ཕྱི་ཚུལ་རིང་ལུགས་བཅོས་སྒྲིག་བྱས་ནས་གཞི་རིམ་གྱི་ཁུར་པོ་ཡང་དུ་གཏོང་རྒྱུའི་སྐོར་གྱི་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་རང་སྐྱོང་ལྗོངས་ཏང་ཨུད་ཀྱི་སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་སྔར་བས་བྱེད་པའི་ལས་དོན་སྐུལ་གཏོང་ཚོགས་འདུའི་དགོངས་དོན་ལག་བསྟར་དོན་འཁྱོལ་བྱས་ཏེ། སྤྱོད་ཚུལ་འཛུགས་སྐྱོང་གི་རྒྱུན་རྣམ་དང་ཕུགས་ཕན་ལ་སྐུལ་འདེད་གཏོང་བ་དང་། སྤྱོད་གཙང་གཞུང་དྲང་གི་ཆབ་སྲིད་ཁོར་ཡུག་སྲ་བརྟན་དུ་རྒྱུན་མཐུད་གཏོང་བ། ལས་སྒྲུབ་ལས་གཏོད་ཀྱི་རྣམ་པ་བཟང་པོ་བཅས་གཏོད་ཆེད། ད་ལྟ་སྤྱི་ཚོགས་ལ་ཁ་ཕྱོགས་ནས་ལྗོངས་ཡོངས་ཀྱི་རིམ་ཁག་ཏང་སྲིད་ལས་ཁུངས་དང་། ཁེ་ལས་དང་བྱ་གཞག་ཚན་པ། མང་ཚོགས་ཚོགས་པའི་རྩ་འཛུགས། ཏང་ཡོན་ལས་བྱེད་པ་བཅས་ལ་གནས་པའི་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དོན་འཁྱོལ་དང་ཕྱི་ཚུལ་རིང་ལུགས་བཅོས་སྒྲིག་བྱས་ནས་གཞི་རིམ་གྱི་ཁུར་པོ་ཡང་དུ་གཏོང་བའི་ཐད་ཀྱི་གནད་དོན་གྱི་ཁུངས་སྣེ་བསྡུ་རུབ་བྱེད་རྒྱུ་ཡིན། འབྲེལ་ཡོད་དོན་ཚན་གྱི་སྤྱི་བསྒྲགས་གཤམ་གསལ་ལྟར།

གཅིག བསྡུ་རུབ་ཀྱི་ཁྱབ་ཁོངས།

(གཅིག) ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དོན་འཁྱོལ་བྱེད་པའི་ཐད་གནས་པའི་གནད་དོན།

གཏན་འབེབས་དང་འགལ་ནས་ཟ་འཐུང་དང་། གཏན་འབེབས་དང་འགལ་ནས་གཞུང་འཁོར་བཀོད་སྒྲིག་དང་སྤྱོད་པ། གཞུང་དངུལ་སྤྱད་དེ་ཡུལ་སྐོར་དང་གཏན་འབེབས་དང་འགལ་ནས་དོ་དམ་ཞབས་ཞུ་བྱ་ཡུལ་ནས་བཀོད་སྒྲིག་བྱས་པའི་ཡུལ་སྐོར་བྱེད་སྒོ་དང་ལེན། གཏན་འབེབས་ལས་འགལ་ནས་ལག་རྟགས་དང་འབུལ་རྟེན་དངུལ་ལེན་པ་དང་སྤྲོད་པ། དེ་བཞིན་གསབ་དངུལ་གྱི་ཁ་གསབ་བམ་ཕན་བདེ་སྤྲོད་པ། ཚད་གཞི་ལས་བརྒལ་ནས་གཞུང་དོན་ཁང་བཀོད་སྒྲིག་དང་བེད་སྤྱོད། གཏན་འབེབས་ལས་འགལ་ནས་བག་མ་བསུ་ལེན་དང་གཤིན་པོ་དུར་སྐྱེལ། དགའ་སྟོན་གཉེར་བ། གཏན་འབེབས་ལས་འགལ་ནས་འཛད་སྤྱོད་མཐོ་བའི་རོལ་རྩེད་དང་ལུས་སྦྱོང་བྱེད་སྒོར་ཞུགས་པ། གཏན་འབེབས་ལས་འགལ་ནས་ཕྱི་རྒྱལ་དུ་འཚམས་འདྲིའི་བྱེད་སྒོ་བཀོད་སྒྲིག་བྱེད་པ། བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་ཞབས་འདེགས་ཞུ་བའི་ཐད་འགན་མི་འཁུར་བ་དང་། དགོས་པའི་ལས་མི་བྱེད་པ། མི་དགོས་ལས་རྙོག་བཟོ་བ། བྱས་རྗེས་འཇོག་ཁུལ་བྱེད་པ་བཅས་དང་། མང་ཚོགས་ལ་ཞབས་ཞུ་དང་འབྲེལ་གཏུག་བྱེད་པར་ཁྲལ་སེལ་སླ་བཅོས་དང་། ཨུ་ཚུགས་ནར་འགྱང་གཏོང་བ། ལས་ཕྱོད་དམའ་བ། ཟ་འཁྱེར་བཀག་གསུམ། དེ་བཞིན་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་འགལ་བའི་མངོན་གསལ་དོད་པའི་གནད་དོན་གཞན་དག་བཅས་ཡིན།

