ཟླ་7ཚེས་20ཉིན། གཞུང་རྒྱུ་ཨུ་ལྷན་དང་ཀྲུང་དབྱང་ཁེ་ལས་ཀྱིས་བོད་ཀྱི་སྤུས་ཚད་མཐོ་བའི་འཕེལ་རྒྱས་ལ་རམ་འདེགས་བྱེད་པའི་སྐུལ་སྤེལ་ཚོགས་འདུ་ལྷ་སར་འཚོགས་པ་རེད། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་དང་རྒྱལ་སྲིད་སྤྱི་ཁྱབ་ཁང་གཞུང་རྒྱུ་ཨུ་ལྷན་ཏང་ཨུད་ཀྱི་ཧྲུའུ་ཅི་དང་ཀྲུའུ་རེན་ཀྲང་ཡུས་ཀྲུའོ་ཚོགས་འདུར་ཞུགས་ནས་གསུང་བཤད་གནང་ཞིང་། འདི་ནི་ཚོགས་ར་ཡིན་པ།

 ཟླ་7ཚེས་20ཉིན། གཞུང་རྒྱུ་ཨུ་ལྷན་དང་ཀྲུང་དབྱང་ཁེ་ལས་ཀྱིས་བོད་ཀྱི་སྤུས་ཚད་མཐོ་བའི་འཕེལ་རྒྱས་ལ་རམ་འདེགས་བྱེད་པའི་སྐུལ་སྤེལ་ཚོགས་འདུ་ལྷ་སར་འཚོགས་པ་རེད། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་དང་རྒྱལ་སྲིད་སྤྱི་ཁྱབ་ཁང་གཞུང་རྒྱུ་ཨུ་ལྷན་ཏང་ཨུད་ཀྱི་ཧྲུའུ་ཅི་དང་ཀྲུའུ་རེན་ཀྲང་ཡུས་ཀྲུའོ་ཚོགས་འདུར་ཞུགས་ནས་གསུང་བཤད་གནང་བ་དང་། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་རང་སྐྱོང་ལྗོངས་ཀྱི་ཀྲུའུ་ཞི་ཀརྨ་ཚེ་བརྟན་གྱིས་ཚོགས་འདུ་གཙོ་སྐྱོང་གནང་བ་རེད།

ཝང་ཅུན་ཀྲེང་གིས་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཚབ་ཞུས་ནས་རྒྱལ་སྲིད་སྤྱི་ཁྱབ་ཁང་གཞུང་རྒྱུ་ཨུ་ལྷན་དང་ཀྲུང་དབྱང་ཁེ་ལས་ཀྱིས་ལོ་མང་རིང་བོད་ཀྱི་ལས་དོན་ལ་རྒྱབ་སྐྱོར་ཤུགས་ཆེན་གནང་བར་ཐུགས་རྗེ་ཆེ་ཞུས་ཤིང་། ཁོང་གིས་རང་སྐྱོང་ལྗོངས་ཏང་ཨུད་ཀྱིས་མི་རིགས་ཁག་གི་ལས་བྱེད་པ་དང་མང་ཚོགས་ལ་མཐུན་སྒྲིལ་སྣེ་ཁྲིད་བྱས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བོད་ཀྱི་ལས་དོན་སྐོར་གྱི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་ནན་ཏན་བྱེད་པ་དང་། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་རྒྱག་པ། འདུ་ཤེས་སྒྱུར་བ་དང་འབད་འཐབ་ཧུར་ཐག་བཅས་བྱས་ནས། བྱ་གཞག་ཁག་ལ་གྲུབ་འབྲས་གསར་པ་རྒྱུན་ཆད་མེད་པར་ཐོབ་པར་སྐུལ་འདེད་བཏང་ཡོད། གྲུབ་འབྲས་འདི་དག་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་དང་ཏང་ཀྲུང་དབྱང་གི་མཁས་མཛངས་ལྡན་པའི་འགོ་ཁྲིད་ལ་བརྟེན་ནས་ཐོབ་པ་དང་། དེ་ནི་བོད་ཀྱི་མི་རིགས་ཁག་གི་མི་དམངས་ཀྱིས་མཐུན་སྒྲིལ་རྡོག་རྩ་གཅིག་སྒྲིལ་དང་ཡར་རྒྱས་བརྩོན་ལེན་བྱས་པའི་འབྲས་བུ་དང་། ཁ་གཏད་བོད་སྐྱོར་ཚན་པ་དང་རྒྱལ་ཡོངས་མི་དམངས་ཀྱིས་རྒྱབ་སྐྱོར་ཤུགས་ཆེན་བྱས་པའི་འབྲས་བུ་རེད་ལ། གཞུང་རྒྱུ་ཨུ་ལྷན་དང་ཀྲུང་དབྱང་ཁེ་ལས་ཁོངས་གཏོགས་ཀྱིས་ཐུགས་ཁུར་རོགས་རམ་གནང་བ་དང་ཁ་འབྲལ་ཐབས་མེད། དུས་ཡུན་རིང་པོའི་ནང་། རྒྱལ་སྲིད་སྤྱི་ཁྱབ་ཁང་གཞུང་རྒྱུ་ཨུ་ལྷན་དང་ཀྲུང་དབྱང་ཁེ་ལས་ཀྱིས་མི་རིགས་མཐུན་སྒྲིལ་ལ་སྐུལ་འདེད་དང་། ཐོན་ལས་འཕེལ་རྒྱས་ལ་སྐུལ་ཁྲིད། དམངས་འཚོའི་བདེ་རྩ་ཆེར་གཏོང་། སྐྱེ་ཁམས་སྲུང་སྐྱོང་དང་མཐའ་མཚམས་འཕེལ་རྒྱས་ལ་རམ་འདེགས་བྱེད་པ་སོགས་ཀྱི་ཐད་དམིགས་བསལ་གྱི་ནུས་པ་བཏོན་ནས། བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་ལེགས་སྐྱེས་ཧུར་ཐག་ཕུལ་ཡོད་ཅེས་གསུངས་པ་རེད།

ཝང་ཅུན་ཀྲེང་གིས་གསུངས་དོན། བོད་ལ་ཏང་དང་རྒྱལ་ཁབ་ཀྱི་ལས་དོན་སྤྱི་ཡོངས་ཁྲོད་འཐབ་ཇུས་ཀྱི་གནས་བབ་གལ་ཆེན་ལྡན་ཡོད། གཞུང་རྒྱུ་ཨུ་ལྷན་དང་ཀྲུང་དབྱང་ཁེ་ལས་ཀྱིས་བོད་ཀྱི་སྤུས་ཚད་མཐོ་བའི་འཕེལ་རྒྱས་ལ་རམ་འདེགས་བྱེད་རྒྱུར་སྐུལ་འདེད་གཏོང་བར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བོད་ཀྱི་ལས་དོན་སྐོར་གྱི་མཛུབ་སྟོན་གལ་ཆེན་བློ་བརྟན་འགྱུར་མེད་ངང་ལག་བསྟར་དོན་འཁྱོལ་བྱས་ནས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