སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ནས་གཞུང་དོན་ཁོངས་གཏོགས་ཀྱི་ལས་དོན་གྱི་ཆུ་ཚད་ཟམ་མི་ཆད་པར་མཐོ་རུ་བཏང་སྟེ་བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཆེད་ལེགས་སྐྱེས་དེ་བས་ཆེ་བ་འབུལ་དགོས་པའི་ནན་བཤད་གནང་བ།

ཟླ་12ཚེས་2ཉིན་གྱི་སྔ་དྲོར། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་རང་སྐྱོང་ལྗོངས་ཏང་ཨུད་གཞུང་དོན་ཐིང་ཁོངས་གཏོགས་སུ་བརྟག་ཞིབ་གནང་ཞིང་། འདི་ནི་བཞུགས་མོལ་ཚོགས་འདུ་འཚོག་བཞིན་པ།

ཟླ་12ཚེས་2ཉིན་གྱི་སྔ་དྲོར། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་རང་སྐྱོང་ལྗོངས་ཏང་ཨུད་གཞུང་དོན་ཐིང་ཁོངས་གཏོགས་སུ་བརྟག་ཞིབ་གནང་ཞིང་། འདི་ནི་ཝང་ཅུན་ཀྲེང་གིས་རང་སྐྱོང་ལྗོངས་ཏང་ཨུད་གཞུང་དོན་ཐིང་ཁྲིམས་སྲོལ་ཁྲུའུ་རུ་ལས་དོན་མི་སྣ་དང་བྱམས་བརྩེའི་ངང་སྤེལ་རེས་གནང་བཞིན་པ།

ཚེས་2ཉིན་གྱི་སྔ་དྲོར། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་རང་སྐྱོང་ལྗོངས་ཏང་ཨུད་གཞུང་དོན་ཐིང་ཁོངས་གཏོགས་སུ་བརྟག་ཞིབ་གནང་ཞིང་། ཁོང་གིས་གཞུང་དོན་ཐིང་ལས་དོན་གྱི“མཐའ་འཁྱོངས་ལྔའི”སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱེད་པ་དང་། རང་སྐྱོང་ལྗོངས་ཏང་ཨུད་ཀྱི་ལས་དོན་བླང་བྱ་གཞིར་བཟུང་གཞུང་དོན་ཐིང་ཁོངས་གཏོགས་ཀྱི་ལས་དོན་གྱི་ཆུ་ཚད་ཟམ་མི་ཆད་པར་མཐོ་རུ་གཏོང་བ། ཡང་འབད་བསྐྱར་འབད་དང་ལས་དོན་ཧུར་ཐག་སྒྲུབ་པ་བཅས་བྱས་ཏེ། ཏང་ཐུགས་བློ་བདེ་བ་དང་མི་དམངས་བློ་ཡིད་ཚིམ་པའི་དཔེ་བཟང་ལས་ཁུངས་སྐྲུན་གང་ཐུབ་བྱས་ནས་བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཆེད་ལེགས་སྐྱེས་དེ་བས་ཆེ་བ་འབུལ་དགོས་པའི་ནན་བཤད་གནང་བ་རེད།

