ཉེ་ཆར། རང་སྐྱོང་ལྗོངས་ཀྱི་སྤྱི་ཚོགས་ཚན་རིག་ཁྱབ་གདལ་དང་དྲིལ་བསྒྲགས་རྟེན་གཞི་ཁག་དང་པོར་སྒོ་བྱང་སྤྲོད་པའི་མཛད་སྒོ་ལྷ་སར་འཚོགས་པ་དང་། རང་སྐྱོང་ལྗོངས་སྤྱི་ཚོགས་ཚན་རིག་མཉམ་འབྲེལ་ལྷན་ཚོགས་ཀྱིས་རང་ལྗོངས་ཀྱི་ཁྱབ་ཁོངས་མི་འདྲ་བའི་སྤྱི་ཚོགས་ཚན་རིག་ཁྱབ་གདལ་དང་དྲིལ་བསྒྲགས་རྟེན་གཞི་23ལ་སྒོ་བྱང་སྤྲད་པ་རེད།

སྤྱི་ཚོགས་ཚན་རིག་ཁྱབ་གདལ་དང་དྲིལ་བསྒྲགས་རྟེན་གཞི་ནི་དུས་རབས་གསར་པར་ཏང་གི་བོད་སྐྱོང་མཛད་ཇུས་དང་དམངས་ཕན་གྱི་སྲིད་ཇུས་ཁག་དྲིལ་བསྒྲཌ་ཁྱབ་གདལ་གཏོང་བའི་འཐབ་ས་གལ་ཆེན་ཞིག་དང་། བོད་ཀྱི་གསར་བརྗེ་དང་། སྒྱུར་བཅོས། འཕེལ་རྒྱས་བཅས་ལས་བྱུང་བའི་འོད་སྟོང་འཕྲོ་བའི་གྲུབ་འབྲས་དྲིལ་བསྒྲགས་ཁྱབ་གདལ་གཏོང་བའི་ལས་སྟེཌ་གལ་ཆེན་ཞིག ཚན་རིག་ཁྱབ་གདལ་དང་དེའི་ལས་དོན་སྤྱི་ཚོགས་ཅན་དང་། རྒྱུན་གཏན་ཅན། ལམ་ལུགས་ཅན་དུ་འགྱུར་བའི་གཞི་རྟེན་གལ་ཆེན་ཞིག་རེད། ཤེས་རྟོགས་བྱུང་བར་གཞིགས་ན། སྤྱི་ཚོགས་ཚན་རིག་ཁྱབ་གདལ་དང་དྲིལ་བསྒྲགས་རྟེན་གཞིའི་ནང་དོན་རིག་གནས་བྱ་གཞག་འགྲེམས་ཁང་དང་། རིག་གནས་བཤམས་སྟོན་ཁང་། རིག་གནས་ཤུལ་བཞག་དང་སྤྱི་ཚོགས་ཚན་རིག་ཞིབ་འཇུག་སྒྲིག་གཞི་བཅས་རིགས་ཆེན་པོ་བཞིར་ཁྱབ་ནས་རང་རང་སོ་སོའི་ཁྱད་ཆོས་དང་ལེགས་ཆ་ལྡན་པས། རང་ལྗོངས་ཀྱི་སྤྱི་ཚོགས་ཚན་རིག་ཁྱབ་གདལ་དང་དྲིལ་བསྒྲཌ་ཀྱི་གདོང་ལེན་སྟོབས་ཤུགས་ཤིག་ཡིན་པ་དེས་རང་ལྗོངས་ཀྱི་སྤྱི་ཚོགས་ཚན་རིག་གི་ཤེས་བྱ་བརྒྱུད་སྤེལ་བྱེད་པར་ཐབས་ལམ་སྣ་ཚོཌ་དང་ཕུན་སུམ་ཚོགས་པའི་ཐོན་ཁུངས་མཁོ་འདོན་ཐུབ་རྒྱུ་ཡིན་པ་རེད།

ཤེས་རྟོགས་བྱུང་བར་གཞིགས་ན། སྤྱི་ཚོགས་ཚན་རིག་ཁྱབ་གདལ་དང་དྲིལ་བསྒྲགས་རྟེན་གཞི་སྐྲུན་པ་ནི་རང་རྒྱལ་གྱི་མཚན་ཉིད་རིག་པ་དང་སྤྱི་ཚོགས་ཚན་རིག་ལས་དོན་གྱི་གྲུབ་ཆ་གལ་ཆེན་ཞིག་ཡིན་པས། རང་ལྗོངས་ཀྱི་ཚན་རིག་ཁྱབ་གདལ་དང་ལས་དོན་མ་ལག་ནང་བཅུག་ནས་རྒྱུན་རྣམ་ཅན་གྱི་སྒོ་ནས་སྐུལ་འདེད་གཏོང་རྒྱུ་ཡིན་ལ། རང་སྐྱོང་ལྗོངས་སྤྱི་ཚོགས་ཚན་རིག་མཉམ་འབྲེལ་ལྷན་ཚོགས་ཀྱིས་འབྲེལ་ཡོད་ཀྱི་དོ་དམ་བྱ་ཐབས་བཟོས་ནས། དཔྱད་ཞིབ་ཚོད་སྐོར་བྱ་བར་སྒྲིག་འཛུགས་དང་འགན་འཁུར་རྒྱུ་ཡིན་པ་རེད།