པ་དང་། ཀྲུང་ཧྭ་མི་རིགས་གཅིག་མཐུན་ཚོགས་པ་འཛུགས་པར་སྐུལ་འདེད་ཏན་ཏིག་གཏོང་བ། སྲོལ་རྒྱུན་བཟང་པོ་དར་སྤེལ་གཏོང་བ། མི་རིགས་ཁག་འགྲོ་འོང་སྤེལ་རེས་དང་མཉམ་འདྲེས་ལ་ཤུགས་སྣོན་རྒྱག་པ་བཅས་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་བྱེད་པའི་ལེའུ་གསར་པ་རྩོམ་དགོས། “བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་སྟོབས”བཅས་ཀྱི་དོན་ཆེན་བཞི་དོན་འཁྱོལ་ལ་རྒྱུན་འཁྱོངས་ལྷོད་མེད་ངང་དམ་འཛིན་ཡག་པོ་བྱས་ནས། ནུས་རྒྱུ་གཙང་མ་དང་ལྗང་མདོག་བཟོ་ལས་སོགས་ཀྱི་ཐོན་ལས་ཆེན་པོ་དགུ་འཕེལ་རྒྱས་ལ་སྐུལ་འདེད་ཏན་ཏིག་གཏོང་བ་དང་། གསར་དར་ཐོན་ལས་སྐྱེད་སྲིང་བྱེད་པ། དེང་རབས་ཅན་གྱི་ཐོན་ལས་མ་ལག་མགྱོགས་མྱུར་སྐྲུན་པ། ཐོན་ཁུངས་ཀྱི་ལེགས་ཆ་དེ་བས་ཡག་པའི་སྒོ་ནས་འཕེལ་རྒྱས་ཀྱི་ལེགས་ཆར་འགྱུར་བ་བཅས་བྱས་ཏེ། མཉམ་ལས་གཉིས་ཁེ་ཡོང་བར་བྱེད་དགོས། དམངས་འཚོ་ལེགས་སུ་གཏོང་བར་དམིགས་ནས། བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལྷུག་ཡང་ཚོད་འཛིན་དང་དམ་ནན་གྱི་གཅུན་འདོམས་ལ་གཞིགས་པ་དང་། མི་འབོར་གྱི་བྱང་ཚད་མཐོར་གཏོང་དང་། མི་སེམས་གོང་བུ་གཅིག་སྒྲིལ། ཤེས་ལྡན་པ་གསོ་སྐྱོང་སོགས་ཀྱི་ལས་དོན་རྒྱུན་མཐུད་ཡག་པོ་སྒྲུབ་པ། རྨང་གཞིའི་སྒྲིག་བཀོད་འཛུགས་སྐྲུན་བྱེད་ཤུགས་ཆེ་རུ་གཏོང་བ་བཅས་བྱས་ཏེ། མི་རིགས་ཁག་གི་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་ཆེ་རུ་ཏན་ཏིག་གཏོང་དགོས། ཀྲུང་དབྱང་ཁེ་ལས་བོད་དུ་འཕེལ་རྒྱས་འགྲོ་བར་ཁོར་ཡུག་བཟང་པོ་བསྐྲུན་ནས་ཁྲིམས་སྐྱོང་སྲིད་གཞུང་འཛུགས་སྐྱོང་བྱེད་པ་དང་། ཚོང་གཉེར་ཁོར་ཡུག་ལེགས་སུ་གཏོང་བ། ཞབས་ཞུ་འགན་སྲུང་ལ་ཤུགས་སྣོན་རྒྱག་པ། ཕྱོགས་ཁག་གི་སྟོབས་ཤུགས་གཅིག་ཏུ་སྒྲིལ་བ་བཅས་བྱས་ཏེ། བོད་ཀྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་ཐུན་མོང་ཐོག་སྐུལ་འདེད་གཏོང་དགོས།