ཝང་ཅུན་ཀྲེང་བོད་རང་སྐྱོང་ལྗོངས་ཡིག་ཚགས་ཁང་དུ་ཕེབས་ནས་བོད་ས་གནས་དང་མེས་རྒྱལ་དབར་གྱི་འབྲེལ་བའི་ལོ་རྒྱུས་ཡིག་ཚཌ་ཀྱི་ཚད་ལྡན་ཡིག་ཆ་འགྲེམས་སྟོན་ལ་གཟིགས་པ་དང་ཡིག་ཚགས་ཉམས་གསོ་ཁང་དུ་ཕེབས་ཏེ། རྩ་ཆེའི་ལོ་རྒྱུས་དཔྱད་གཞིའི་ཡིག་རིགས་རེ་རེའི་མདུན་དུ་ཕེབས་མཚམས་བཞག་ནས་བཀའ་འདྲི་ཞིབ་ཕྲ་གནང་བ་མ་ཟད། ཉར་ཚགས་ཀྱི་ཐོན་ཁུངས་དང་། ཡིག་ཚགས་འཚོལ་བསྡུ་ལེགས་སྒྲིག ཡིག་ཚགས་ཉར་ཚགས་སྲུང་སྐྱོང་། གསར་སྤེལ་བེད་སྤྱོད་སོགས་ཀྱི་ལས་དོན་ལའང་མཁྱེན་རྟོགས་ཞིབ་ཕྲ་གནང་བ་རེད། ཁོང་གིས་ཡིག་ཚགས་ལས་དོན་ལ་ཚད་མཐོའི་མཐོང་ཆེན་བྱས་ཏེ་ཕྱོགས་ཡོངས་ནས་ཡིག་ཚགས་བསྡུ་རུབ་དོ་དམ་ཡག་པོ་བྱེད་པ་དང་། ཡིག་ཚགས་ལེགས་སྒྲིག་དང་ཞིབ་འཇུག་ལས་དོན་གཏིང་ཟབ་སྤེལ་བ། ཉར་ཚགས་ཐོན་ཁུངས་སྲུང་སྐྱོང་ལ་ཤུགས་སྣོན་རྒྱག་པ། ཡིག་ཚགས་ཉམས་གསོའི་ལས་དོན་ཏན་ཏིག་སྒྲུབ་པ། རིག་དངོས་ཞིབ་འཇུག་དང་འཆད་འགྲེལ་བྱེད་ཤུགས་ཆེ་རུ་གཏོང་བ་བཅས་བྱས་ནས་ལོ་རྒྱུས་ཉར་ཚགས་དང་། སྲིད་དོན་སྐྱོང་རོགས། མི་སྣ་གསོ་སྐྱོང་བཅས་ཀྱི་ཡིག་ཚགས་ལས་དོན་གྱི་ནུས་པ་དེ་བས་ལེགས་པའི་སྒོ་ནས་འདོན་སྤེལ་བྱེད་དགོས་པའི་ནན་བཤད་གནང་བ་རེད། བོད་ཀྱི་གསར་བརྗེ་དང་། འཛུཌ་སྐྲུན། སྒྱུར་བཅོས་བཅས་ཀྱི་དྲན་གསོ་ཁང་དུ། ཝང་ཅུན་ཀྲེང་གིས་འགྲེམས་པང་ལ་གཟིགས་ཞོར་དུ་ངོ་སྤྲོད་གསན་ནས་རྣམ་གྲངས་འཛུགས་སྐྲུན་གྱི་འཕེལ་རིམ་དང་འགྲེམས་སྟོན་གྲ་སྒྲིག་གི་གནས་ཚུལ་མཁྱེན་རྟོགས་ཞིབ་ཕྲ་གནང་བ་རེད། ཁོང་གིས་རྣམ་གྲངས་འཛུགས་སྐྲུན་གྱི་འཕེལ་རིམ་མགྱོགས་སུ་བཏང་སྟེ་སྤུས་འབོར་གཉིས་ལྡན་གྱི་སྒོ་ནས་དུས་བཀག་ལྟར་འཛུགས་སྐྲུན་ལེགས་གྲུབ་དང་བེད་སྤྱོད་ཐུབ་པར་བྱེད་དགོས། 

བརྗོད་དོན་གཙོ་བོ་དང་གཙོ་རྐང་ལ་དམིགས་པ་དང་འགྲེམས་སྟོན་བྱེད་སྟངས་གསར་གཏོད་བྱས་ཏེ་ཆབ་སྲིད་ཀྱི་རང་བཞིན་དང་། བསམ་བློའི་རང་བཞིན། སྒྱུ་རྩལ་གྱི་རང་བཞིན་བཅས་གཅིག་གྱུར་ཡོང་བ་མཐའ་འཁྱོངས་ཀྱིས་བོད་ཞི་བས་བཅིངས་འགྲོལ་དང་། དམངས་གཙོའི་བཅོས་སྒྱུར། སྤྱི་ཚོགས་རིང་ལུགས་འཛུགས་སྐྲུན། སྒྱུར་བཅོས་སྒོ་དབྱེ། དེ་བཞིན་དུས་རབས་གསར་པ་ཚུན་གྱི་ལོ་རྒྱུས་དུས་མཚམས་ཁག་བཅས་ཀྱི་བརྗིད་ཆེའི་ལོ་རྒྱུས་ལམ་བུ་ཕྱོགས་ཡོངས་ནས་མངོན་པར་བྱེད་དགོས་པའི་ནན་བཤད་གནང་བ་རེད།

ཝང་ཅུན་ཀྲེང་རང་སྐྱོང་ལྗོངས་ཏང་ཨུད་གཞུང་དོན་ཐིང་གི་ཁྲིམས་སྲོལ་ཁྲུའུ་དང་། ཕྱོགས་བསྡུས་ཁྲུའུ། ལྟ་བཤེར་ཁང་སོགས་འབྲེལ་ཡོད་ཁྲུའུ་དང་ཁང་དུ་ཕེབས་ཏེ་ལས་དོན་པ་དང་བྱམས་བརྩེའི་སྤེལ་རེས་གནང་ནས། ཚང་མར་ཕྱོགས་བསྡུས་བྱང་ཚད་རྒྱུན་ཆད་མེད་པར་མཐོ་རུ་བཏང་སྟེ་སྤྱོད་ཡོན་གཉིས་ལྡན་གྱི་ལས་བྱེད་པར་དངོས་སུ་འཚར་ལོངས་ཡོང་བར་བྱས་ནས། ལས་དོན་ཁག་དོན་ཐོག་ཏུ་འཁྱོལ་བར་སྐུལ་འདེད་ཧུར་ཐག་གཏོང་དགོས་པའི་སྐུལ་ལྕག་གནང་བ་རེད།

