ལྗོངས་ཏང་ཨུད་རྩ་འཛུགས་པུས་རྒྱལ་ཡོངས་ཀྱི་ལས་བྱེད་པའི་ལྟ་སྐུལ་ལས་དོན་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ།
ཉེ་ཆར། ལྗོངས་ཏང་ཨུད་རྩ་འཛུགས་པུས་ཚོགས་འདུ་འཚོགས་ནས་རྒྱལ་ཡོངས་ཀྱི་ལས་བྱེད་པའི་ལྟ་སྐུལ་ལས་དོན་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་མ་ཟད། ལག་བསྟར་དོན་འཁྱོལ་གྱི་ཞིབ་ཕྲའི་བྱ་ཐབས་ལ་ཞིབ་འཇུག་ཀྱང་བྱས་པ་རེད། ལྗོངས་ཏང་ཨུད་ཀྱི་རྒྱུན་ཨུ་དང་རྩ་འཛུགས་པུའི་པུའུ་ཀྲང་ལའེ་ཅའོ་ཡིས་ཚོགས་འདུ་གཙོ་སྐྱོང་གནང་བ་དང་འབྲེལ་གསུང་བཤད་ཀྱང་གནང་བ་རེད།
ལའེ་ཅའོ་ཡིས་ནན་བཤད་གནང་དོན། ཆབ་སྲིད་ལྟ་སྐུལ་གྱི་འགག་སྒོ་དང་པོ་ཡག་པོ་བསྲུངས་ནས་ཆབ་སྲིད་ཀྱི་ལྷག་བསམ་རྣམ་དག་བརྟན་པོར་འཛུགས་པ་དང་། ཆབ་སྲིད་ཀྱི་འགག་སྒོ་ནན་པོ་སྲུང་བར་ཤུགས་སྣོན་རྒྱག་པ། ཆབ་སྲིད་ཀྱི་ཉེན་ཁ་སྔོན་འགོག་བཅས་ཀྱི་ཐད་སྟོབས་ཤུགས་གཅིག་ཏུ་སྒྲིལ་བ་དང་དེར་ཤུགས་སྣོན་བརྒྱབ་ནས་ལས་བྱེད་པའི་ཆབ་སྲིད་ཀྱི་བྱང་ཚད་ལ་རྟོག་ཞིབ་གཏིང་ཟབ་བྱས་ཏེ། རྒྱ་ཆེའི་ལས་བྱེད་པ་ཚོས་བློ་བརྟན་འགྱུར་མེད་ངང“གཏན་འཁེལ་གཉིས”ལ་བརྩི་བཀུར་ཞུ་བ་དང་“སྲུང་སྐྱོང་གཉིས”མཐའ་གཅིག་ཏུ་ཐུབ་པར་སྐུལ་འདེད་གཏོང་དགོས། འགན་འཁུར་ཕོད་པ་དེ་ལྟ་སྐུལ་ལ་བརྩི་རྒྱུར་ཤུགས་སྣོན་བརྒྱབ་ནས། “དགོས་པའི་ལས་མི་བྱེད་པ་དང་། མི་དགོས་ལས་རྙོག་བཟོ་བ། བྱ་བ་སྒྲུབ་མི་ཕོད་པ། བྱ་བ་སྒྲུབ་མི་ཤེས་པ”བཅས་ཀྱི་གནད་དོན་ལ་དམ་པོར་དམིགས་ནས་ལམ་སྲོལ་འཛུགས་པ་དང་བྱེད་ཐབས་འཚོལ་ཞིབ་བྱས་ཏེ། ལས་སྒྲུབ་ལས་གཏོད་ཀྱི་གཟུངས་མདངས་ཉམས་གསུམ་འཕེལ་བར་བྱེད་དགོས། སྒྲིག་ཁྲིམས་དང་སྤྱོད་ཚུལ་ལ་ལྟ་སྐུལ་གཏིང་ཟབ་བྱས་ཏེ། ཏང་སྲིད་ཀྱི་ལས་འགན་གཙོ་བོ་འཁུར་མཁན་གྱིས་མི་རྒྱུ་དངོས་གསུམ་ལ་ཐད་ཀར་ལས་བགོས་འགན་གཉེར་མི་བྱེད་པ་སོགས་ཀྱི་ལས་ཀའི་གཏན་འབེབས་དོན་འཁྱོལ་ཡག་པོ་བྱས་ནས། རྒྱུན་གཏན་གྱི་གཏམ་སྤྱོད་ལ་དོ་དམ་ཡག་པོ་དང་འགག་རྩའི་མི་དང་བྱ་བར་དོ་དམ་ཡག་པོ་བྱེད་དགོས། མི་འདེམས་མི་སྤྱོད་ཀྱི་ལྟ་སྐུལ་ལ་དམ་འཛིན་ནན་པོ་བྱས་ཏེ། མི་འདེམས་མི་སྤྱོད་ཀྱི་ཆེད་དོན་ཞིབ་བཤེར་ཏན་ཏིག་བྱེད་པ་དང་། “སྙན་ཞུ་གཅིག་དང་དཔྱད་མོལ་གཉིས”སོགས་ཀྱི་ལས་དོན་ཡག་པོ་བསྒྲུབས་ནས་སྒྲིག་འགལ་ཁྲིམས་འགལ་གྱི་མི་སྤྱོད་གནད་དོན་ཞིབ་བཤེར་ཐག་གཅོད་དང་འགན་འཁྲི་བདའ་འདེད་གཏོང་ཤུགས་ཆེ་རུ་གཏོང་དགོས། སྐོར་གཟིགས་སྐོར་ཞིབ་དག་ཐེར་ལ་ལྟ་སྐུལ་བྱེད་ཤུགས་ཆེ་རུ་བཏང་སྟེ་རྩ་འཛུགས་སྡེ་ཚན་ནང་ཁུལ་དུ་དག་ཐེར་ལ་དམ་འཛིན་བྱེད་པའི་ལམ་ལུགས་དང་ལམ་སྲོལ་འཐུས་སྒོ་ཚང་དུ་གཏོང་དགོས། ལྟ་སྐུལ་སྟོབས་ཤུགས་མཐུན་སྦྱོར་མཉམ་འགུལ་ལ་དམ་འཛིན་ཡག་པོ་བྱས་ཏེ། ཐོན་ཁུངས་བསྡུ་སྒྲིལ་དང་སྟོབས་ཤུགས་གཅིག་སྒྲིལ་གྱིས་སྤུས་ཚད་མཐོ་བའི་ལས་བྱེད་པའི་ལྟ་སྐུལ་ལ་བརྟེན་ནས་བྱང་ཚད་མཐོ་བའི་ལས་བྱེད་པའི་དཔུང་ཁག་འཛུགས་སྐྱོང་ལ་སྐུལ་འདེད་བཏང་སྟེ། ཀྲུང་གོའི་ལུགས་ཀྱི་དེང་རབས་ཅན་གྱི་བོད་ཀྱི་ལེའུ་རྩོམ་ཆེད་ལེགས་སྐྱེས་གསར་པ་དེ་བས་ཆེ་བ་འབུལ་དགོས།