ཟླ་3ཚེས་24ཉིན་ནས་ཚེས་27ཉིན་བར། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་ཉིང་ཁྲི་གྲོང་ཁྱེར་དུ་བརྟག་ཞིབ་གནང་ཞིང་། འདི་ནི་ཁྲོན་བོད་ལྕགས་ལམ་ཀླུ་ནང་མེ་འཁོར་བབས་ཚུགས་ཀྱི་རྣམ་གྲངས་འཛུགས་སྐྲུན་བྱ་ཡུལ་དུ་ཝང་ཅུན་ཀྲེང་གིས་ཨར་སྐྲུན་མི་སྣ་དང་སྤེལ་རེས་གཏིང་ཟབ་གནང་ནས་འཛུགས་སྐྲུན་གྱི་མྱུར་ཚད་སོགས་ཀྱི་གནས་ཚུལ་མཁྱེན་རྟོགས་ཞིབ་ཕྲ་གནང་བཞིན་པ།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ནས་འདུ་ཤེས་ལ་འགྱུར་ལྡོག་གཏོང་བ་དང་། གོ་སྐབས་ལ་དམ་འཛིན་བྱེད་པ། མགྱོགས་མྱུར་འཕེལ་རྒྱས་གཏོང་བ་བཅས་བྱས་ནས“དོན་ཆེན་བཞི”ཏན་ཏིག་བསྒྲུབས་ཏེ། ཉིང་ཁྲིའི་སྒྱུར་བཅོས་སྒོ་དབྱེའི་སྔོན་སྤེལ་ཁུལ་འཛུགས་སྐྲུན་ལ་རྒྱུན་མཐུད་སྐུལ་འདེད་གཏོང་དགོས།

ཟླ་3ཚེས་24ཉིན་ནས་ཚེས་27ཉིན་བར། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་ཉིང་ཁྲི་གྲོང་ཁྱེར་དུ་བརྟག་ཞིབ་གནང་སྐབས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བོད་ཀྱི་ལས་དོན་སྐོར་གྱི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་དོན་འཁྱོལ་གཏིང་ཟབ་བྱེད་པ་དང་རང་སྐྱོང་ལྗོངས་ཏང་ཨུད་ཀྱི་ལས་ཀའི་བླང་བྱ་དོན་འཁྱོལ་ནན་ཏན་གྱིས་འདུ་ཤེས་ལ་འགྱུར་ལྡོག་གཏོང་བ་དང་། གོ་སྐབས་ལ་དམ་འཛིན་བྱེད་པ། མགྱོགས་མྱུར་འཕེལ་རྒྱས་གཏོང་བ་བཅས་བྱས་ནས“དོན་ཆེན་བཞི”ཏན་ཏིག་སྒྲུབ་པ་དང་། ཉིང་ཁྲིའི་སྒྱུར་བཅོས་སྒོ་དབྱེའི་སྔོན་སྤེལ་ཁུལ་འཛུགས་སྐྲུན་ལ་རྒྱུན་མཐུད་སྐུལ་འདེད་གཏོང་བ། ལས་དོན་ཁག་ལ་ཕན་འབྲས་དངོས་ཐོན་པར་སྐུལ་འདེད་ཧུར་ཐག་གཏོང་བ་བཅས་བྱས་ཏེ། བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་ལེགས་སྐྱེས་དེ་བས་ཆེ་བ་འབུལ་དགོས་པའི་ནན་བཤད་གནང་བ་རེད།

ཀུང་ཧུའེ་ཚའེ་དང་། བསྟན་པ། ཀྲང་ཧུང་པོ། ཀྲའོ་ཕེང་བཅས་ཞུགས་པ་རེད།