(གཉིས) ཕྱི་ཚུལ་རིང་ལུགས་བཅོས་སྒྲིག་བྱས་ནས་གཞི་རིམ་གྱི་ཁུར་པོ་ཡང་དུ་གཏོང་བའི་ཐད་གནས་པའི་གནད་དོན།

1.རྩོམ་སྲོལ་ཏན་ཏིག་མིན་པ་དང་། སྤུས་ཚད་མཐོན་པོ་མེད་པ། རྩོམ་ཡིག་རིང་དྲགས་པ། དོན་དངོས་དང་མི་མཐུན་པ། ནང་དོན་སྟོང་པ། ཇི་མ་ཇི་བཞིན་འདྲ་བཤུས་བྱེད་པ། གོང་རིམ་གྱི་བླང་བྱ་ལག་བསྟར་བྱེད་པར་ཞིབ་ཚགས་དང་ཁ་གསལ་མེད་པ། མཛུབ་ཁྲིད་རང་བཞིན་དང་བཀོལ་སྤྱོད་རང་བཞིན་མེད་པ། ཁ་བྱང་དམར་པོའི་ཡིག་ཆ་དག་ཁ་བྱང་དཀར་པོ་དང་སྟབས་བདེའི་ཡི་གེ་སོགས་ལ་བསྒྱུར་ནས་འགྲེམས་སྤེལ་བྱེད་པ། བསམ་འཆར་བསྡུ་རུབ“གང་འདོད་དུ་བྱེད་པ” ཚོགས་འདུ་རབ་དང་རིམ་པ་འཚོགས་པ། ལས་ཕྱོད་དམའ་ལ་བསྐྱར་ཟློས་ཆེ་བ། ཚོགས་འདུ་འཚོགས་ཡུན་རིང་ལ་ནང་དོན་སྟོང་པ། འོག་རིམ་ཏང་ཨུད(སྲིད་གཞུང)དང་སྡེ་ཚན་གྱི་འགན་འཁུར་བློ་མཐུན་གཙོ་བོ་ཚོགས་འདུར་ཞུགས་དགོས་པའི་བླང་བྱ་གང་འདོད་དུ་འདོན་པ། ཚོགས་འདུར་ཞུགས་པའི་ཁྱབ་ཁོངས་དང་གཞི་ཁྱོན་གང་འདོད་དུ་ཆེ་རུ་གཏོང་བ། “གྲངས་ཀ་ཙམ་གྱི་ཁུར་པོ་ཆུང་དུ་གཏོང་བ”སོགས་ཀྱི་གནད་དོན།