ཀྲང་ཡུས་ཀྲུའོ་ཡིས་རྒྱལ་སྲིད་སྤྱི་ཁྱབ་ཁང་གཞུང་རྒྱུ་ཨུ་ལྷན་ཏང་ཨུད་ཀྱི་ཚབ་ཞུས་ནས་བོད་རང་སྐྱོང་ལྗོངས་ཀྱི་རིམ་ཁག་ཏང་ཨུད་དང་སྲིད་གཞུང་གིས་དུས་ཡུན་རིང་པོའི་ནང་གཞུང་རྒྱུ་ཨུ་ལྷན་དང་ཀྲུང་དབྱང་ཁེ་ལས་ལ་ཐུགས་ཁུར་དང་རྒྱབ་སྐྱོར་གནང་བར་སྙིང་ཐག་པ་ནས་ཐུགས་རྗེ་ཆེ་ཞུས་ཤིང་། ཁོང་གིས་ཀྲུང་དབྱང་ཁེ་ལས་ཀྱིས་ད་ཐེངས་ཀྱི་སྐུལ་སྤེལ་ཚོགས་འདུ་གོ་སྐབས་སུ་བྱས་ནས་རྩ་འཛུགས་ཀྱི་འགོ་ཁྲིད་ལ་སྔར་བས་ཤུགས་སྣོན་རྒྱག་པ་དང་། ལས་ཀའི་ལམ་སྲོལ་འཐུས་སྒོ་ཚང་དུ་གཏོང་བ། རྒྱབ་སྐྱོར་བྱེད་ཤུགས་ཆེ་རུ་གཏོང་བ། བོད་དུ་མ་འཇོག་ལས་དར་བྱེད་པའི་ཁོངས་གཏོགས་ཚན་པའི་ཧུར་སེམས་དང་རང་འགུལ་རང་བཞིན་སྐོང་འཐེན་གང་ལེགས་བྱེད་པ། དོན་གཉེར་གོ་ཆོད་དང་། གཉིས་ཕན་གཉིས་ཁེ། སྐུལ་ཁྲིད་ཀྱི་ཕན་ནུས་ཡག་པ། རྒྱུན་མཐུད་ཆོག་པའི་འཕེལ་རྒྱས་བཅས་ཀྱི་མ་འཇོག་རྣམ་གྲངས་ཁག་གཅིག་ཇུས་འགོད་ཞིབ་ཚགས་དང་ལག་ལེན་བསྟར་བ། སྤུས་ཚད་མཐོ་པོས་རྣམ་གྲངས་དོན་འཁྱོལ་ལ་སྐུལ་འདེད་གཏོང་བ་བཅས་བྱས་ཏེ། མཚོན་རྟགས་རང་བཞིན་གྱི་ལས་གྲྭ་རྩེ་གྲ་ཁག་གཅིག་གཏོད་དགོས། ས་ཁུལ་གྱི་ཐོན་ཁུངས་ལེགས་ཆར་གཞི་ཚུགས་ནས་མ་དངུལ་དང་། ཤེས་ལྡན་པ། ལག་རྩལ། དོ་དམ་སོགས་ཐད་ཀྱི་ཀྲུང་དབྱང་ཁེ་ལས་ཀྱི་ལེགས་ཆ་གང་ལེགས་འདོན་པ་དང་། བོད་ལ་ནུས་རྒྱུ་གཙང་མའི་ཐོན་ལས་རྒྱ་སྟོབས་ཆེ་རུ་མགྱོགས་མྱུར་གཏོང་བ་དང་། ས་མཐོའི་ཁྱད་ལྡན་ཞིང་འབྲོག་ལས་སྟོབས་ཆེར་གཏོང་བ། རིག་གནས་ཡུལ་སྐོར་ཐོན་ལས་ཚད་རིམ་གཉིས་སྤོར་ལ་སྐུལ་འདེད་གཏོང་བ། ཚན་རྩལ་གསར་གཏོད་སྐུལ་སྤེལ་ལ་ཤུགས་སྣོན་རྒྱག་པ་བཅས་ལ་རམ་འདེགས་བྱེད་པ། གཙོ་གནད་ལས་གྲྭ་དང་རང་ཡུལ་གྱི་མཐོ་སློབ་དང་། ཚན་ཞིབ་ཁང་། ཁེ་ལས་བཅས་མཉམ་ལས་གཏིང་ཟབ་ལ་བརྟེན་པ་བཅས་བྱས་ཏེ། བོད་ཀྱི་ཁྱད་ཆོས་ལྡན་པའི་དེང་རབས་ཅན་གྱི་ཐོན་ལས་མ་ལག་ཐུན་མོང་ཐོག་སྐྲུན་དགོས། ཀྲུང་དབྱང་ཁེ་ལས་ཀྱི་དམིགས་བསལ་ལེགས་ཆ་བཏོན་ནས་རྨང་གཞིའི་སྒྲིག་བཀོད་ཁྱབ་ཁོངས་སུ་མ་འཇོག་དང་འཛུགས་སྐྲུན་བྱེད་ཤུགས་རྒྱུན་མཐུད་ཆེ་རུ་གཏོང་བ་དང་། གློག་ཤུགས་འཕྲིན་གཏོང་དྲ་རྒྱ་སྣུར་སྲིང་དང་ཁྱབ་པ། ཕྱོགས་བསྡུས་སྐྱེལ་འདྲེན་བགྲོད་ལམ་སྐྲུན་པར་སྐུལ་འདེད་མགྱོགས་མྱུར་གཏོང་བ། རྨང་གཞིའི་སྒྲིག་བཀོད་གསར་པ་འཛུགས་སྐྲུན་ལ་ཤུགས་སྣོན་རྒྱག་པ་བཅས་བྱས་ཏེ། བོད་ཀྱི་སྤྱི་པའི་ཞབས་འདེགས་ཞུ་ནུས་ཆེ་རུ་དང་མཉམ་སྦྲེལ་མཉམ་མཐུད་ཀྱི་ཆུ་ཚད་ཐུན་མོང་ཐོག་མཐོ་རུ་གཏོང་དགོས། འགྲོ་འོང་དང་། སྤེལ་རེས། མཉམ་འདྲེས་བཅས་ལ་ཤུགས་སྣོན་བརྒྱབ་ནས། མ་འཇོག་འཛུགས་སྐྲུན་དང་རོགས་སྐྱོར་རོགས་རམ་བྱེད་རིང་མི་རིགས་ཀྱི་ལས་དོན་དང་བོད་སྐྱོར་ལས་དོན་མཉམ་དུ་ཇུས་འགོད་དང་བཀོད་སྒྲིག་བྱེད་པ་དང་། འབྲེལ་ཟམ་དང་འབྲེལ་ཐག་གི་ནུས་པ་གང་ལེགས་འདོན་པ། སྤེལ་རེས་མཉམ་ལས་བྱེད་ཟབ་ཏུ་གཏོང་བ། མཐའ་དར་དམངས་ཕྱུག་གི་བྱ་སྤྱོད་ལ་ཧུར་ཐག་ཞུགས་པ། མཐའ་མཚམས་འཕེལ་རྒྱས་ལ་རམ་འདེགས་བྱེད་པ། ལས་ཞུགས་ལ་སྐུལ་ཁྲིད་རྒྱ་ཁྱབ་བྱེད་པ། དམངས་འཚོའི་བདེ་རྩ་ཆེ་རུ་གཏོང་བ་བཅས་བྱས་ཏེ། བོད་ཀྱི་མི་རིགས་མཐུན་སྒྲིལ་ཡར་ཐོན་བྱ་གཞག་ལ་ཐུན་མོང་ཐོག་སྐུལ་འདེད་གཏོང་དགོས་པའི་ནན་བཤད་གནང་བ་རེད།

ཚོགས་འདུར་ཀྲུང་དབྱང་ཁེ་ལས་ཀྱི་བོད་སྐྱོར་གཙོ་གནད་རྣམ་གྲངས་ཀྱི་གན་འཇོག་མཛད་སྒོ་འཚོགས་པ་དང་། ཀྲུང་དབྱང་ཁེ་ལས་ཀྱི་འབྲེལ་ཡོད་འགན་འཁུར་བློ་མཐུན་གྱིས་སྤེལ་རེས་གཏམ་བཤད་གནང་བ་རེད།