ཅང་ཝུན་ཕེང་གིས་རང་སྐྱོང་ལྗོངས་སྒྲིག་ཨུད་རྒྱུན་ལས་ཨུ་ལྷན་གྱི་ཚོགས་འདུ་གཙོ་སྐྱོང་གནང་བ།
ཚེས་10ཉིན། རང་སྐྱོང་ལྗོངས་སྒྲིག་ཨུད་ཀྱིས་རྒྱུན་ལས་ཨུ་ལྷན་གྱི་ཚོགས་འདུ་འཚོགས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་བརྒྱུད་བསྒྲགས་སློབ་སྦྱོང་བྱས་པ་རེད། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་སྒྲིག་ཨུད་ཀྱི་ཧྲུའུ་ཅི་ཅང་ཝུན་ཕེང་གིས་ཚོགས་འདུ་གཙོ་སྐྱོང་གནང་བ་རེད།
ཚོགས་འདུའི་ཐོག་ནན་བཤད་བྱས་དོན། གཞུང་འཁྱོངས་གསར་འབྱེད་དང“ཟུང་འབྲེལ་གཉིས”མཐའ་འཁྱོངས་ཀྱིས་མིག་སྔའི་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ཀྱི་དུས་བབ་ཁོང་དུ་ཡང་དག་ཆུད་པ་དང་། རང་ངོས་ཀྱི་ཕྲག་ཐོག་ཏུ་འཁུར་བའི་འགན་འཁྲི་དང་ལས་འགན་ལ་ངོས་འཛིན་གང་ལེགས། རྩོད་སྒྲུབ་དངོས་གཙོ་རིང་ལུགས་དང་ལོ་རྒྱུས་དངོས་གཙོ་རིང་ལུགས་སྤྱོད་རྒྱུ་མཐའ་འཁྱོངས་བཅས་བྱས་ཏེ་ཏང་གི་གསར་གཏོད་རིགས་པའི་གཞུང་ལུགས་ཁྲོད་ནས་འདུ་ཤེས་དང་། བསམ་ཕྱོགས། ཐབས་ཤེས། བྱ་ཐབས་བཅས་རང་རྟོགས་ངང་འཚོལ་དགོས། མར་ཁེ་སི་རིང་ལུགས་ཀྱི་སྲིད་གཙང་རིགས་པའི་གཞུང་ལུགས་དང་། ལྷག་པར་དུ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཕྱོགས་ཡོངས་ནས་ཏང་ནན་པོ་སྐྱོང་བའི་སྐོར་གྱི་རྣམ་བཤད་གལ་ཆེན་རྒྱུན་མཐུད་སློབ་སྦྱོང་དྲིལ་བསྒྲགས་གཏིང་ཟབ་བྱས་ཏེ། གཞི་རིམ་གྱི་འཐབ་ས་མདུན་མར་བརྟག་དཔྱད་ཞིབ་འཇུག་ལ་སྐྱོད་པ་དང་། སྒྲིག་བཤེར་ལྟ་ཞིབ་ལས་ཀའི་ཁྲོད་ཀྱི་ཞན་ཆ་དང་མི་འདང་ས་དང་མི་དམངས་མང་ཚོགས་ཀྱི་རེ་སྒུག་དང་རེ་འདོད་ཏན་ཏིག་བཙལ་ཏེ་ལག་བསྟར་བྱེད་པའི་དཀའ་གནད་དང་འགག་གནད་སེལ་དགོས། སྤྱི་ཁྱབ་ཧྲུའུ་ཅི་ཞི་ཅིན་ཕིང་དང་ཏང་ཀྲུང་དབྱང་གིས་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་ལས་དོན་ཐད་བཏོན་གནང་བའི་སྤྱིའི་བླང་བྱ་ཁོང་དུ་ཡང་དག་ཆུད་པར་བྱས་ཏེ། དོན་དངོས་དང་ཟུང་འབྲེལ་གྱིས་བསམ་གཞིག་ཇུས་འགོད་ནན་ཏན་བྱེད་པ་དང་། ནུས་ལྡན་དང་གོ་རིམ་ལྡན་པ་དང་རྒྱུན་སྲིང་ལྷོད་མེད་ངང་སྤྱོད་བཟང་སྒྲིག་ནན་དང་རུལ་སུངས་ལ་ངོ་རྒོལ་གཏིང་ཟབ་བྱས་ཏེ་སྒྲིག་བཤེར་ལྟ་ཞིབ་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་བརྟེན་ནས་ཀྲུང་གོའི་ལུགས་ཀྱི་དེང་རབས་ཅན་གྱི་བོད་ཀྱི་ལེའུ་རྩོམ་པར་སྐུལ་མ་གཏོང་ཆེད་འགན་ལེན་བརྟན་པོ་བྱེད་དགོས།