རང་སྐྱོང་ལྗོངས་མི་དམངས་སྲིད་གཞུང་གིས《སྲིད་གཞུང་གི་ལས་དོན་སྙན་སྒྲོན》ལ་གཞི་རིམ་མང་ཚོགས་ཀྱི་བསམ་འཆར་དང་གྲོས་འགོ་བསྡུ་ལེན་བྱས་པ།
ཚེས་25ཉིན་གྱི་ཕྱི་དྲོར། རང་སྐྱོང་ལྗོངས་མི་དམངས་སྲིད་གཞུང་གིས་གཞི་རིམ་མང་ཚོགས་འཐུས་མི་གདན་དྲངས་ནས་ད་ལོའི《སྲིད་གཞུང་གི་ལས་དོན་སྙན་སྒྲོན》ལ་བསམ་འཆར་དང་གྲོས་འགོ་བསྡུ་ལེན་བྱས་པ་རེད།
རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཚེ་རིང་ཕུན་ཚོགས་ཀྱིས་ཚོགས་འདུ་གཙོ་སྐྱོང་དང་གསུང་བཤད་གནང་བ་རེད།
ཚོགས་འདུའི་ཐོག་ཚོགས་ཞུགས་འཐུས་མི་ཚོས་བོད་རྒྱ་སྐད་གཉིས་ཀྱི་སྙན་སྒྲོན་ལ་གྲོས་ཞིབ་ནན་ཏན་བྱས་ནས། གྲོང་ཚོ་དང་སྡེ་ཁུལ་དང་འཐབ་ས་དང་པོའི་དོན་དངོས་ལ་གཞིགས་ཏེ་འགྱུར་ལྡོག་དང་ཐོན་སྐྱེད་སྐོར་གླེང་བ་དང་། གཏམ་བཤད་ལྷུག་པོར་གླེང་བ། ཐབས་འདོན་ཇུས་འགོད་བྱས་ཤིང་། ཚང་མས་2024ལོའི“ཞིང་གསུམ”ལས་དོན་ལ་གྲུབ་འབྲས་གཡུར་དུ་ཟ་བ་ཐོབ་པ་དང་བཀྲག་མདངས་འཚེར་ས་མང་བས། མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་དངོས་འབྲེལ་ཆེ་རུ་ཕྱིན་པའི་ངོས་འཛིན་མགྲིན་གཅིག་ཏུ་བྱས་པ་རེད།《སྲིད་གཞུང་གི་ལས་དོན་སྙན་སྒྲོན》ནང་། སང་ལོའི་ལས་དོན་གྱི་འཆར་འགོད་ནི་དམངས་འཚོར་སྣང་ཆེན་དང་བྱེད་ཐབས་ཏན་ཏིག་ཡིན་པས་མི་རྣམས་ལ་སྐུལ་མ་ཐེབས་དགོས་པ་ཞིག་ཡོད། ཚང་མས་རང་སྐྱོང་ལྗོངས་ཏང་ཨུད་དང་སྲིད་གཞུང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག ནུས་སེམས་གཅིག་སྒྲིལ་དང་འབད་བརྩོན་ཧུར་ཐག་བྱས་ནས་འཚོ་བ་སྔར་བས་ཕུན་སུམ་ཚོགས་པོ་ཡོང་བར་བྱེད་ཀྱི་ཡིན་ཞེས་གཅིག་རྗེས་གཉིས་མཐུད་ངང་བཤད་པ་རེད།
ཚོགས་འདུའི་ཐོག་རང་སྐྱོང་ལྗོངས་ཀྱི་འབྲེལ་ཡོད་སྡེ་ཚན་དང་འཆར་ཟིན་འཆར་འགོད་ཚོགས་ཆུང་གིས་བསམ་འཆར་དང་གྲོས་འགོར་ཞིབ་འཇུག་དང་བསྡུ་ལེན་ནན་ཏན་བྱས་ནས། གཞི་རིམ་གྱི་རེ་ཞུར་ལན་འདེབས་པ་དང་ལས་དོན་དོན་འཁྱོལ་བྱེད་པར་མཉམ་དུ་སྐུལ་འདེད་གཏོང་དགོས་པའི་བླང་བྱ་བཏོན་ཡོད་པ་རེད།