དབུ་ཤོག>སྲིད་དོན།>འགོ་ཁྲིད་བྱེད་སྒོ།>རེན་ཝེ།
  • རེན་ཝེ་ཡིས་གུས་ལུགས་མཚོན་པའི་ངང་ལྷ་སར་བཅའ་སྡོད་ནེ་པ་ལའི་གསར་དུ་བསྐོ་གཞག་བྱས་པའི་སྤྱི་ཁྱབ་ཁེ་སྐྱོང་བ་དང་མཇལ་འཛོམས་གནང་བ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།   |     སྤེལ་དུས།  2025-01-07

    ཚེས་3ཉིན་གྱི་ཕྱི་དྲོར། ལྗོངས་ཏང་ཨུད་ཀྱི་རྒྱུན་ཨུ་དང་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་རེན་ཝེ་ཡིས་གུས་ལུགས་མཚོན་པའི་ངང་ལྷ་སར་བཅའ་སྡོད་ནེ་པ་ལའི་གསར་དུ་བསྐོ་གཞག་བྱས་པའི་སྤྱི་ཁྱབ་ཁེ་སྐྱོང་བ་ལཱ་ཁེ་ཤིས་སྨི·ཕུའུ་ལཱ་སཱ་ཏེ·ནེ་ལུའོ་ལ་བཅས་པ་དང་མཇལ་འཛོམས་གནང་བ་རེད།

    རེན་ཝེ་ཡིས་དང་ཐོག་རང་སྐྱོང་ལྗོངས་ཏང་ཨུད་དང་སྲིད་གཞུང་དང་། ཧྲུའུ་ཅི་ཝང་ཅུན་ཀྲེང་། ཀྲུའུ་ཞི་ཀརྨ་ཚེ་བརྟན་བཅས་ཀྱི་ཚབ་ཞུས་ནས་ལཱ་ཁེ་ཤིས་སྨི·ཕུའུ་ལཱ་སཱ་ཏེ·ནེ་ལུའོ་ལ་ལས་ཐོག་ཏུ་འབྱོར་བར་རྟེན་འབྲེལ་དང་དགའ་བསུ་ཞུས་པ་མ་ཟད། བོད་རང་སྐྱོང་ལྗོངས་ཀྱི་གཞི་རྩའི་གནས་ཚུལ་དང་། ལྷག་དོན་དུ། བོད་ལ་དམངས་གཙོའི་བཅོས་སྒྱུར་བྱས་ཚུན་ཀྲུང་གོ་གུང་ཁྲན་ཏང་གི་སྲ་ཞིང་བརྟན་པའི་འགོ་ཁྲིད་འོག་དཔལ་འབྱོར་དང་སྤྱི་ཚོགས་ལ་གྲུབ་འབྲས་རླབས་པོ་ཆེ་ཐོབ་པ་ངོ་སྤྲོད་མདོར་བསྡུས་གནང་ཞིང་། ནེ་པ་ལས་ཀྲུང་གོ་གཅིག་གི་རྩ་དོན་མཐའ་འཁྱོངས་བྱས་ནས་ཕྱོགས་གཏོགས་གང་རུང་ཞིག་གིས་ཀྱང་ནེ་པ་ལའི་མངའ་ཁོངས་སུ་ཀྲུང་གོར་ངོ་རྒོལ་གྱི་བྱེད་སྤྱོད་སྤེལ་དུ་མི་འཇུག་པའི་ཐད་འབད་བརྩོན་བྱས་པར་ཚད་མཐོའི་བསྔགས་བརྗོད་ཀྱང་གནང་བ་རེད། ཁོང་གིས། ཀྲུང་གོ་དང་ནེ་པ་ལ་ནི་རི་ཆུ་འབྲེལ་བའི་ཁྱིམ་མཚེས་བཟང་པོ་དང་། གྲོགས་པོ་བློས་ཐུབ། རོགས་ཟླ་བཟང་པོ་བཅས་ཡིན། ད་ཕན་ལོ་ཤས་རིང་། ཕྱོགས་གཉིས་པོས་རྒྱལ་ཁབ་གཉིས་པོའི་འགོ་ཁྲིད་པའི་དབར་གྲུབ་པའི་ཐུན་མོང་གི་ངོས་འཛིན་དོན་འཁྱོལ་ནན་ཏན་བྱས་ཏེ་ཀྲུང་ནེའི་དབར་གྱི་འབྲེལ་བར་གཡུར་ཟའི་གྲུབ་འབྲས་ཐོབ་རྒྱུར་སྐུལ་འདེད་བཏང་ཡོད་ཅེས་གསུངས་ཤིང་། ཁོང་གིས། བོད་རང་སྐྱོང་ལྗོངས་ཀྱིས་སྒོ་དབྱེ་མཉམ་ལས་ཀྱི་རྣམ་འགྱུར་མུ་མཐུད་མཐའ་འཁྱོངས་བྱས་ཏེ། ཀྲུང་ནེའི་དབར་ཕྱི་འབྲེལ་བཙུགས་ནས་ལོ་70འཁོར་བ་གོ་སྐབས་སུ་བྱས་ནས་ནེ་པ་ལ་དང་དཔལ་འབྱོར་ཚོང་དོན་དང་། རིག་གནས་ཡུལ་སྐོར། ཚན་རྩལ། མ་འཇོག ཞིང་ལས་སོགས་ཁྱབ་ཁོངས་ཀྱི་དངོས་སྒྲུབ་མཉམ་ལས་མུ་མཐུད་ཟབ་ཏུ་གཏོང་རྒྱུ་ཡིན་ཞེས་ནན་བཤད་གནང་བ་རེད། ཁོང་གིས། གསར་དུ་བསྐོ་གཞག་བྱས་པའི་སྤྱི་ཁྱབ་ཁེ་སྐྱོང་བས་སྦྲེལ་ཟམ་གྱི་ནུས་པ་གང་ལེགས་བཏོན་ཏེ་ཕྱོགས་གཉིས་པོའི་དབར་གྱི་འབྲེལ་བ་རྒྱུན་མཐུད་དང་། སྐྱོན་བྲལ། བརྟན་པོ་བཅས་ཀྱི་སྒོ་ནས་འཕེལ་རྒྱས་འགྲོ་བར་སྐུལ་འདེད་གཏོང་བར་ལེགས་སྐྱེས་གསར་པ་འབུལ་རྒྱུའི་རེ་བ་ཡོད་ཅེས་གསུངས་པ་རེད།

