རེན་ཝེ་ཡིས་རང་སྐྱོང་ལྗོངས་བདེ་འཇགས་ཨུ་ལྷན་གཞུང་ལས་ཁང་གི་ཆེད་དོན་ཚོགས་འདུ་གཙོ་སྐྱོང་གནང་བ།
ཉེ་ཆར། ལྗོངས་ཏང་ཨུད་ཀྱི་རྒྱུན་ཨུ་དང་། རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ། རང་སྐྱོང་ལྗོངས་བདེ་འཇགས་ཨུ་ལྷན་གྱི་རྒྱུན་ལས་ཀྲུའུ་རེན་གཞོན་པ་བཅས་ཡིན་པའི་རེན་ཝེ་ཡིས་རང་སྐྱོང་ལྗོངས་བདེ་འཇགས་ཨུ་ལྷན་གཞུང་ལས་ཁང་གི་ཆེད་དོན་ཚོགས་འདུ་གཙོ་སྐྱོང་གནང་ནས་བདེ་འཇགས་ཐོན་སྐྱེད་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་མཆན་བཀོད་མཛུབ་སྟོན་གྱི་དགོངས་དོན་ལག་བསྟར་གཏིང་ཟབ་དང་། རང་སྐྱོང་ལྗོངས་ཏང་ཨུད་དང་སྲིད་གཞུང་གི་ལས་དོན་བཀོད་སྒྲིག་ཕྱོགས་ཡོངས་ནས་དོན་འཁྱོལ། “གཙོ་གནད་གསུམ”དང“གསལ་ཐོ་གཉིས”དང་དེ་བཞིན་བདེ་འཇགས་ཐོན་སྐྱེད་ཀྱི་རྩ་བཅོས་འགག་སྒྲོལ་གྱི་ལོ་གསུམ་བྱ་སྤྱོད་ཀྱི་2025ལོའི་ལོ་འཁོར་གྱི་གཙོ་གནད་ལས་འགན་ལ་ཞིབ་འཇུག་དང་གྲོས་ཞིབ། གཙོ་གནད་ལས་རིཌ་ཁྱབ་ཁོངས་ཀྱི“དོན་དག་གཅིག”གི་འཁོར་འབྲེལ་ཧྲིལ་པོའི་ཆེད་དོན་བཅོས་སྒྲིག་བྱ་སྤྱོད་སྤེལ་རྒྱུ་བཀོད་སྒྲིག་བཅས་གནང་བ་རེད།
རེན་ཝེ་ཡིས་བླང་བྱ་བཏོན་གནང་དོན། རིམ་པ་ཁག་དང་སྡེ་ཚན་ཁག་གིས་གནད་དོན་གྱི་སྟོན་ཕྱོགས་བརྟན་པོ་བཙུགས་ནས་དམིཌ་ཚད་དང་ལས་འགན་ལ་ལྟ་བསྡུར་བྱ་རྒྱུ་གསལ་ཐོ་ཅན་དུ་སྐུལ་འདེད་གཏོང་བ་དང་རྣམ་གྲངས་ཅན་ནས་དོ་དམ་བྱས་ཏེ། བྱེད་ཐབས་ཁག་དོན་ཐོག་ཏུ་ཏན་ཏིག་འཁྱོལ་བར་སྐུལ་འདེད་གཏོང་དགོས། བདེ་འཇགས་ཐོན་སྐྱེད་ཀྱི་རྩ་བཅོས་འགག་སྒྲོལ་གྱི་ལོ་གསུམ་བྱ་སྤྱོད་ལ་མུ་མཐུད་སྐུལ་འདེད་བཏང་སྟེ་གྲོང་ཁྱེར་དང་གྲོང་རྡལ་གྱི་སོལ་རླངས་དང་། གློག་སྒུལ་རྐང་འཁོར། ཉེན་ཡོད་རྫས་འགྱུར་དངོས་རྫས། འཛུགས་སྐྲུན་གྱི་དྲོད་སྲུང་རྒྱུ་ཆ། མི་ཚོགས་མང་བའི་ཁུལ་གྱི་མེ་སྤྱོད། གཤེར་དབྱང་སོགས་ཁྱབ་ཁོངས་ཀྱི“དོན་དག་གཅིག”གི་འཁོར་འབྲེལ་ཧྲིལ་པོར་བཅོས་སྒྲིག་གཏིང་ཟབ་བྱས་ནས། བདེ་འཇགས་ཀྱི་ཉེན་ཁའི་མངོན་མེད་རྐྱེན་ངན་གལ་ཆེན་མེད་པར་བཟོ་དགོས། ལས་ཀའི་ལམ་སྲོལ་འཐུས་སྒོ་ཚང་དུ་གཏོང་བ་དང་། རང་སྐྱོང་ལྗོངས་བདེ་འཇགས་ཨུ་ལྷན་གཞུང་ལས་ཁང་སོགས་ཀྱི་སྤྱི་འདོམས་མཐུན་སྦྱོར་གྱི་ནུས་པ་གང་ལེགས་འདོན་པ། སྡེ་ཚན་དབར་གྱི་མཉམ་འགུལ་གཞོཌ་འདེཌ་ལ་ཤུགས་སྣོན་རྒྱག་པ། ཉེན་ཁ་དབྱེ་ཞིབ་དང་ཞིབ་དཔྱད་ལ་ཤུགས་སྣོན་རྒྱག་པ། ཞིབ་ཕྲའི་གནད་དོན་ཞིབ་འཇུག་དང་ཐག་གཅོད་བཅས་བྱས་ནས་ལམ་ལུགས་ཅན་གྱི་གྲུབ་འབྲས་ཐོན་པར་བྱས་ཏེ་དོན་དམ་པའི་བདེ་འཇགས་ཡོང་ཐབས་ཧུར་ཐག་བྱེད་དགོས་པ་བཅས་རེད།