ཚེས་5ཉིན། རང་སྐྱོང་ལྗོངས་ཏང་ཨུད་རྩ་འཛུགས་པུས་2024ལོའི་ལྗོངས་ཡོངས་ཀྱི་རྩ་འཛུགས་ལས་དོན་གྱི་བརྟག་ཞིབ་ཞིབ་འཇུག་བྱ་གཞི་གཙོ་བོའི་གྲུབ་འབྲས་སྙན་སེང་ཚོགས་འདུ་འཚོགས་ནས་ཞིབ་འཇུག་བྱ་གཞིའི་བརྟག་ཞིབ་གནས་ཚུལ་ཕྱོགས་ཡོངས་ནས་ཤེས་རྟོགས་བྱས་ཏེ་རྩ་འཛུགས་ཀྱི་སྒྲིག་ཁོངས་ལས་དོན་ཁྲོད་ལྷག་པའི་གནད་དོན་དང་ཁ་གཏད་གཅོག་ཐབས་ཀྱི་གྲོས་འགོར་བློ་བསྡུས་དགེ་འཚོལ་གྱིས་ཞིབ་འཇུག་བྱས་པ་དང་བརྟག་ཞིབ་གྲུབ་འབྲས་དེ་ལས་དོན་ལེགས་སུ་གཏོང་བའི་བསམ་ཕྱོགས་བྱ་ཐབས་དང་དངོས་སྒྲུབ་བྱེད་ཐབས་སུ་བསྒྱུར་རྒྱུར་སྐུལ་འདེད་བཏང་བ་རེད། ལྗོངས་ཏང་ཨུད་ཀྱི་རྒྱུན་ཨུ་དང་རྩ་འཛུགས་པུའུ་ཡི་པུའུ་ཀྲང་ལའེ་ཅའོ་ཚོགས་འདུར་ཕེབས་ནས་གསུང་བཤད་གནང་བ་དང་། ལྗོངས་ཐད་གཏོགས་ལས་ཁུངས་ལས་དོན་ཨུ་ལྷན་གྱི་འབྲེལ་ཡོད་འགན་འཁུར་བློ་མཐུན་ཚོགས་འདུར་ཕེབས་ནས་མཛུབ་ཁྲིད་གནང་བ་རེད།

ལའེ་ཅའོ་ཡིས་རྩ་འཛུགས་སྡེ་ཚན་གྱིས“དོན་ཆེན་བཞིར”དམིགས་ནས“འཛུགས་གཏོད་བཞིར”ཤུགས་སྣོན་བརྒྱབ་སྟེ“ངེས་གནས་དང་། གནས་བབ། ནུས་པ”བཅས་ཀྱི་གཏན་ཚིགས་ཀྱི་འབྲེལ་བར་གོ་བ་གཏིང་ཟབ་ལེན་པ་དང་། “ཚད་འཛུགས་དང་། དཔེ་བསྡུར། ཚད་ལོན”བཅས་ཀྱི་ལས་ཀའི་བྱེད་ཐབས་ཡག་པོ་སྤྱོད་པ། “སྤྱི་ཁོག་དང་། དབུ་མ། ཕྲ་མཐོང”བཅས་ཀྱི་རིམ་པ་མི་འདྲ་བར་དམིགས་པ། “གནད་དོན་དང་། གྲུབ་ཆ། ཁ་གཏད་གཅོག་ཐབས”བཅས་ཀྱི་བརྒྱུད་རིམ་ལྡན་པའི་བསམ་གཞིགས་མཐའ་འཁྱོངས་བྱེད་པ།“གཞི་རིམ་དུ་སྐྱོད་པ་བཞིའི”སྲོལ་རྒྱུན་བཟང་པོ་དར་སྤེལ་གཏོང་བ། བརྟག་དཔྱད་ཞིབ་འཇུག་གི་སྤྱོད་ཚུལ་དར་སྤེལ་ཤུགས་ཆེན་གཏོང་བ། གོང་གི་གནས་ཚུལ་ཁོང་དུ་ཆུད་པ་དང་། འོག་གི་གནས་ཚུལ་སྟངས་འཛིན་བྱེད་པ། ཕྱི་ཡི་གནས་ཚུལ་དཔྱད་གཞིར་འཛིན་པ་བཅས་བྱས་ཏེ། བློ་བསྡུས་དགེ་འཚོལ་དང་ཞིབ་འཇུག་གང་ལེགས་བྱེད་པའི་རྨང་གཞིའི་ཐོག་གནད་དོན་ཐག་གཅོད་དང་ལས་དོན་ལ་སྐུལ་འདེད་གཏོང་བའི་ཁ་གཏད་གཅོག་ཐབས་ཀྱི་གྲོས་འགོ་དང་བྱ་ཐབས་འདོན་དགོས། བརྟག་ཞིབ་ཀྱི་གྲུབ་འབྲས་དེ་རིགས་པའི་གཞུང་ལུགས་ཀྱིས་དྲག་ཆས་སྤྲོས་པ་དང་། ལས་བྱེད་པ་དང་། རྩ་འཛུགས། སྒྲིག་ཁོངས། བོད་སྐྱོར། ཤེས་ལྡན་མི་སྣ། ཏང་ཡོན་བཅས་དང་དེ་བཞིན་རང་ངོས་འཛུགས་སྐྱོང་ལ་མཉམ་དུ་སྐུལ་འདེད་གཏོང་བའི“1+6+1”གི་རྩ་འཛུགས་ལས་དོན་གྱི་རྣམ་པ་གཏོད་པའི་ཞིབ་ཕྲའི་ལག་ལེན་ནང་བེད་སྤྱོད་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་བོད་ཀྱི་ལེའུ་རྩོམ་རྒྱུར་སྲ་ཞིང་བརྟན་པའི་རྩ་འཛུགས་ཀྱི་འགན་ལེན་བྱེད་དགོས་པའི་ནན་བཤད་གནང་བ་རེད།