ཝང་ཅུན་ཀྲེང་གིས་ནན་བཤད་གནང་དོན། ཏང་ཨུད་གཞུང་དོན་ཐིང་ནི་ཏང་ཨུད་ཀྱིས་འགོ་ཁྲིད་ཀྱི་འགན་འཁྲི་སྒྲུབ་པའི་ཇུས་འདོན་ལས་རོགས་ལྟ་བུ་ཡིན་པས། དུས་རབས་གསར་པའི་གཞུང་དོན་ཐིང་གི་ལས་དོན་ཡག་པོ་སྒྲུབ་པའི་འགན་འཁྲི་ལྕི་ལ་ལས་འགན་གཟི་བརྗིད་ལྡན་པ་ཞིག་ཡོད། རང་སྐྱོང་ལྗོངས་ཏང་ཨུད་གཞུང་དོན་ཐིང་ཁོངས་གཏོགས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པས་བསམ་བློར་དྲག་ཆས་སྤྲོས་པ་དང་། ལག་ལེན་ལ་མཛུབ་ཁྲིད་བྱེད་པ། ལས་དོན་ལ་སྐུལ་འདེད་གཏོང་བ་བཅས་མཐའ་འཁྱོངས་ཀྱིས་ཆབ་སྲིད་ཐད་རིག་པ་དྭངས་གསལ་དང་བློ་རྩ་བརྟན་པོ་ཐོག་མཐའ་བར་གསུམ་དུ་རྒྱུན་འཁྱོངས་བྱས་ནས་ཆབ་སྲིད་ཐད་ཀྱི་དོན་རྟོགས་པ་ཞིག་ཧུར་ཐག་བྱེད་དགོས། “གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ཁོང་དུ་གཏིང་ཟབ་ཆུད་པ་དང་། སྣེ་འཁྲིད་དེ“སྲུང་སྐྱོང་གཉིས”ཐུབ་པ། ཏང་གི་གསར་གཏོད་རིགས་པའི་གཞུང་ལུགས་སློབ་སྦྱོང་གཏིང་ཟབ་དང་ཁོང་དུ་ཆུད་པ། བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ཕྱོགས་ཡོངས་དང་གོ་རིམ་ལྡན་པ་དང་གོ་དོན་མཐིལ་རྟོགས་བྱེད་པ། དུས་རབས་གསར་པའི་ཏང་གི་བོད་སྐྱོང་མཛད་ཇུས་ཆ་ཚང་བ་དང་། གནད་ལ་འཁེལ་བ། ཕྱོགས་ཡོངས་བཅས་ཀྱི་སྒོ་ནས་ལག་བསྟར་དོན་འཁྱོལ་བྱེད་པ། དེའི་ནང་འདུས་པའི་ཚན་རིག་དང་མཐུན་པའི་འཇིག་རྟེན་ལྟ་བ་དང་བརྟག་ཐབས་སྨྲ་བ་ཁོང་དུ་བརྟན་པོར་ཆུད་པ། སྦྱངས་པ་གོ་ཆོད་དང་ཤེས་སྤྱོར་གཅིག་མཐུན་མཐའ་འཁྱོངས་བྱེད་པ། བསམ་བློ་དང་། ཆབ་སྲིད། བྱ་སྤྱོད་བཅས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་དང་ཚད་མཐོའི་གཅིག་གྱུར་ཡོང་བར་བྱེད་དགོས།

