དབང་ཧའེ་ཀྲོའུ་ཡིས་ཧྭ་ཝེ་ཁྲོན་བོད་ས་ཁོངས་ཀྱི་སྤྱི་ཁྱབ་ཅིང་ལི་པའོ་ཀེ་ཐང་དང་བཞུགས་མོལ་གནང་བ།
ཚེས་12ཉིན་གྱི་ཕྱི་དྲོར། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་དྲིལ་བསྒྲགས་པུའི་པུའུ་ཀྲང་དབང་ཧའེ་ཀྲོའུ་ཡིས་ཧྭ་ཝེ་ཁྲོན་བོད་ས་ཁོངས་ཀྱི་སྤྱི་ཁྱབ་ཅིང་ལི་པའོ་ཀེ་ཐང་བཅས་པ་དང་བཞུགས་མོལ་གནང་བ་དང་། རང་སྐྱོང་ལྗོངས་ཏང་ཨུད་དྲིལ་བསྒྲགས་པུའུ་དང་། དྲ་འཕྲིན་གཞུང་དོན་ཁང་། ལྗོངས་དཔལ་འབྱོར་ཆ་འཕྲིན་ཐིང(གྲངས་གཞི་ཆེན་པོ་ཅུས)རླུང་འཕྲིན་བརྙན་འཕྲིན་ཅུས། བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་སོགས་ཚན་པའི་འབྲེལ་ཡོད་བློ་མཐུན་བཞུགས་མོལ་ཚོགས་འདུར་ཞུགས་པ་རེད།
དབང་ཧའེ་ཀྲོའུ་ཡིས་དང་ཐོག་པའོ་ཀེ་ཐང་དང་བཅས་པ་བོད་དུ་རྟོག་ཞིབ་གནང་བར་ཕེབས་པར་དགའ་བསུ་ཞུས་པ་དང་། ཧྭ་ཝེ་ཁྲོན་བོད་ས་ཁོངས་ཚོགས་པ་དང་ལྷག་པར་དུ་བོད་ལྗོངས་དོན་གཅོད་ཁྲུའུ་ཡིས་ཡུན་རིང་ས་མཐོར་གཞིས་ཚུགས་ནས་བོད་ལྗོངས་ལ་ཞབས་འདེགས་ཞུས་ཏེ་རང་ལྗོངས་ཀྱི་གྲངས་འཛིན་ཅན་དང་ཆ་འཕྲིན་ཅན་གྱི་འཕེལ་རྒྱས་ལ་རམ་འདེགས་གནང་བར་ཐུགས་རྗེ་ཆེ་ཞུས་གནང་བ་དང་། ཁོང་གིས་རང་སྐྱོང་ལྗོངས་ཏང་ཨུད་དང་སྲིད་གཞུང་གིས་གྲངས་འཛིན་བོད་ལྗོངས་འཛུགས་སྐྲུན་ལ་ཚད་མཐོའི་མཐོང་ཆེན་གནང་ནས་རྗེས་ཐོན་ལེགས་ཆ་འདོན་སྤེལ་གང་ལེགས་ཡོང་བར་ཕྱོགས་ཡོངས་ནས་བཀོད་སྒྲིག ལས་དོན་ཁག་ལ་དུས་མཚམས་རང་བཞིན་གྱི་ཕན་འབྲས་ཐོན་པར་སྐུལ་འདེད་བཅས་བཏང་ཡོད། ཕྱོགས་གཉིས་ཀྱིས་གྲུབ་འབྲས་སྲ་བརྟན་དུ་གཏོང་བ་དང་མཉམ་ལས་གཏིང་ཟབ་བྱས་ཏེ། དེ་བས་རྒྱུད་རིམ་ལྡན་ལ་དམ་ཟབ་ཀྱི་སྤེལ་རེས་མཉམ་ལས་ལམ་སྲོལ་སྔར་བས་འཛུགས་པ་དང་འཐུས་སྒོ་ཚང་དུ་གཏོང་བ་དང་ཧྭ་ཝེ་ཡི་སྔོན་ཐོན་གྱི་འདུ་ཤེས་དང་སྔོན་ཐོན་གྱི་ལག་རྩལ་སོགས་ཀྱི་ལེགས་ཆ་འདོན་སྤེལ་བྱས་ནས། ཆ་འཕྲིན་ཅན་འཛུགས་སྐྱོང་དང་། གྲངས་འཛིན་དཔལ་འབྱོར་འཕེལ་རྒྱས། ལག་རྩལ་འགག་སྒྲོལ་ཞིབ་སྤེལ། ཤེས་ལྡན་པ་གསོ་སྐྱོང་དང་གསོ་སྦྱོང་སོགས་ཀྱི་ཐད་ཚད་བརྒལ་དེ་བས་ཆེ་བ་ཡོང་བའི་བརྩོན་ལེན་བྱ་རྒྱུའི་རེ་བ་ཡོད་ཅེས་གསུངས་པ་རེད།