་དམ་ཟབ་ཡོང་བར་བྱས་ནས་ལྗོངས་ཡོངས་ཀྱི་ལྗང་མདོག་གཏེར་རི་འཛུགས་སྐྲུན་གྱི་རྣམ་པ་གསར་པ་ནུས་ཤུགས་ཡོད་རྒུས་བཏོད་དེ་ཕུལ་བྱུང་གི་གྲུབ་འབྲས་ཐོག་ནས་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བར་བསུ་བ་ཞུ་དགོས།
ཚོགས་འདུ་མ་འཚོག་གོང་། ཀརྨ་ཚེ་བརྟན་གྱིས། གཏེར་ཁུལ་གྱི་སྐྱེ་ཁམས་སླར་གསོ་སོགས་ཀྱི་ལས་དོན་ལ་བརྟག་ཞིབ་གནང་བ་དང་། ཚོགས་ཞུགས་འཐུས་མིས་ས་ཆ་དངོས་སུ་ཅུས་ལུང་ཟངས་ལས་ཀྱི་ལྗང་མདོག་གཏེར་རི་འཛུགས་སྐྲུན་གྱི་གནས་ཚུལ་ལ་ལྟ་སྐོར་བྱས་པ་རེད།
འབྲེལ་ཡོད་གྲོང་ཁྱེར་དང་། རྫོང་། སྡེ་ཚན་བཅས་དང་ཁེ་ལས་ཁག་གཅིག་གི་འཐུས་མིས་སྤེལ་རེས་གཏམ་བཤད་བྱས་པ་རེད།
འབྲེལ་ཡོད་གསར་འགྱུར།