ཝང་ཅུན་ཀྲེང་གིས་ནན་བཤད་གནང་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བཏོན་གནང་བའི“དད་སེམས་བརྟན་པོ་དང་། དམངས་ལ་ཞབས་ཞུ། སྲིད་བརྩོན་དངོས་སྒྲུབ། འགན་འཁྲི་འཁུར་ཕོད་པ། སྤྱོད་གཙང་གཞུང་དྲང”བཅས་ཀྱི་དུས་རབས་གསར་པའི་ལས་བྱེད་པ་བཟང་པོའི་ཚད་གཞི་ལག་ལེན་མཐའ་གཅིག་ཏུ་བསྟར་དགོས། མི་བཀོལ་སྤྱོད་བྱེད་པའི་སྟོན་ཕྱོགས་ཡང་དག་བརྟན་པོར་འཛུགས་པ་དང་། འཇོན་ཐང་ལ་གཞིགས་ནས་ལས་བྱེད་པ་བཀོལ་སྤྱོད་དང་ལས་རྗེས་ལ་གཞིགས་ནས་གདེང་འཇོག་བྱེད་རྒྱུ་མཐའ་འཁྱོངས་བྱེད་པ། ལས་བྱེད་པ་གསོ་སྐྱོང་ལ་ཚད་མཐོའི་མཐོང་ཆེན་བྱེད་པ། བློ་ཁོག་ཆེན་པོས་ཕུལ་བྱུང་ལས་བྱེད་པ་གནས་སྤོར་བཀོལ་སྤྱོད་བཅས་བྱས་ནས། ལས་བྱེད་པས་ལས་སྒྲུབ་ལས་གཏོད་ལ་ཆ་རྐྱེན་བཟང་པོ་སྐྲུན་གང་ཐུབ་བྱས་ཏེ་མི་ནུས་གང་ཡོད་འདོན་པ་དང་ཡོན་ཏན་ཇི་ཡོད་དངོས་འབྲེལ་འདོན་ཐུབ་པར་བྱེད་དགོས། རྒྱ་ཆེའི་ཏང་ཡོན་དང་ལས་བྱེད་པས་ཆབ་སྲིད་ཀྱི་སྒྲིག་ཁྲིམས་དང་ཆབ་སྲིད་ཀྱི་སྒྲིག་ལམ་ནན་པོ་སྲུང་བ་དང་། ཐོག་མཐའ་བར་གསུམ་དུ་གཞུང་ཞེན་རྣམ་དག་བྱེད་པ། མི་དམངས་ཀྱི་སྤྱི་ཞབས་པའི་རང་བཞིན་ནམ་ཡང་རྒྱུན་འཁྱོངས་བྱེད་པ། ནང་རྐྱེན་དང་ཕྱི་རྐྱེན་གཉིས་ཀྱི་རྩོད་སྒྲུབ་གཅིག་གྱུར་ཡོང་བ་རྒྱུན་འཁྱོངས་བྱེད་པ། ཆེད་ལས་ཀྱི་ཤེས་རྒྱ་ཆེ་རུ་གཏོང་བ། ལག་ལེན་དངོས་ཀྱི་སྦྱོང་བརྡར་བྱེད་ཤུགས་ཆེ་རུ་གཏོང་བ། རང་གི་འཇོན་ནུས་ཆེ་རུ་དང་ནང་དོན་ཕུན་སུམ་ཚོགས་སུ་གཏོང་བ། ལས་དོན་གྱི་ཆུ་ཚད་ཟམ་མི་ཆད་པར་མཐོ་རུ་གཏོང་བ། ཕྱི་རྐྱེན་དང་ཕྱི་རོལ་གྱི་སྒུལ་ཤུགས་ལ་བརྟེན་མཁས་པོ་བྱེད་པ། རང་ངོས་ཀྱི་ལེགས་ཆ་འདོན་གང་ཐུབ་བྱེད་པ། རང་ངོས་ཀྱི་ཤེས་ཡོན་གང་ལེགས་འདོན་པ་བཅས་བྱས་ཏེ་དམ་པ་དོན་གཉེར་གྱི་ཁྲོད་དུ་བྱས་རྗེས་གསར་པ་འཇོག་དགོས། ལས་དོན་གྱི་འགན་འཁྲི་དོན་འཁྱོལ་ཏན་ཏིག་བྱེད་པ་དང་། སྤྱི་འདོམས་མཐུན་སྦྱོར་ལ་ཤུགས་སྣོན་རྒྱག་པ། ལས་ཀའི་ལམ་ལུགས་འཐུས་སྒོ་ཚང་དུ་གཏོང་བ། ལས་ཀའི་ལམ་སྲོལ་ལེགས་སུ་གཏོང་བ་བཅས་བྱས་ཏེ། དགེ་མཚན་ལྡན་པའི་རྒྱུ་རྐྱེན་མཐའ་དག་སྐུལ་སློང་བྱས་ནས་སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་འཛུགས་སྐྲུན་བྱེད་པའི་མཉམ་ཤུགས་ཆེན་པོ་ཞིག་ཆགས་པར་བྱེད་དགོས།

རང་སྐྱོང་ལྗོངས་ཀྱི་འགོ་ཁྲིད་ལིའུ་ཅང་དང་ཀུང་ཧུའེ་ཚའེ་འབྲེལ་ཡོད་བྱེད་སྒོར་ཞུགས་པ་རེད།