དཔྱིད་ཀྱི་ཉིང་ཁྲིར་ཁམ་བུའི་མེ་ཏོག་རབ་ཏུ་བཞད་ཅིང་གང་སར་སྔོ་ཐིང་ཐིང་དུ་གྱུར་ཡོད། “ཁྱེད་ཚོ་སྐུ་ལས་ཁག་སོང་། གནད་དོན་གང་དག་ཐག་གཅོད་བྱེད་དགོས་འདུག་གམ” ཁྲོན་བོད་ལྕགས་ལམ་ཀླུ་ནང་མེ་འཁོར་བབས་ཚུགས་དང་ལ་ཡོད་ཕུག་ལམ་ཨང་4པའི་རྣམ་གྲངས་འཛུགས་སྐྲུན་བྱ་ཡུལ་དུ། ཝང་ཅུན་ཀྲེང་གིས་འགྲེམས་པང་ལ་གཟིགས་ཀྱིན་དུ་སྙན་སེང་གསན་ནས་ཨར་སྐྲུན་མི་སྣ་དང་སྤེལ་རེས་གཏིང་ཟབ་གནང་བ་མ་ཟད། འཛུགས་སྐྲུན་གྱི་མྱུར་ཚད་སོགས་ཀྱི་གནས་ཚུལ་ཡང་མཁྱེན་རྟོགས་ཞིབ་ཕྲ་གནང་ཞིང་། ཁོང་གིས་ཁྲོན་བོད་ལྕགས་ལམ་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་སྐུ་ངོ་མས་འཆར་འགོད་དང་། བཀོད་སྒྲིག སྐུལ་འདེད་བཅས་བཏང་གནང་བའི་དུས་རབས་རང་བཞིན་གྱི་འཐབ་ཇུས་ལས་གྲྭ་ཞིག་ཡིན་པས་ཨར་སྐྲུན་ཚན་པ་ཁག་གིས་སྒྲིག་འཛུགས་ཞིབ་ཚགས་དང་། (པར་ངོས་གཉིས་པར་གཟིགས)(པར་ངོས་དང་པོར་མཐུད) ཆོས་ཉིད་ཁོང་དུ་ཆུད་པ། བདེ་འཇགས་ཨར་སྐྲུན་བཅས་བྱས་ཏེ། རྣམ་གྲངས་འཛུགས་སྐྲུན་ལ་དུས་བཀག་ལྟར་སྐུལ་འདེད་བདེ་བླག་གཏོང་བའི་འགན་ལེན་བྱེད་དགོས། རིམ་ཁག་ཏང་ཨུད་དང་སྲིད་གཞུང་གིས་དོན་དངོས་ཀྱི་གནད་དོན་མཐུན་སྦྱོར་ཐག་གཅོད་བྱས་ནས་ཞབས་ཞུ་འགན་ལེན་ལས་དོན་ཏན་ཏིག་ངང་ལེགས་པར་སྒྲུབ་དགོས་ཞེས་གསུངས་པ་རེད། སྨན་གླིང་གྲོང་ཁྱེར་ཆུ་གློག་ཐོན་ལས་གླིང་གི་རྣམ་གྲངས་འཛུགས་སྐྲུན་བྱ་ཡུལ་དུ་ཝང་ཅུན་ཀྲེང་གིས་རྣམ་གྲངས་ཀྱི་འཆར་འགོད་འཛུགས་སྐྲུན་དང་ཚོང་འགུགས་མ་འདྲེན་གྱི་གནས་ཚུལ་ངོ་སྤྲོད་གསན་ཞིང་། ཁོང་གིས་སྤྱི་ཡོངས་ཀྱི་འདུ་ཤེས་ཟབ་ཏུ་གཏོང་བ་དང་། གླིང་ཁུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་རྒྱུན་ཆད་མེད་པར་འཐུས་སྒོ་ཚང་དུ་གཏོང་བ། ཚོང་འགུགས་མ་འདྲེན་ལ་སྐུལ་འདེད་ཤུགས་ཆེན་གཏོང་བ། ནུས་རྒྱུ་གཙང་མ་དང་ཁོར་ཡུག་སྲུང་སྐྱོང་ཐོན་ལས་ཚན་རིག་དང་མཐུན་པར་བཀོད་སྒྲིག ཆ་ལག་ཚང་བའི་ཐོན་ལས་འཁོར་འབྲེལ་ཧུར་ཐག་གྲུབ་པ་བཅས་བྱས་ཏེ། དཔལ་འབྱོར་འཕེལ་རྒྱས་ཁྲོད་གླིང་ཁུལ་གྱི་སྐུལ་ཁྲིད་ནུས་པ་སྔར་བས་ལེགས་པར་འདོན་དགོས་པའི་ནན་བཤད་གནང་བ་རེད།