2.ལྟ་སྐུལ་ཞིབ་བཤེར་ལ་སྤྱི་འདོམས་ཀྱི་ཚད་གཞི་མེད་པར། མང་དྲགས་པ་དང་། ཕུང་གསོག་རྒྱག་པ། དཔྱད་ཞིབ་ལ“རྒྱུ་ཆ”དང“རྗེས་ཤུལ”གཙོ་བོར་འཛིན་པ། དཔྱད་ཞིབ་དམིགས་ཚད་བཀོད་སྒྲིག་རྙོག་འཛིང་ཆེ་བ། གང་འདོད་དུ“སྤ་སེ་གཅིག་གིས་ཕྲུ་སློག་གཏོང་སྟངས”བཟོ་བ་དང་འགན་འཁྲིའི་ཡི་གེར་མིང་རྟགས་བཀོད་པ་སོགས་ཀྱི་གནད་དོན།

3.མི་རྒྱུ་གཉིས་འཕྲོ་བརླག་གི“བྱས་རྗེས་ལས་གཞི”དང“རྟགས་མཚོན་ལས་གྲྭ”“ངོ་སོའི་ལས་གྲྭ”“གཟུགས་བརྙན་གསར་པའི་ལས་གྲྭ”“མངོན་གསུམ་གྱི་གྲུབ་འབྲས”ལ་མཐོང་ཆེན་བྱས་ནས“མི་མངོན་པའི་གྲུབ་འབྲས”ལ་སྣང་ཆུང་བྱེད་པ། གོང་རིམ་ནས་གཤམ་དུ་སྤྲད་པའི་ལས་འགན་རིམ་བཞིན་མང་དུ་གཏོང་བ་སོགས་ཀྱི་གནད་དོན།

4.སློབ་སྦྱོང་རྣམ་པ་ཙམ་དུ་གནས་པ་དང་ཕྱི་ཚུལ་གྱི་ལས་ཀ་སྒྲུབ་པ་དང་། བརྟག་ཞིབ་ལ་རིམ་པ་བཞིན་འགྲོ་རོགས་ཡོད་པ་དང་དཔྱད་གཞིར་ལྟ་ཙམ་དང་། སྙན་སེང་ཉན་ཙམ། ལྟ་བ་ཙམ་ལས་ཞིབ་འཇུག་མི་བྱེད་པ། བརྟག་ཞིབ་ཟེར་ཡང་དོན་ལ་ལྟ་ཙམ་བྱེད་པ། བརྟག་ཞིབ་ཁྲོད་མཛུབ་སྟོན་དང་བཀའ་རྒྱ་གཏོང་བར་གོམས་པ་སོགས་ཀྱི་གནད་དོན།

5.སྲིད་དོན་ཉེར་སྤྱོད་གོ་རིམ་མང་ཞིང་། བཙན་ཤེད་ཀྱིས་ཐོ་འགོད་དང་། གཱ་བཤེར་ནས་འབྱོར་ཐོ་འགོད་པ། སྐར་གསོག་མིང་རིམ་འགོད་པ། དྲ་ཐོག་གི་དུས་ཡུན། དོ་ཁུར། མོས་བསྟོད་བཅས་བྱེད་དུ་འཇུག་པ་དང་། ལས་ཀའི་ཚོགས་པ་མང་དྲགས་པ་སོགས“མཛུབ་རྩེའི་ཕྱི་ཚུལ་རིང་ལུགས”ཀྱི་གནད་དོན།

6.གྲོང་གསེབ་ཀྱི་མིའི་འཚོ་སྡོད་ཁོར་ཡུག་བཅོས་སྒྲིག་ཐད“སྙིང་པོ་མེད་པའི་ལས་རྙོག་བཟོ་བ”དང་། “ཕྱི་རྫིག་ནང་སྟོང”བྱེད་པ། རྨོ་ཞིང་སྲུང་སྐྱོང་བྱེད་པར་དོན་དངོས་དང་མི་མཐུན་པའི་ལས་འགན་དཀྲི་བ་དང་དུས་བཀག་བཟོ་བ། བཙན་ཤེད་ཀྱིས་ཤིང་སྡོང་གཅོད་པ། ཤིང་འབྲས་ལ་གཏོར་སྐྱོན། རྫིང་བུ་རྒྱོང་བ། རྨོ་ཞིང་སླར་གསོ་རྫུན་མ་བྱེད་པ་སོགས་ཀྱི་གནད་དོན།

