ཚེས་23ཉིན། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་སྲིད་ཁྲིམས་ཨུ་ལྷན་གྱི་ཧྲུའུ་ཅི་ལིའུ་ཅང་སེ་ར་དགོན་དང་ར་མོ་ཆེ་གཙུག་ལག་ཁང་དུ་ཕེབས་ནས་དགོན་སྡེ་དོ་དམ་ལ་ཤུགས་སྣོན་གསར་གཏོད་དང་། “འདུ་ཤེས་གསུམ”གྱི་སློབ་གསོ། བོད་བརྒྱུད་ནང་བསྟན་གྱི་དཔེ་ཆའི་དགེ་རྒན་གྱི་དཔུང་ཁག་འཛུགས་སྐྱོང་བཅས་ཀྱི་གནས་ཚུལ་ལ་བརྟག་ཞིབ་གནང་བ་རེད།

ལིའུ་ཅང་བོད་བརྒྱུད་ནང་བསྟན་སློབ་གླིང་གི་སེ་ར་དགོན་ཡན་ལག་སློབ་གླིང་གི་སློབ་ཁང་དང་དཔེ་ཁང་སོགས་སུ་ཕེབས་ནས་སློབ་གསོ་སློབ་ཁྲིད་དང་དགེ་འདུན་པའི་སློབ་སྦྱོང་དང་འཚོ་བའི་གནས་ཚུལ་མཁྱེན་རྟོགས་ཞིབ་ཕྲ་གནང་བ་མ་ཟད། དགེ་འདུན་པ་ཚོས་རྒྱལ་གཅེས་ཆོས་གཅེས་ཀྱི་གཟི་བརྗིད་སྲོལ་རྒྱུན་མུ་མཐུད་རྒྱུན་འཛིན་དར་སྤེལ་དང་། ཡིན་མིན་ཆེན་པོའི་གནད་དོན་མདུན་དུ་དར་ཆ་གསལ་སྟོན་གྱིས་བློ་བརྟན་འགྱུར་མེད་ངང་མེས་རྒྱལ་གཅིག་གྱུར་དང་། མི་རིགས་མཐུན་སྒྲིལ། སྤྱི་ཚོགས་བརྟན་ལྷིང་བཅས་སྲུང་སྐྱོང་བྱེད་དགོས་པའི་ཐུགས་རེའང་གནང་བ་རེད།

སེ་ར་དགོན་དང་ར་མོ་ཆེ་གཙུག་ལག་ཁང་དུ་བཅའ་སྡོད་ལས་བྱེད་པ་དང་དགེ་འདུན་པའི་འཐུས་མི་དང་བཞུགས་མོལ་ཚོགས་འདུ་ཚོགས་སྐབས། ལིའུ་ཅང་གིས་བསམ་བློ་ཆབ་སྲིད་ཀྱིས་ཡང་དག་པའི་ཁ་ཕྱོགས་ལ་སྣེ་འཁྲིད་རྒྱུ་མཐའ་འཁྱོངས་བྱས་ནས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་དང་ཏང་གི་ཚོགས་ཆེན་ཉི་ཤུ་པ་དང་། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ནས“གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་གཏིང་ཟབ་ལེན་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཆོས་ལུགས་ལས་དོན་སྐོར་ལ་གནང་བའི་རྣམ་བཤད་གལ་ཆེན་ལ་སློབ་སྦྱོང་དང་གོ་བ་མཐར་ཕྱིན་ལེན་པ། “མོས་སེམས་ལྔ”ཟམ་མི་ཆད་པར་ཟབ་ཏུ་གཏོང་བ་བཅས་བྱས་ཏེ་བློ་བརྟན་འགྱུར་མེད་ངང་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་དྲན་པ། ཏང་གི་རྗེས་སུ་འབྲང་བ་བཅས་བྱེད་དགོས་པ་དང་། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་བཙུགས་ནས། ཆོས་ལུགས་བྱེད་སྒོ་སྤེལ་ཡུལ་དུ་མི་རིགས་མཐུན་སྒྲིལ་ཡར་ཐོན་འཛུགས་གཏོད་ཀྱི་བྱ་བ་སྤེལ་རྒྱུར་སྐུལ་འདེད་གཏིང་ཟབ་གཏོང་བ་དང་། རྒྱལ་ཁབ་ཀྱི་སྤྱི་སྤྱོད་སྐད་ཡིག་སློབ་སྦྱོང་དང་ཁྱབ་གདལ་ཤུགས་ཆེན་གཏོང་བ། རང་རྟོགས་ངང་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་དང་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་འདུལ་ཁྲིམས་བསྟན་དོན་གྱི་འཆད་འགྲེལ་ནང་ཁྱབ་པ་བཅས་བྱས་ནས། བོད་བརྒྱུད་ནང་བསྟན་ཀྲུང་གོ་ཅན་དུ་གཏིང་ཟབ་དང་ཏན་ཏིག་འགྱུར་བར་སྐུལ་འདེད་ཟམ་མི་ཆད་པར་གཏོང་དགོས་པ་དང་། “འདུ་ཤེས་གསུམ”གྱི་སློབ་གསོའི་གྲུབ་འབྲས་སྲ་བརྟན་དང་གཏིང་ཟབ་ཏུ་བཏང་ནས་གྲྭ་བཙུན་གྱིས་སྒྲིག་འཁུར་ཁྲིམས་སྲུང་དང་། འདུལ་ཁྲིམས་སྲུང་བ། དད་སྦྱོང་ཡང་དག་བཅས་ཡོང་བར་སྣེ་ཁྲིད་ཀྱིས་ཆོས་ལུགས་ལས་རྒྱལ་ཁབ་གཙོ་ཆེ་བ་དང་། འདུལ་ཁྲིམས་ལས་རྒྱལ་ཁྲིམས་གཙོ་ཆེ་བ། ཆོས་པ་དང་ཐོག་སྤྱི་དམངས་ཡིན་པ་བཅས་ཀྱི་ཡོངས་ཁྱབ་ཀྱི་ངོས་འཛིན་ཟབ་ཏུ་བཏང་ནས་བོད་བརྒྱུད་ནང་བསྟན་སྐྱོན་བྲལ་དང་གོ་རིམ་ལྡན་པའི་ངང་འཕེལ་རྒྱས་ཡོང་བར་སྐུལ་འདེད་གཏོང་དགོས། དཔེ་ཆའི་དགེ་རྒན་གྱི་དཔུང་ཁག་ཁྲིམས་བཞིན་འཛུགས་སྐྱོང་ཚད་ལྡན་དུ་བཏང་ནས་ཆབ་སྲིད་ཐད་བློས་འཁེལ་བ་དང་། ཆོས་ལུགས་ཐད་ཐོས་བསམ་ཟབ་པ། སྤྱོད་ལམ་ཐད་དམངས་མགུ་བ། འགག་རྩའི་དུས་སུ་ནུས་པ་ཐོན་པ་བཅས་ཚད་གཞིར་བྱས་ཏེ། རྒྱལ་གཅེས་ཆོས་གཅེས་ཀྱི་ཆོས་ལུགས་ལས་དོན་པའི་དཔུང་ཁག་ཚད་ལྡན་ཞིག་གསོ་སྐྱོང་ཧུར་ཐག་བྱེད་དགོས་པའི་ནན་བཤད་གནང་བ་རེད།

ལིའུ་ཅང་གིས། དགོན་པར་བཅའ་སྡོད་རྒྱ་ཆེའི་ལས་བྱེད་པས་ཆབ་སྲིད་ཀྱི་འཇོན་ཐང་སྔར་བས་ཆེ་རུ་བཏང་སྟེ། རྩ་དོན་མཐའ་འཁྱོངས་དང་། འཐབ་རྩོད་བྱེད་ཕོད་པ། འགན་འཁྲི་འཁུར་ཕོད་པ། བྱས་རྗེས་འཇོག་པ། ཁྲིམས་སྐྱོང་གི་བསམ་བློ་དང་ཁྲིམས་སྐྱོང་གི་བྱེད་སྟངས་སྤྱོད་མཁས་པོའི་སྒོ་ནས་ཆོས་ལུགས་ཀྱི་ལས་དོན་བསྒྲུབས་ཏེ་དགོན་སྡེ་དོ་དམ་གྱི་ལས་དོན་ཚན་རིག་ཅན་དང་ཚད་ལྡན་ཅན་དུ་འགྱུར་བའི་ཆུ་ཚད་ཟམ་མི་ཆད་པར་མཐོ་རུ་གཏོང་དགོས་པ་དང་། “ཞི་མཐུན”གྱི་ཆོས་ཉིད་དང“ཁྲིད་སྟོན”གྱི་འདུ་ཤེས་སྟངས་འཛིན་བྱས་ནས་ལྷག་བསམ་ཟོལ་མེད་ངང་གྲྭ་བཙུན་དང་གྲོགས་པོ་འགྲིག་པ་དང་གྲོགས་པོ་བློས་ཐུབ་འགྲིག་སྟེ་དོན་དངོས་ཀྱི་དཀའ་ངལ་ཧུར་ཐག་སེལ་རོགས་བྱས་ནས། ཆོས་ལུགས་ཁྱབ་ཁོངས་ཀྱི་ཞི་མཐུན་བརྟན་ལྷིང་གི་རྣམ་པ་བཟང་པོ་སྲུང་སྐྱོང་བྱེད་དགོས་པའི་བླང་བྱ་བཏོན་གནང་བ་རེད།