ཝང་ཅུན་ཀྲེང་ཀོང་པོ་རྒྱ་མདའ་རྫོང་མི་དམངས་སྨན་ཁང(སྨན་རྩིས་ཁང)ཁྱོན་ཡོངས་གནས་སྤོ་དང་བྲག་ཡིབ་ཆུས་མགྲོན་བསུ་ལམ་ཆེན་གྱི་སྤྱི་གླིང་ཆུང་ངུ་འཛུཌ་སྐྲུན་བྱ་ཡུལ་དུ་ཕེབས་ནས། དམངས་འཚོའི་རྣམ་གྲངས་ཀྱི་འཛུགས་སྐྲུན་གནས་ཚུལ་མཁྱེན་རྟོགས་ཞིབ་ཕྲ་གནང་ཞིང་། ཁོང་གིས་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་མཐའ་འཁྱོངས་ཀྱིས་མ་དངུལ་སྣ་ཚོགས་ཡག་པོ་སྤྱོད་པ་དང་། དམངས་འཚོའི་རྣམ་གྲངས་འཛུགས་སྐྲུན་དང་དོ་དམ་ཡག་པོ་བྱས་ནས་མང་ཚོགས་ལ་དེ་བས་སྟབས་བདེ་དང་སྐྱིད་སྣང་དོད་པའི་ལས་ཀ་དང་འཚོ་བའི་ཁོར་ཡུག་བསྐྲུན་ཏེ་མི་དམངས་མང་ཚོགས་ལ་མིག་མཐོང་ལག་ཟིན་གྱི་ཕན་འབྲས་དེ་བས་མང་བ་ཐོབ་པར་བྱེད་དགོས་པའི་ནན་བཤད་གནང་བ་རེད། ཝང་ཅུན་ཀྲེང་གིས་ད་དུང་བྲག་ཡིབ་ཆུས་ཉིང་ཁྲི་གྲོང་རྡལ་ཀླུ་སྟེང་གྲོང་ཚོའི་གྲོང་གསེབ་དར་རྒྱས་དཔེ་སྟོན་གྲོང་ཚོ་འཛུགས་སྐྲུན་དང་ལ་ཡོད་ཆུ་ཚན་གྲོང་རྡལ་ཆུང་ངུའི་རྣམ་གྲངས་འཆར་འགོད་སོགས་ཀྱི་གནས་ཚུལ་སྙན་སེང་གསན་ཞིང་། ཁོང་གིས་གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་མཐའ་འཁྱོངས་ཀྱིས་སྡོད་མལ་ཁོར་ཡུག་བཅོས་སྒྲིག་ལས་དོན་ལ་དམ་འཛིན་བྱས་ཏེ། གྲོང་གསེབ་ཀྱི་ཁྱད་ལྡན་ཐོན་ལས་འཕེལ་རྒྱས་ཤུགས་ཆེན་གཏོང་བ་དང་ཐབས་བརྒྱ་ཇུས་སྟོང་གིས་མང་ཚོགས་ཀྱི་ཡོང་འབབ་འཕར་བར་བྱས་ཏེ། སྤྱི་ཚོགས་རིང་ལུགས་ཀྱི་གྲོང་གསེབ་གསར་པ་འཛུགས་སྐྲུན་ཧུར་ཐག་བྱས་ནས་ཞིང་འབྲོག་ལས་སྤུས་ཚད་མཐོ་ལ་ཕན་འབྲས་ཆེ་བ་དང་། ཞིང་འབྲོག་ཁུལ་གནས་འཕྲོད་ལས་འཚམ། ཞིང་འབྲོག་པ་འབྱོར་ཕྱུག་ལྡན་པ་བཅས་ཡོང་བར་བྱེད་དགོས། “ཚོང་གང་འདྲ་འདུག་གམ” “ལོར་ཡོང་འབབ་ག་ཚོད་འདུག་གམ” ཀོང་པོ་རྒྱ་མདའ་རྫོང་ས་མཐོའི་སྐྱེ་ཁམས་ཤྭ་བ་གསོ་ཚགས་རྟེན་གཞི་དང་། སྤོ་བོ་རྫོང་ཡིད་འོང་ཇ་ར། སྨན་གླིང་གྲོང་ཁྱེར་གླ་བ་གསོ་ཚགས་དཔེ་སྟོན་རྟེན་གཞི། བོད་ལྗོངས་ཉང་ཆུའི་སྐྱེ་ཁམས་ཉ་ལས་ཚད་ཡོད་ཀུང་སི། བྲག་ཡིབ་ཆུས་ཀ་ལ་གྲོང་ཚོའི་ཁམ་བུའི་མེ་ཏོག་ལྡུམ་ར། སྤོ་བོ་རྫོང་ཐང་མེད་ཟམ་ཆེན། ཀླུ་ནང་ནགས་ཚལ་མཛེས་ལྗོངས་ཁུལ་བཅས་སུ་ཝང་ཅུན་ཀྲེང་གིས་ངོ་སྤྲོད་གསན་པ་དང་། ཐོན་རྫས་ལ་གཟིགས་པ། རིན་གོང་བཀའ་འདྲི་གནང་བ་བཅས་གནང་སྟེ། ཁྱད་ལྡན་ཞིང་འབྲོག་ལས་དང་རིག་གནས་ཡུལ་སྐོར་ཐོན་ལས་འཕེལ་རྒྱས་དང་ཕྱིར་ཚོང་གཉེར་སྐྱོང་གི་གནས་ཚུལ་མཁྱེན་རྟོགས་ཞིབ་ཕྲ་གནང་བ་མ་ཟད། ཡུལ་སྐོར་བ་དང་བྱམས་བརྩེའི་བཀའ་མོལ་གནང་བ་དང་། ལས་བྱེད་པ་དང་མང་ཚོགས་དང་མཉམ་དུ་ཇུས་བཟང་འདིང་བ་དང་འཕེལ་རྒྱས་སྐོར་གླེང་ཞིང་། ཁོང་གིས་ཚན་རྩལ་ལ་ཤུགས་སྣོན་བརྒྱབ་སྟེ་ལས་སྣོན་ཞིབ་ཚགས་དང་གཏིང་ཟབ་ཏུ་གཏོང་བར་སྐུལ་འདེད་གཏོང་བ་དང་། ཐོན་ལས་འཁོར་འབྲེལ་སྣུར་སྲིང་དང་ཟུར་སྣོན་རིན་ཐང་མཐོ་རུ་གཏོང་བ། ཁྱད་ལྡན་སྤུས་རྟགས་གཏོད་པ་བཅས་བྱས་ཏེ་ཁྲོམ་རའི་འགྲན་རྩོད་ནུས་ཤུགས་སྔར་བས་ཆེ་རུ་གཏོང་དགོས། གཙོ་གནད་འབུར་དུ་ཐོན་པ་དང་གནད་ཀྱིས་ཁྱོན་ལ་སྣེ་ཁྲིད་དེ་ཡུལ་སྐོར་མཛེས་ལྗོངས་ཁུལ་གཙོ་གནད་དུ་སྐྲུན་པ་དང་། རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་ལ་སྐུལ་འདེད་བཏང་ནས་ཐོན་ཁུངས་ཀྱི་ལེགས་ཆ་དེ་འཕེལ་རྒྱས་ཀྱི་ལེགས་ཆར་ཏན་ཏིག་འགྱུར་བ་བྱེད་དགོས་པའི་ནན་བཤད་གནང་བ་རེད། ཉིང་ཁྲིའི་དྲ་ཐོག་ཚོང་དོན་མཐུན་ཚོགས་སུ་ཝང་ཅུན་ཀྲེང་གིས་དྲ་ཐོག་ཚོང་དོན་གྱིས་ཞིང་འབྲོག་ཐོན་རྫས་ཕྱིར་ཚོང་ལ་རམ་འདེགས་བྱས་ཚུལ་གསན་ཏེ། ཁོང་ཚོས་ལས་སྟེགས་སྟོབས་ཆེར་གཏོང་བ་དང་ཟོག་འགྲེམས་འགན་ལེན་བྱེད་ཤུགས་ཆེ་རུ་བཏང་ནས་ཁྱིམ་ཚང་ཁྲི་སྟོང་མང་པོའི་ཐོན