7.གཏན་འབེབས་ལས་འགལ་ནས་རྫོང(གྲོང་ཁྱེར་དང་ཆུས)དང་ཤང(གྲོང་རྡལ)ནས་ལས་སྒྲུབ་མི་སྣ་གཡར་འཐེན་བྱེད་པ་དང་། གཏན་འབེབས་ལས་འགལ་ནས་སློབ་གྲྭ་འབྲིང་ཆུང་གི་དགེ་རྒན་སྐོང་འཐེན། གང་འདོད་དུ་གཞི་རིམ་ལས་བྱེད་པ་གཡར་འཐེན་དང་། བཙན་ཤེད་ཀྱིས་གཡར་འཐེན། གཡར་འཐེན་གྱི་མིང་ཐོག་ནས་བེད་སྤྱོད་ཡུན་རིང་གཏོང་བ་སོགས་ཀྱི་གནད་དོན།

8.དམིགས་ཚད་སྣ་མིན་སྣ་ཚོགས་བཟོ་བ་དང་། རིམ་པ་བཞིན་མང་དུ་གཏོང་བ། དྲིལ་བསྒྲགས་ཐལ་དྲགས་པ། བྱེད་ཐབས་ཕྱི་རྫིག་ནང་སྟོང་ཡིན་པ། འཛུགས་གཏོད་བྱེད་རིང་མང་ཚོགས་ཀྱི་ཁེ་ཕན་ལ་བཙན་གནོད་གཏོང་བ་སོགས་ཀྱི་གནད་དོན།

9.དུས་ཆེན་དང་། དགའ་སྟོན། གླེང་སྟེགས། འགྲེམས་ཚོགས་བཅས་ལ་ཞིབ་དཔྱད་ནན་པོ་མི་བྱེད་པར། མང་དྲགས་པ་དང་། ཕན་འབྲས་མེད་པ། གླས་པས“བཟོ་ལྟ་ཙམ་སྟོན་པ”སོགས་ཀྱི་གནད་དོན།

10.གྲོང་ཚོ(སྡེ་ཁུལ)ལ་སྒོ་བྱང་འགེལ་དྲགས་པ་དང་། སྒོ་བྱང་ཚད་ལྡན་མེད་པ། ཆོག་མཆན་མ་ཐོབ་པར་གོང་རིམ་འགན་ནུས་སྡེ་ཚན་གྱིས་ལས་ཀའི་ལས་འགན་དང་འགན་འཁྲི་དག་ཤང་གྲོང(ཁྲོམ་གཞུང)དང་གྲོང་ཚོ(སྡེ་ཁུལ)ལ་གང་འདོད་དུ་གཤམ་སྤྲོད་བྱེད་པ་སོགས་ཀྱི་གནད་དོན།

གཉིས། བསྡུ་རུབ་བྱེད་སྟངས།

དྲ་རྒྱའི་ས་གནས། ཀྲུང་གོ་གུང་ཁྲན་ཏང་བོད་རང་སྐྱོང་ལྗོངས་ཨུ་ཡོན་ལྷན་ཁང་གི་གཙོ་ཆེའི་དྲ་ཚུགས་ཀྱི“སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བྱེད་པའི་ལྟ་སྐུལ་ཡིག་སྒམ”(https://www.xzdw.gov.cn/public/jdxx/)

སྦྲག་སྐྱེལ་ས་གནས། བོད་རང་སྐྱོང་ལྗོངས་ལྷ་ས་གྲོང་ཁྱེར་གྱི་ཡིག་སྒམ་ཨང་8501པ།

འབྲེལ་གཏུག་ཁ་པར། 0891-6677937

རང་སྐྱོང་ལྗོངས་ཕྱི་ཚུལ་རིང་ལུགས་བཅོས་སྒྲིག་བྱས་ནས་གཞི་རིམ་གྱི་ཁུར་པོ་ཡང་དུ་གཏོང་བའི་ཆེད་དོན་ལས་དོན་ལམ་སྲོལ་གཞུང་ལས་ཁང་།

2025ལོའི་ཟླ་3ཚེས་21ཉིན།