རེན་ཝེ་ཡིས་ལྗོངས་ཡོངས་ཀྱི་བདེ་འཇགས་ཐོན་སྐྱེད་ཀྱི་ཆེད་དོན་བཀོད་གཏོང་ཚོགས་འདུ་གཙོ་སྐྱོང་གནང་བ།
ཚེས་11ཉིན་གྱི་ཕྱི་དྲོར། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་རེན་ཝེ་ཡིས་ལྗོངས་ཡོངས་ཀྱི་བདེ་འཇགས་ཐོན་སྐྱེད་ཀྱི་ཆེད་དོན་བཀོད་གཏོང་ཚོགས་འདུ་གཙོ་སྐྱོང་གནང་ནས་བདེ་འཇགས་ཐོན་སྐྱེད་དང་གེགས་འགོག་གེགས་སེལ་དང་གནོད་འཚེ་ཉུང་གཏོང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱས་ནས་རང་སྐྱོང་ལྗོངས་ཏང་ཨུད་དང་སྲིད་གཞུང་གི་བཀོད་སྒྲིག་བླང་བྱ་གཞིར་བཟུང་ཉེ་དུས་ཀྱི་ནགས་ཚལ་དང་རྩྭ་ཐང་གི་མེ་ཟོན་མེ་གསོད་དང་བདེ་འཇགས་ཐོན་སྐྱེད་ཀྱི་གཙོ་གནད་ལས་དོན་ལ་བསྐྱར་དུ་ནན་བཤད་དང་བཀོད་སྒྲིག་གནང་བ་རེད།
རེན་ཝེ་ཡིས་གསུངས་དོན། བོད་ཀྱི་ལོ་གསར་དང་རྒྱལ་ཡོངས་ཀྱི་ཚོགས་འདུ་གཉིས་སོགས་ཀྱི་དུས་ཆེན་དང་བྱེད་སྒོ་གལ་ཆེན་སླེབས་ཉེར་ཡོད་པས་མིག་སྔའི་བདེ་འཇགས་འགོག་ཟོན་གྱི་ལས་དོན་ཡག་པོ་བསྒྲུབས་ཏེ་བདེ་འཇགས་ཀྱི་ཁོར་ཡུག་ཡག་པོ་བསྐྲུན་རྒྱུ་ནི་གལ་འགངས་ཤིན་ཏུ་ཆེན་པོ་རེད། རིམ་ཁག་སྡེ་ཚན་ཁག་གིས་བདེ་འཇགས་འགོག་ཟོན་གྱི་ཆབ་སྲིད་ཀྱི་འགན་འཁྲི་མཐའ་གཅིག་ཏུ་ནན་པོ་འཁུར་ནས་མིག་སྔའི་ནགས་ཚལ་དང་རྩྭ་ཐང་གི་མེ་ཟོན་མེ་གསོད་དང་བདེ་འཇགས་ཐོན་སྐྱེད་ལས་དོན་ལ་འཕྲད་པའི་དུས་བབ་ཁོང་དུ་ཡང་དག་ཆུད་པར་བྱེད་པ་དང་ལས་ཀའི་བྱེད་ཐབས་ཤུགས་ཆེར་བཏང་སྟེ་བདེ་འཇགས་ཐོན་སྐྱེད་དང་གེགས་འགོག་གེགས་སེལ་དང་གནོད་འཚེ་ཉུང་གཏོང་གི་ལས་དོན་ཁག་དམ་འཛིན་ཏན་ཏིག་དང་། ཞིབ་ཚགས། གནད་ལ་འཁེལ་པོ་བཅས་བྱས་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་དང་སྤྱི་ཚོགས་སྤྱི་ཡོངས་ཞི་མཐུན་བརྟན་ལྷིང་ཡོང་བར་ནུས་ཤུགས་ཡོད་རྒུས་འགན་ལེན་བྱེད་དགོས།