་སྐྱེད་ཆུང་ངུ་དང་འགྱུར་ལྡོག་ཆེ་བའི་ཁྲོམ་ར་ཆེན་པོ་སྦྲེལ་མཐུད་བྱེད་པ་དང་། མཁོ་སྤྲོད་ཕན་ཚུན་སྐུལ་སྤེལ་དང་ཐོན་ཚོང་མཉམ་སྤེལ་ལ་སྐུལ་འདེད་བཏང་སྟེ། ཁྱད་ལྡན་ཐོན་རྫས་དེ་བས་མང་བ་ས་མཐོ་ནས་རིན་གོང་མཐོ་པོས་འཚོང་ཐུབ་པར་བྱས་ཏེ་ཞིང་འབྲོག་པའི་འབབ་འཕར་ཕྱུག་འགྱུར་ལ་རམ་འདེགས་བྱ་རྒྱུའི་ཐུགས་རེ་གནང་བ་རེད།

སྡེ་ཁུལ་ཆུང་ཆུང་གི་སྣེ་གཅིག་མི་སེར་གྱི་འཚོ་བའི་བདེ་སྡུག་དང་འབྲེལ་ཡོད་པ་དང་། སྣེ་གཅིག་སྤྱི་ཚོགས་ཡུན་རིང་བདེ་འཁོད་དང་འབྲེལ་ཡོད། བྲག་ཡིབ་ཆུས་པད་མ་སྒང་ཁྲོམ་གཞུང་དུ་ཝང་ཅུན་ཀྲེང་གིས་གཞི་རིམ་ལས་བྱེད་པ་དང་བྱམས་བརྩེའི་སྤེལ་རེས་གནང་ནས་ཏང་འཛུགས་སྐྱོང་གིས་གཞི་རིམ་བཅོས་སྐྱོང་ལ་སྣེ་ཁྲིད་སོགས་ཀྱི་གནས་ཚུལ་མཁྱེན་རྟོགས་ཞིབ་ཕྲ་གནང་བ་རེད།

བརྟག་ཞིབ་གནང་རིང་། ཝང་ཅུན་ཀྲེང་གིས་ཉིང་ཁྲི་གྲོང་ཁྱེར་གྱི་ལས་དོན་སྙན་སེང་གསན་ནས་དཔལ་འབྱོར་དང་སྤྱི་ཚོགས་འཕེལ་རྒྱས་དང་གཙོ་གནད་རྣམ་གྲངས་འཛུགས་སྐྲུན་སོགས་ཀྱི་ལས་དོན་ཁག་ལ་ཐོབ་པའི་གྲུབ་འབྲས་ལ་ཁས་ལེན་གང་ལེགས་གནང་བ་རེད། ཁོང་གིས་ཉིང་ཁྲི་གྲོང་ཁྱེར་གྱི་རིམ་པ་ཁག་དང་སྡེ་ཚན་ཁག་དང་རྒྱ་ཆེའི་ཏང་ཡོན་ལས་བྱེད་པས“གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་པ་དང་། “འདུ་ཤེས་བཞི”ཟབ་ཏུ་གཏོང་བ། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས”ཐུབ་པ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་ཟབ་སྦྱོང་མཐིལ་རྟོགས། དེའི་ནང་འདུས་པའི་ཚན་རིག་དང་མཐུན་པའི་འཇིག་རྟེན་ལྟ་བ་དང་བརྟག་ཐབས་སྨྲ་བ་ཁོང་དུ་ཧུར་ཐག་ཆུད་པ་བཅས་བྱས་ནས་བསམ་བློར་དྲག་ཆས་སྤྲོས་པ་དང་། ལག་ལེན་ལ་མཛུབ་ཁྲིད་བྱེད་པ། ལས་དོན་ལ་སྐུལ་འདེད་གཏོང་བ་བཅས་ཏན་ཏིག་བྱེད་དགོས། མང་ཚོགས་ཀྱིས་གོ་བདེ་ཤེས་སླའི་སྐད་ཆ་དང་ལྟ་འདོད་ལ་ཉན་སྤྲོ་བའི་བྱེད་ཐབས་སྤྱད་དེ་ཏང་གི་