ལའེ་ཅའོ་ཡིས་རང་སྐྱོང་ལྗོངས་ཏང་ཨུད་རྩ་འཛུགས་པུའི(སྒྲིག་གཞི་ཨུ་ལྷན་གཞུང་ལས་ཁང)འགོ་ཁྲིད་ཚན་ཁག་གི་2024ལོའི་ལོ་འཁོར་གྱི་དམངས་གཙོའི་འཚོ་བའི་ཚོགས་འདུ་གཙོ་སྐྱོང་གནང་བ།
ཉེ་ཆར་ལྗོངས་ཏང་ཨུད་རྩ་འཛུགས་པུའི(སྒྲིག་གཞི་ཨུ་ལྷན་གཞུང་ལས་ཁང)གིས་འགོ་ཁྲིད་ཚན་ཁག་གི2024ལོའི་ལོ་འཁོར་གྱི་དམངས་གཙོའི་འཚོ་བའི་ཚོགས་འདུ་འཚོགས་ནས་ཆབ་སྲིད་དང་། བསམ་བློ། སྤྱོད་ཚུལ། སྒྲིག་ཁྲིམས་སོཌ་ཕྱོགས་ཁག་གི་གནས་ཚུལ་འཚོལ་བཤེར་དང་། ཏང་གཤིས་དབྱེ་ཞིབ། ལྡོག་ཕྱོགས་ཀྱི་དཔེ་མཚོན་གྱོད་དཔེ་དང་བསྡུར་ནས་རང་ཉིད་ལ་དབྱེ་ཞིབ་བཅས་བྱས་ཏེ་སྐྱོན་བརྗོད་དང་རང་སྐྱོན་རང་བརྗོད་བྱས་ཡོད། ལྗོངས་ཏང་ཨུད་ཀྱི་རྒྱུན་ཨུ་དང་རྩ་འཛུགས་པུའུ་ཡི་པུའུ་ཀྲང་ལའེ་ཅའོ་ཡིས་ཚོགས་འདུ་གཙོ་སྐྱོང་གནང་བ་དང་སྦྲགས་གསུང་བཤད་ཀྱང་གནང་བ་རེད། ལྗོངས་སྒྲིག་ཨུད་ལྟ་ཞིབ་ཨུ་ལྷན་དང་རང་སྐྱོང་ལྗོངས་ཐད་གཏོགས་ལས་ཁུངས་ཀྱི་ལས་དོན་ཨུ་ལྷན་གྱི་འབྲེལ་ཡོད་བློ་མཐུན་ཚོགས་འདུར་ཕེབས་ནས་མཛུབ་ཁྲིད་དང་དཔྱད་བརྗོད་གནང་བ་རེད།
ལའེ་ཅའོ་ཡིས་པུའུ་དོན་ཚོགས་འདུའི་ཚན་ཁག་གི་ཁོངས་མིས་བརྗོད་དོན་གཙོ་བོར་དམ་པོར་དམིགས་ནས་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་ཀྱིས་རང་ཉིད་དང་། འགན་འཁྲི། ལས་དོན་བཅས་ལ་བཤེར་འདོན་དང་། སྦ་གསང་མེད་པར་རང་སྐྱོན་རང་བརྗོད། ལྷག་བསམ་རྣམ་དག་གིས་ཕན་ཚུན་སྐྱོན་བརྗོད་བཅས་བྱས་པས། སྐྱོན་བརྗོད་རྔུལ་ནག་ཤོར་ཤོར་དང་། འཛེམ་མེད་དམར་འདོན། བསམ་བློ་གཅིག་གྱུར། མཐུན་སྒྲིལ་ཟབ་ཏུ་འགྲོ་བ་བཅས་ཀྱི་དམིགས་ཚད་མངོན་འགྱུར་བྱུང་ཡོད་ཅེས་གསུངས་པ་རེད། ཁོང་གིས། སྣེ་ཁྲིད་ནས་འགན་འཁྲི་འཁུར་རྒྱུར་ཤུགས་སྣོན་བརྒྱབ་ནས་རྩ་འཛུགས་ལས་དོན་གྱི་ལས་འགན་ཁག་དོན་ཐོག་ཏུ་འཁྱོལ་བར་སྐུལ་འདེད་གཏོང་བ་དང་། སྣེ་ཁྲིད་ནས་སྒྲིག་ཁྲིམས་དང་སྒྲིག་སྲོལ་ནན་སྲུང་བྱས་ཏེ་ཐོག་མཐའ་བར་གསུམ་དུ་སྤྱོད་གཙང་རང་གཅུན་བྱེད་པ། སྣེ་ཁྲིད་ནས་གནད་དོན་དག་ཐེར་ལ་དམ་འཛིན་བྱས་ནས་དམངས་གཙོའི་འཚོ་བའི་ཚོགས་འདུའི་གྲུབ་འབྲས་སྲ་བརྟན་དུ་གཏོང་བ་བཅས་བྱེད་དགོས་པའི་ནན་བཤད་གནང་བ་རེད།