ཚེས་8ཉིན་དང་ཚེས་9ཉིན། ལྗོངས་ཏང་ཨུད་རྩ་འཛུགས་པུའུ་ཡིས་ཆེད་དོན་ཚོགས་འདུ་འཚོགས་ཏེ། ཧྲུའུ་ཅི་ཝང་ཅུན་ཀྲེང་གིས་ལྗོངས་ཏང་ཨུད་རྩ་འཛུགས་པུའུ་རུ་བརྟག་ཞིབ་གནང་སྐབས་ཀྱི་གསུང་བཤད་བརྒྱུད་བསྒྲགས་དང་སློབ་སྦྱོང་དང་། སྤེལ་རེས་དང་ཞིབ་བསྡུར་བྱས་ཏེ། བྱེད་ཐབས་དོན་འཁྱོལ་དང་ལག་བསྟར་ལ་ཞིབ་འཇུག་བྱས་པ་རེད། ལྗོངས་ཏང་ཨུད་ཀྱི་རྒྱུན་ཨུ་དང་རྩ་འཛུགས་པུའུ་ཡི་པུའུ་ཀྲང་ལའེ་ཅའོ་ཡིས་ཚོགས་འདུ་གཙོ་སྐྱོང་དང་གསུང་བཤད་གནང་བ་རེད།

ལའེ་ཅའོ་ཡིས་གསུངས་དོན། ལྗོངས་ཡོངས་ཀྱི་གོང་འོག་ཚང་མས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀ་ལ་གྲོང་ཚོའི་གྲོང་མི་ཡོངས་ལ་སྤྲིངས་པའི་འཕྲིན་ལན་གལ་ཆེན་གྱི་དགོངས་དོན་སློབ་སྦྱོང་དང་ལག་ལེན་གཏིང་ཟབ་བསྟར་བ་དང་། ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་ཏན་ཏིག་སྤེལ་ཏེ། རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བར་བསུ་བ་ཞུ་བའི་མཚམས་འདིར། ཧྲུའུ་ཅི་ཝང་ཅུན་ཀྲེང་ལྗོངས་ཏང་ཨུད་རྩ་འཛུགས་པུའུ་དང་སློབ་སྦྱོང་སློབ་གསོའི་ལས་དོན་ཆེད་སྒྲུབ་ཚན་ཁག་ཏུ་བརྟག་ཞིབ་དང་མཛུབ་ཁྲིད་གནང་བར་ཕེབས་པ་ལས་སྤྱོད་ཚུལ་འཛུགས་སྐྱོང་ལ་དམ་འཛིན་མཐར་ཕྱིན་བྱེད་པའི་རྣམ་འགྱུར་གསལ་པོ་དང་ཆོད་སེམས་བརྟན་པོ་གང་ལེགས་མཚོན་པ་མ་ཟད། རྩ་འཛུགས་ལས་དོན་ལ་སྔར་བཞིན་ཐུགས་ཁུར་གནང་ལུགས་ཀྱང་མཚོན་པས། དེ་ལས་རྒྱ་ཆེའི་རྩ་འཛུགས་ལས་དོན་གྱི་ལས་བྱེད་པར་ངར་ཤུགས་འཕེལ་བ་དང་། སྐུལ་ལྕག་ཐེབས་པ། ཡིད་ཆེས་ལྡབ་འགྱུར་བཅས་བྱུང་ཡོད།

ལའེ་ཅའོ་ཡིས་ནན་བཤད་གནང་དོན། ཧྲུའུ་ཅི་ཝང་ཅུན་ཀྲེང་གི་གསུང་བཤད་ལག་བསྟར་དོན་འཁྱོལ་བྱེད་པར་གལ་འགངས་ཆེ་ཤོས་ནི་བྱ་སྤྱོད་ལ་ཐུག་པ་དང་འགག་རྩ་ནི་དོན་འཁྱོལ་ལ་རག་ལས་ཡོད། རྩ་འཛུགས་ཀྱི་ལམ་ཕྱོགས་ཀྱིས་ཆབ་སྲིད་ཀྱི་ལམ་ཕྱོགས་ལ་ཞབས་འདེགས་ཞུ་རྒྱུ་མཐའ་འཁྱོངས་བྱས་ཏེ། “དོན་ཆེན་བཞིར”དམིཌ་པ་དང“འཛུགས་གཏོད་བཞིར”ཤུགས་བརྒྱབ་ནས། ཧྲུའུ་ཅི་ཝང་ཅུན་ཀྲེང་གི“ཕྱོགས་བཞིའི”བླང་བྱ་ཞིབ་ཕྲ་ལྟར། བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་འབྲེལ་བ་ཡོད་པའི“མི་འབོར་དང་། མི་སེམས། ཤེས་ལྡན་པ”བཅས་ཀྱི་གནད་དོན་ལ་གཞིགས་ཏེ། རིགས་པའི་གཞུང་ལུགས་ཀྱིས་དྲག་ཆས་སྤྲོས་པ་དང་། ལས་བྱེད་པ་དང་། རྩ་འཛུགས། སྒྲིག་ཁོངས། བོད་སྐྱོར། ཤེས་ལྡན་པ། ཏང་ཡོན་དང་། དེ་བཞིན་རང་ངོས་འཛུགས་སྐྱོང་བཅས་ཀྱིས་མཐུན་སྦྱོར་སྐུལ་འདེད་གཏོང་བའི“1+6+1”ལས་དོན་སྤེལ་ཕྱོགས་འཛུགས་སྐྱོང་ཤུགས་ཆེན་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་སྐྲུན་ཆེད་རྩ་འཛུགས་ཀྱི་འགན་ལེན་བརྟན་པོ་མཁོ་འདོན་བྱེད་དགོས།