གསར་གཏོད་རིགས་པའི་གཞུང་ལུགས་གཞི་རིམ་དང་མང་ཚོགས་ཁྲོད་དྲིལ་བསྒྲགས་བྱས་ཏེ། མང་ཚོགས་ཀྱིས་དངོས་འབྲེལ་གོ་ཐུབ་པ་དང་། ངེས་ཐུབ་པ། གོ་བ་ལེན་ཐུབ་པ་བཅས་བྱས་ནས་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཀྱི་བསམ་བློའི་རྨང་གཞི་བརྟན་དུ་གཏོང་དགོས་པའི་ནན་བཤད་གནང་བ་རེད།

ཝང་ཅུན་ཀྲེང་གིས་གཅིག་གྱུར་འཆར་འགོད་དང་སྤྱི་ཡོངས་ལ་ལྟ་རྟོག་དང་། གཙོ་གནད་འབུར་དུ་ཐོན་པར་བྱས་ཏེ“དོན་ཆེན་བཞི”ཏན་ཏིག་བསྒྲུབས་ནས་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་རྨང་གཞི་བརྟན་པོ་འདིང་དགོས། ཉེན་བརྡ་རྒྱུན་སྒྲོགས་དང་རྒྱུན་དུ་དོགས་ཟོན་བྱ་རྒྱུ་མཐའ་འཁྱོངས་བྱེད་པ་དང་རྒྱུན་སྲིང་ལྷོད་མེད་ངང་བརྟན་ལྷིང་སྲུང་སྐྱོང་གི་ལས་དོན་ཡག་པོ་བསྒྲུབས་ནས་ཡུན་རིང་བདེ་འཁོད་ཀྱི་རྨང་གཞི་བརྟན་པོ་འདིང་དགོས། ཐོག་མཐའ་བར་གསུམ་དུ་བརྟན་ལྷིང་སྲུང་སྐྱོང་བྱ་རྒྱུ་དེ་ཆབ་སྲིད་ཀྱི་ལས་འགན་ཨང་དང་པོར་བརྩི་བ་དང་། བརྟན་ལྷིང་སྲུང་སྐྱོང་གི་རྒྱུན་རྣམ་ཅན་དང་ཕུགས་ཕན་ཅན་གྱི་ལམ་སྲོལ་འཐུས་སྒོ་ཚང་དུ་གཏོང་བ། མི་རིགས་ཆོས་ལུགས་ལས་དོན་ཁྲིམས་ལྟར་བཅོས་སྐྱོང་བྱེད་པའི་མ་ལག་འཐུས་སྒོ་ཚང་དུ་གཏོང་བ། སྤྱི་ཚོགས་བཅོས་སྐྱོང་མ་ལག་དང་བཅོས་སྐྱོང་ནུས་པའི་དེང་རབས་ཅན་གྱི་ཆུ་ཚད་རྒྱུན་ཆད་མེད་པར་མཐོ་རུ་གཏོང་བ། བོད་བརྒྱུད་ནང་བསྟན་ཀྲུང་གོ་ཅན་ལ་སྐུལ་འདེད་ཧུར་ཐག་གཏོང་བ། ཀྲུང་ཧྭ་མི་རིགས་གཅིག་མཐུན་ཚོགས་པ་འཛུགས་པར་སྐུལ་འདེད་གཏིང་ཟབ་གཏོང་བ་བཅས་བྱས་ནས། མི་རིགས་ཁག་དབར་འགྲོ་འོང་དང་། སྤེལ་རེས། མཉམ་འདྲེས་བཅས་ལ་སྐུལ་འདེད་གཏོང་དགོས། རྒྱལ་ཁབ་ཀྱི་གཙོ་གནད་རྣམ་གྲངས་འཛུགས་སྐྲུན་ལ་ཞབས་ཞུ་འགན་ལེན་བྱས་ཏེ་གོ་སྐབས་དམ་འཛིན་གྱིས་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས། ཞི་ཅིན་ཕིང་གི་སྐྱེ་ཁམས་ཤེས་དཔལ་གྱི་དགོངས་པ་ལག་བསྟར་དོན་འཁྱོལ་བྱས་ཏེ་རྒྱལ་ཁབ་ཀྱི་སྐྱེ་ཁམས་བདེ་འཇགས་སྲུང་བཅད་རྒྱུན་ཆད་མེད་པར་བརྟན་པོ་འཛུགས་དགོས། མཚོ་བོད་ས་མཐོའི་སྐྱེ་ཁམས་སྲུང་སྐྱོང་བཅའ་ཁྲིམས་ལག་བསྟར་ནན་ཏན་བྱེད་པ་དང་། སྐྱེ་ཁམས་ཤེས་དཔལ་གྱི་སྒྲིག་སྲོལ་དང་ལམ་སྲོལ་འཐུས་སྒོ་ཚང་དུ་གཏོང་བ། སྐྱེ་ཁམས་སྲུང་སྐྱོང་སླར་གསོ་དང་ཕྱོགས་བསྡུས་བཅོས་སྐྱོང་གི་ལས་གྲྭ་འཛུགས་སྐྲུན་ལ་མགྱོགས་མྱུར་སྐུལ་འདེད་གཏོང་བ། སྐྱེ་ཁམས་རིན་ཐང་གཞན་སྒྱུར་ལ་སྐུལ་འདེད་གཏོང་བ། ལྗང་མདོག་ཐཱན་ཉུང་ཐོན་ལས་འཕེལ་རྒྱས་ཤུགས་ཆེན་གཏོང་བ་བཅས་བྱས་ནས་སྲུང་སྐྱོང་ཁྲོད་འཕེལ་རྒྱས་དང་འཕེལ་རྒྱས་ཁྲོད་སྲུང་སྐྱོང་དངོས་འབྲེལ་ཐུབ་པར་བྱེད་དགོས། མཐའ་སྟོབས་དང་དམངས་ཕྱུག་གལ་ཆེ་མཉམ་དུ་འཛིན་པ་མཐའ་འཁྱོངས་བྱས་ཏེ་མཐའ་མཚམས་ས་ཁུལ་སྤུས་ཚད་མཐོ་བའི་འཕེལ་རྒྱས་ལ་མགྱོགས་མྱུར་སྐུལ་འདེད་གཏོང་དགོས། མཐའ་མཚམས་ས་ཁུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་འཐུས་སྒོ་ཚང་དུ་གཏོང་བར་ཤུགས་རྒྱག་པ་དང་། ཡུལ་བབ་དང་བསྟུན་ནས་མཐའ་མཚམས་ཀྱི་ཁྱད་ལྡན་ཐོན་ལས་འཕེལ་རྒྱས་གཏོང་བ། “མཉམ་ལྔ་བརྟན་ལྔ”མཉམ་སྐྲུན་གྱི་གྲུབ་འབྲས་གཏིང་ཟབ་ཏུ་གཏོང་བ་བཅས་བྱས་ཏེ། མཐའ་མཚམས་ས་ཁུལ་དེ་བས་མཛེས་སྡུག་དང་། དེ་བས་བརྟན་ལྷིང་། དེ་བས་དར་རྒྱས་བཅས་ཡོང་བར་འབད་བརྩོན་བྱེད་དགོས་པའི་ནན་བཤད་གནང་བ་རེད།

ཝང་ཅུན་ཀྲེང་གིས་བློ་བརྟན་འགྱུར་མེད་ངང་ཏང་གི་ཕྱོགས་ཡོངས་ཀྱི་འགོ་ཁྲིད་ལ་ཤུགས་སྣོན་བརྒྱབ་སྟེ་དཔལ་འབྱོར་དང་སྤྱི་ཚོགས་འཕེལ་རྒྱས་ལ་རྩ་འཛུགས་ཀྱི་འགན་ལེན་བརྟན་པོ་བྱེད་དགོས། ཏང་གི་ཆབ་སྲིད་འཛུགས་སྐྱོང་གཅིག་འདོམས་སུ་བྱེད་པ་མཐའ་འཁྱོངས་དང་། ཏང་གཤིས་ཞུན་བརྡར་ལ་ཤུགས་སྣོན། རིགས་པའི་གཞུང་ལུགས་ཀྱི་དྲག་ཆས་སྤྲོས་ཤུགས་ཆེར་གཏོང་བཅས་བྱས་ནས། འགོ་ཁྲིད་ལས་བྱེད་པས་སྐད་ཆ་དྲང་པོ་ཤོད་པ་དང་བྱ་བ་དྲང་གཞག་བསྒྲུབས་ནས་ཆབ་སྲིད་ཐད་ཀྱི་དོན་རྟོགས་པ་བྱེད་དགོས། གཞི་རིམ་ཏང་རྩ་འཛུགས་འཛུགས་སྐྱོང་ལ་ཤུགས་སྣོན་བརྒྱབ་ནས་རྩ་འཛུགས་ཀྱི་སྟོབས་ཤུགས་ཆེ་རུ་གཏོང་རྒྱུ་གཙོ་གནད་དུ་བྱེད་པ་དང་ཆབ་སྲིད་ཀྱི་བྱེད་ནུས་འབུར་དུ་ཐོན་པ་དང་། ཁྱབ་ཁོངས་ཁག་གི་ཏང་འཛུགས་སྐྱོང་ལས་དོན་ལ་སྤྱི་འདོམས་སྐུལ་འདེད་བཏང་ནས་ཏང་གིས་གཞི་རིམ་དུ་སྲིད་སྐྱོང་བའི་རྨང་གཞི་རྒྱུན་ཆད་མེད་པར་སྲ་བརྟན་དུ་གཏོང་དགོས། ལས་བྱེད་པའི་དཔུང་ཁག་འཛུགས་སྐྱོང་ལ་ཤུགས་སྣོན་བརྒྱབ་ནས་འཇོན་ཐང་ལ་གཞིགས་ནས་ལས་བྱེད་བཀོལ་སྤྱོད་དང་ལས་རྗེས་ལ་གཞིགས་ནས་གདེང་འཇོག་བྱེད་པའི་མི་སྤྱོད་སྟོན་ཕྱོགས་ཁ་གསལ་བཟོ་བ་དང་། གཞི་རིམ་གྱི་འཐབ་ཕྱོགས་དང་པོ་ནས་ལས་བྱེད་པ་ཤེས་རྟོགས་དང་། གསོ་སྐྱོང་། བེད་སྤྱོད་བཅས་བྱེད་པར་མཐོང་ཆེན་བྱེད་པ། རྒྱ་ཆེའི་ལས་བྱེད་པའི་ཧུར་བརྩོན་རང་བཞིན་དང་རང་འགུལ་རང་བཞིན་སྐོང་འཐེན་བཅས་བྱས་ཏེ། ལས་ཀའི་ཕན་འབྲས་ལ་བརྟེན་ནས་ལས་བྱེད་པའི་འཇོན་ཐང་དང་ཆུ་ཚད་ལ་ཞིབ་དཔྱད་དངོས་འབྲེལ་ཐུབ་པར་བྱེད་དགོས། སྤྱོད་ཚུལ་འཛུགས་སྐྱོང་ལ་ཤུགས་སྣོན་བརྒྱབ་སྟེ་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་ནན་ཏན་ངང་སྤེལ་བ་དང་། ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ལ་ངོ་རྒོལ་མཐའ་གཅིག་ཏུ་བྱེད་པ། གཞི་རིམ་གྱི་ཁུར་པོ་ཡང་དུ་གཏོང་བའི་ཕུགས་ཕན་ལམ་སྲོལ་འཐུས་སྒོ་ཚང་དུ་གཏོང་བ་བཅས་བྱས་ཏེ། གཞི་རིམ་གྱི་ལས་བྱེད་པར་མང་ཚོགས་ཁྲོད་བསྐྱོད་པའི་དུས་ཚོད་དང་སེམས་ནུས་དེ་བས་མང་བ་ཡོད་པར་བྱས་ནས་བརྟག་དཔྱད་ཞིབ་འཇུག་གཏིང་ཟབ་དང་། གནས་ཚུལ་དངོས་ཁོང་དུ་ཆུད་པ། ཞིབ་ཕྲའི་གནད་དོན་ཐག་གཅོད། ལས་དོན་དོན་འཁྱོལ་ལ་དམ་འཛིན་བཅས་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་བྱ་ཆེད་འབད་བརྩོན་ཧུར་ཐག་བྱེད་དགོས་པའི་ནན་བཤད་གནང་བ་རེད།