སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གསུངས་དོན། འདུ་ཤེས་འཛིན་སྟངས་ལས་དོན་ནི་ཏང་གི་ཧ་ཅང་གལ་འགངས་ཆེ་བའི་ལས་དོན་ཞིག་རེད། སྤྱི་ཚོགས་རིང་ལུགས་ཀྱི་འདུ་ཤེས་འཛིན་སྟངས་ཞེས་པ་ནི་སྤྱི་ཚོགས་རིང་ལུགས་ལམ་ལུགས་ཀྱི་ཆ་རྐྱེན་འོག་སྤྱི་ཚོགས་ཁྲོད་དབང་སྒྱུར་གྱི་གནས་བབ་བཟུང་བའི་བསམ་བློ་དང་འདུ་ཤེས་ཀྱི་མ་ལག་ལ་ཟེར་ཞིང་། དེ་ནི་མར་ཁེ་སི་རིང་ལུགས་ཀྱི་རིགས་པའི་གཞུང་ལུགས་མཛུབ་ཁྲིད་དུ་བྱས་ནས་ཀྲུང་གོའི་རྒྱ་ཆེའི་མི་དམངས་ཀྱི་རྩ་བའི་ཁེ་ཕན་མཚོན་པའི་མ་ལག་ཅན་དང་རིགས་པའི་གཞུང་ལུགས་ཅན་གྱི་འཇིག་རྟེན་ལྟ་བ་ཡིན། བོད་ཀྱིས་སྤྱི་ཚོགས་རིང་ལུགས་ཀྱི་འདུ་ཤེས་འཛིན་སྟངས་ལས་དོན་ལ་ཚད་མཐོའི་མཐོང་ཆེན་བྱས་ཏེ་ཐོག་མཐའ་བར་གསུམ་དུ་ཏང་གི་རིག་གནས་ཀྱི་འགོ་ཁྲིད་དབང་ཆ་མཐའ་འཁྱོངས་ཀྱིས་མར་ཁེ་སི་རིང་ལུགས་ཀྱི་བདེན་དོན་འཛམ་གླིང་ཡང་རྩེར་ཁྱབ་པར་བྱས་ཡོད།

བོད་རྙིང་པར་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱིས་ཆོས་ལུགས་སྤྱད་ནས་མི་ཡི་རིག་ཤེས་བསྒྲིབས་པ་དང་ལྷ་དབང་གིས་མི་ཡི་བསམ་བློར་བཀག་སྡོམ་བྱས་པས་ཞིང་བྲན་ཁྲི་ཚོ་བརྒྱའི་ལུས་སེམས་ཡོངས་སུ་སྦྲིད་ནས་འཚོ་བ་འཁྱོལ་ཐབས་བྱེད་ཀྱི་ཡོད། དམངས་གཙོའི་བཅོས་སྒྱུར་ནི་དབྱར་སྐྱེས་རྔ་སྒྲ་དང་འདྲ་བར་རིག་གནས་ཀྱི་གོ་རྟོགས་སད་དེ་འཆིང་རྒྱ་ལས་གྲོལ་ཡོད། ཡར་ལངས་ཞིང་བྲན་གྱིས“གུང་ཁྲན་ཏང་ཁྲི་ལོར་བརྟན་པར་ཤོག”ཅེས་པ་ཐེངས་དང་པོ་འབྲི་ཤེས་པ་དང་། 《པེ་ཅིང་གསེར་གྱི་རི་ལ》ཞེས་པའི་སྙན་དབྱངས་འབྲོག་ཁུལ་གྱི་སྦྲ་གུར་དུ་ཁྱབ་ལ། དུས་རབས་གསར་པའི་ཤེས་དཔལ་ལག་ལེན་ལྟེ་གནས་ཀྱི་རིགས་པའི་གཞུང་ལུགས་སྒྲོག་འགྲེལ་གྱི་འོད་ཟེར་མཐའ་མཚམས་གྲོང་ཚོར་འཕྲོས་ཏེ། གངས་ལྗོངས་ས་མཐོས“ཆོས་གཞུང་གི་བྲན་གཡོག”ནས“རིག་གནས་ཀྱི་བདག་པོའི”བར་འགྱུར་ལྡོག་བྱུང་བར་བདེན་དཔང་བྱས་པ་རེད། བོད་ཡིག་གསུང་རབ་སྲུང་སྐྱོང་ལས་དོན་པས“སྔོན་ཆད་ང་ཚོ་ནི་དགོན་པའི་བྲན་གཡོག་ཡིན་མོད། ད་ཆ་རིག་གནས་ཀྱི་བདག་པོ་ཡིན། ཏང་གི་སྲིད་ཇུས་ལས་ང་ཚོས་བོད་ཡིག་གསུང་རབ་རྒྱུན་འཛིན་ཐུབ་པ་མ་ཟད། དུས་རབས་གསར་པའི་བསམ་བློ་སྔར་བས་ཤེས་རྟོགས་ཐུབ་བྱུང”ཞེས་བརྗོད།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ནན་བཤད་གནང་བར། འདུ་ཤེས་འཛིན་སྟངས་ལས་དོན་ཡག་པོ་སྒྲུབ་ཐུབ་མིན་ནི་ཏང་གི་མདུན་ལམ་དང་ལས་དབང་དང་། རྒྱལ་ཁབ་ཡུན་རིང་བདེ་འཁོད། མི་རིགས་གོང་བུ་སྒྲིལ་ཤུགས་དང་བློ་ཁ་ཕྱོགས་ཤུགས་བཅས་ལ་འབྲེལ་བ་ཡོད་པ་ལོ་རྒྱུས་དང་དོན་དངོས་ལས་ར་སྤྲོད་ཡང་ཡང་ཐུབ་ཡོད། མཐའ་མཚམས་མི་རིགས་ས་ཁུལ་ཞིག་ཡིན་པའི་ངོས་ནས་བོད་ནི་ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ཀྱི་འཐབ་ས་མདུན་མར་གནས་ཡོད། དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་དང་དུས་མཚུངས་ངེས་པར་དུ་ཐོག་མཐའ་བར་གསུམ་དུ་ཏང་གི་རིག་གནས་ཀྱི་འགོ་ཁྲིད་དབང་ཆ་མཐའ་འཁྱོངས་དང་འདུ་ཤེས་འཛིན་སྟངས་ཁྱབ་ཁོངས་ཀྱི་མར་ཁེ་སི་རིང་ལུགས་ཀྱི་རྩ་བའི་མཛུབ་ཁྲིད་གནས་བབ་སྲ་བརྟན་དུ་བཏང་སྟེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་ཕྱོགས་ཡོངས་ནས་ལག་བསྟར་བྱེད་དགོས། མི་རིགས་ཁག་གི་མང་ཚོགས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པས་བསམ་བློར་དྲག་ཆས་སྤྲོས་རྒྱུ་རྒྱུན་འཁྱོངས་དང་། ཞི་ཅིན་ཕིང་གི་རིག་གནས་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས། “གཏན་འཁེལ་གཉིས”ལ་བརྩི་བཀུར་མཐའ་གཅིག་ཏུ་ཞུ་བ། “སྲུང་སྐྱོང་གཉིས”མཐའ་གཅིག་ཏུ་ཐུབ་པ། “དོན་ཆེན་བཞིར”དམིཌ་པ་དང“འཛུཌ་གཏོད་བཞིར”ཤུགས་རྒྱག་པ་བཅས་བྱས་ཏེ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྔར་བས་བརྟན་པོ་འཛུགས་པ་དང་། རང་རྟོགས་ངང་ཚུལ་མིན་ཆ་འཕྲིན་བཀག་འགོག་བྱེད་པ། དྲང་ནུས་ཁྱབ་སྤེལ་གཏོང་བ། སྤྱི་ཚོགས་རིང་ལུགས་ཀྱི་འདུ་ཤེས་འཛིན་སྟངས་ཀྱི་གཡུལ་ས་མུ་མཐུད་བརྟན་དུ་གཏོང་བ། “མཛེས་སྡུག་དང་བདེ་སྐྱིད་ལྡན་པའི་བོད་ལྗོངས་འཛུགས་སྐྲུན་བྱེད་པ་དང་བསྐྱར་དར་རླབས་པོ་ཆེའི་ཕུགས་འདུན་ཐུན་མོང་ཐོག་མངོན་འགྱུར་བྱེད་པའི”བསམ་པའི་སྟོབས་ཤུགས་གཅིག་སྒྲིལ་བཅས་བྱས་ཏེ། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་བྱེད་པའི་ཆུ་རྒྱུན་ཆེན་པོའི་ཁྲོད་དུས་ཚོད་དང་སེམས་ཤུགས་བཏོན་ཏེ། སྤྱི་ཚོགས་རིང་ལུགས་ཀྱི་འདུ་ཤེས་འཛིན་སྟངས་དེ་སྐལ་བཟང་མེ་ཏོག་ལྟར་འབྲོག་ར་དང་གྲོང་ཚོ་ཡོངས་དང་མང་ཚོགས་མི་རེ་ངོ་རེའི་སེམས་དབུས་སུ་བཞད་པར་བྱེད་དགོས།