ལྗོངས་ཏང་ཨུད་རྩ་འཛུགས་པུའུ་དང་ལས་བྱེད་པ་རྒན་གྲས་ཅུས་ཀྱིས།
“ང་དང་ངའི་མེས་རྒྱལ”ཞེས་པའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་75འཁོར་བར་རྟེན་འབྲེལ་ཞུ་བའི་བྱེད་སྒོ་སྤེལ་བ།
ཉེ་ཆར། ལྗོངས་ཏང་ཨུད་རྩ་འཛུགས་པུའུ་དང་ལས་བྱེད་པ་རྒན་གྲས་ཅུས་ཀྱིས“ང་དང་ངའི་མེས་རྒྱལ”ཞེས་པའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་75འཁོར་བར་རྟེན་འབྲེལ་ཞུ་བའི་བྱེད་སྒོ་སྤེལ་བ་རེད། ལས་བྱེད་ལས་བཟོ་ཡོངས་ཀྱིས་སྐད་གསང་མཐོན་པོས་གླུ་གཞས་གཏོང་བ་དང་ལྷག་བསམ་ཟོལ་མེད་ཀྱི་བརྩེ་སེམས་བཅངས་ནས། རླབས་ཆེན་མེས་རྒྱལ་སྟོབས་འབྱོར་མངའ་ཐང་རྒྱས་པ་དང་མི་རིགས་ཁག་གི་མི་དམངས་བདེ་སྐྱིད་ཁམས་བཟང་ཡོང་བའི་སྨོན་འདུན་ཞུས་པ་རེད། ལྗོངས་ཏང་ཨུད་ཀྱི་རྒྱུན་ཨུ་རྩ་འཛུགས་པུའི་པུའུ་ཀྲང་ལའེ་ཅའོ་བྱེད་སྒོར་ཞུགས་པ་རེད།
བྱེད་སྒོ་ཧྲིལ་པོའི་རྣམ་པ་འཁྲུག་ཆ་དོད་ལ་ངོ་མཚར་ཆེ་ཞིང་། བྱེད་སྒོར་ཞུགས་མཁན་རུ་མི་ཚོའི་གླུ་གཞས་དང་སྙན་ངག་གྱེར་འདོན་ལས། ཏང་དང་། མེས་རྒྱལ། མི་དམངས་བཅས་ལ་བཅངས་པའི་ལྷག་བསམ་ཟོལ་མེད་ཀྱི་བརྩེ་སེམས་མཚོན་པ་མ་ཟད། དད་སེམས་ཀྱི་སྙིང་སྟོབས་ཀྱང་འཕེལ་བར་བྱས་ཏེ་དུས་རབས་གསར་པའི་བོད་ཀྱི་རྩ་འཛུགས་ལས་དོན་གྱི་ལས་བྱེད་པའི་ལྷག་བསམ་དང་འགན་འཁྲི་མངོན་པར་བྱས་ཡོད།
ད་ཐེངས་ཀྱི་བྱེད་སྒོའི་དམིགས་ཡུལ་ནི་རིག་རྩལ་འཁྲབ་སྟོན་ལ་བརྟེན་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པའི་ཐད་བོད་ལ་ཐོབ་པའི་ཕན་འབྲས་མངོན་གསལ་དོད་པོ་མཚོན་པ་དང་། སྤྱི་ཚོགས་རིང་ལུགས་བོད་གསར་གྱི་དར་རྒྱས་གོང་འཕེལ་ལ་བསྟོད་གླུ་འབུལ་བ། རྒྱ་ཆེའི་རྩ་འཛུགས་ལས་དོན་གྱི་ལས་བྱེད་པས་དུས་རབས་ཀྱི་ཉམས་འགྱུར་དང་མཐུན་སྒྲིལ་མཉམ་ལས་ལ་ཤུཌ་སྣོན་རྒྱག་པར་ལྕག་སྐུལ་བཅས་བྱས་ཏེ་རང་སྐྱོང་ལྗོངས་ཏང་ཨུད་ཀྱི་འགྱུར་མེད་སྟོབས་ལྡན་གྱི་འགོ་ཁྲིད་འོག“དོན་ཆེན་བཞིར”དམིཌ་པ་དང“འཛུཌ་གཏོད་བཞིར”ཤུཌ་རྒྱག་པ་དང་། རྩ་འཛུགས་ཀྱི་སྟོབས་ཤུགས་དང་རྩ་འཛུགས་ཀྱི་ལེགས་ཆ་བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་སྒུལ་ཤུགས་ཆེན་པོར་འགྱུར་བར་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་བོད་ཀྱི་ལེའུ་རྩོམ་ཆེད་སྲ་ཞིང་བརྟན་པའི་རྩ་འཛུགས་ཀྱི་འགན་ལེན་བྱ་རྒྱུ་དེ་རེད།