    ལཱ་ཁེ་ཤིས་སྨི·ཕུའུ་ལཱ་སཱ་ཏེ·ནེ་ལུའོ་ལ་ཡིས། ནེ་པ་ལས་ཀྲུང་གོ་དང་མཛའ་མཐུན་འབྲེལ་བར་ཚད་མཐོའི་མཐོང་ཆེན་བྱེད་ཀྱི་ཡོད་ལ། བོད་རང་སྐྱོང་ལྗོངས་དང་སྤེལ་རེས་མཉམ་ལས་བྱ་རྒྱུར་ཡང་གཅེས་སྤྲས་ཆེན་པོ་བྱེད་ཀྱི་ཡོད། ལས་འགན་འཁུར་རིང་ནེ་པ་ལ་དང་བོད་རང་སྐྱོང་ལྗོངས་ཀྱིས་ཁྱབ་ཁོངས་ཁག་ཏུ་སྤེལ་རེས་དང་མཉམ་ལས་བྱ་རྒྱུར་སྐུལ་འདེད་ཧུར་ཐག་བཏང་ནས། ཀྲུང་ནེའི་སྲོལ་རྒྱུན་མཛའ་གྲོགས་སྔར་བས་སྲ་བརྟན་དང་འཕེལ་རྒྱས་བཏང་སྟེ། རྒྱལ་ཁབ་གཉིས་པོ་དང་དེ་བཞིན་ཕྱོགས་གཉིས་པོའི་མི་དམངས་ལ་སྔར་བས་ལེགས་པའི་སྒོ་ནས་བདེ་སྐྱིད་སྐྲུན་རྒྱུ་ཡིན་ཞེས་གསུངས་པ་རེད།

    འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

མཉམ་སྤྱོད།

འབྲེལ་ཡོད་གསར་འགྱུར།