རང་སྐྱོང་ལྗོངས་སྲིད་གཞུང་གིས་ཆེད་དོན་ཚོགས་འདུ་འཚོགས་པ།
ཡན་ཅིན་ཧའེ་ཞུགས་ནས་གསུང་བཤད་གནང་བ།
ཚེས་19ཉིན། རང་སྐྱོང་ལྗོངས་སྲིད་གཞུང་གིས་ཆེད་དོན་ཚོགས་འདུ་འཚོགས་ནས་རྩིས་བཤེར་དག་ཐེར་ལས་དོན་ལ་སྐུལ་འདེད་བཏང་ཞིང་། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་རང་སྐྱོང་ལྗོངས་ཀྱི་ཀྲུའུ་ཞི་ཡན་ཅིན་ཧའེ་ཡིས། རྩིས་བཤེར་དག་ཐེར་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་མཆན་འགོད་མཛུབ་སྟོན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱེད་པ་དང་། ལྗོངས་ཏང་ཨུད་ཀྱི་ལས་དོན་གྱི་བླང་བྱ་དོན་འཁྱོལ་བྱེད་པ། གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱེད་པ། དག་ཐེར་ལ་བརྟེན་ནས་དོན་འཁྱོལ་ལ་སྐུལ་འདེད་གཏོང་བ། དག་ཐེར་ལ་བརྟེན་ནས་བྱ་སྤྱོད་ལ་སྐུལ་འདེད་གཏོང་བ། དག་ཐེར་ལ་བརྟེན་ནས་མཐོར་གཏོང་ལ་སྐུལ་འདེད་གཏོང་བ་བཅས་བྱས་ཏེ། རྩིས་བཤེར་དག་ཐེར་གྱི་དུས་མཇུག་ལས་དོན་ཏན་ཏིག་ངང་ཡག་པོ་སྒྲུབ་དགོས་པའི་ནན་བཤད་གནང་བ་རེད།
ཁྲེན་ཡུང་ཆིས་གཙོ་སྐྱོང་གནང་བ་དང་ལང་ཧྥུའུ་ཁོན་དང་ཚེ་རིང་ཕུན་ཚོགས་ཚོགས་འདུར་ཞུགས་པ་རེད།
ཡན་ཅིན་ཧའེ་ཡིས་ནན་བཤད་གནང་དོན། རྩིས་བཤེར་དག་ཐེར་ནི་སྲིད་གཞུང་གིས་ཁྲིམས་ལྟར་འགན་འཁྲི་སྒྲུབ་པ་དང་། དོན་འཁྱོལ་གྱི་ཧེ་བག་ཡོ་བསྲང་བྱེད་པ། ལས་དོན་གྱི་ཆུ་ཚད་མཐོ་རུ་གཏོང་བ། རང་ངོས་འཛུགས་སྐྱོང་ལ་ཤུགས་སྣོན་རྒྱག་པ་བཅས་ཀྱི་གོ་སྐབས་གལ་ཆེན་ཞིག་རེད་ལ། དེ་ནི་ཆབ་སྲིད་ཀྱི་ལས་འགན་ཧ་ཅང་ལྕི་པོ་ཞིག་ཀྱང་རེད། ཆབ་སྲིད་ཀྱི་ཚུགས་གནས་མཐོ་རུ་གཏོང་བ་དང་དག་ཐེར་མཐའ་གཅིག་ཏུ་བྱེད་པར། དག་ཐེར་གྱི་བྱེད་པོའི་འགན་འཁྲི་དང་གཙོ་གཉེར་སྡེ་ཚན་གྱི་ལྟ་སྐུལ་དོ་དམ་གྱི་འགན་འཁྲི་དོན་འཁྱོལ་ནན་ཏན་བྱེད་པ་དང་། ཆད་ལུས་མེད་པར་དག་ཐེར་དོན་ཐོག་ཏུ་འཁྱོལ་བ་དང་ལག་ལེན་དངོས་ཀྱི་ཐོག་ནས་གནད་དོན་ཐག་གཅོད་བྱེད་པ། དག་ཐེར་ལ་དམ་འཛིན་ཡག་པོ་བྱ་རྒྱུ་དེ་ཆབ་སྲིད་ཐད་ལྷག་བསམ་རྣམ་དག་ཡིན་མིན་ལ་ཞིབ་དཔྱད་དང་། རང་འགན་ཐེག་པ་འཁུར་ལེན་ལ་ཤུགས་རྒྱག་པ། འཇོན་ཐང་དང་སྤྱོད་ཚུལ་ལ་ཚོད་བགམ་བྱེད་པ་བཅས་ཀྱི“རྡོ་ཀ་ཤུ་ཁར”བརྩི་བ། རིག་པ་དྭངས་གསལ་དང་། ཚད་མཐོའི་རང་རྟོགས། བློ་རྩ་བརྟན་པོ་བཅས་རྒྱུན་འཁྱོངས་བྱེད་པ། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ལྗོངས་ཏང་ཨུད་ཀྱི་ལས་དོན་བཀོད་སྒྲིག་དེ་བས་ལེགས་པའི་སྒོ་ནས་དོན་འཁྱོལ་དང་ཕན་འབྲས་ཐོན་པར་སྐུལ་འདེད་གཏོང་བ། བྱ་སྤྱོད་དངོས་ཀྱི་ཐོག་ནས་བློ་བརྟན་འགྱུར་མེད་ངང“གཏན་འཁེལ་གཉིས”སྲུང་སྐྱོང་དང“སྲུང་སྐྱོང་གཉིས”མཐའ་གཅིག་ཏུ་ཐུབ་པའི་ཆབ་སྲིད་ཀྱི་རང་རྟོགས་མངོན་པ་བཅས་བྱེད་དགོས། རིགས་དབྱེ་ཇུས་བསྟར་དང་དག་ཐེར་ཤུགས་ཆེན་བྱེད་པར། རྣམ་འགྱུར་ཡང་དག་འཛིན་པ་དང་། རང་འགུལ་ངང་ངོས་འཛིན་རྩིས་ལེན། སྐུལ་འདེད་ལ་དམ་འཛིན་བཅས་བྱེད་དགོས་ལ། དངོས་ཐོག་བདེན་འཚོལ་མཐའ་འཁྱོངས་ཀྱིས་དུས་ཐོག་ཏུ་སྙན་སེང་འབྲེལ་མཐུད་དང་ལྟ་སྐུལ་ཞིབ་བཤེར་ལ་ཤུགས་སྣོན་བརྒྱབ་སྟེ་དག་ཐེར་བྱས་ནས་ཕན་འབྲས་གསར་པ་ཐོན་པ་དང་སྤུས་ཚད་མཐོ་པོ་ཡོང་བའི་འགན་ལེན་ཡང་བྱེད་དགོས། རྩ་ལག་མཉམ་བཅོས་དང་ཕུགས་ཕན་དག་ཐེར་བྱེད་པར། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་བརྒྱབ་ནས་མངོན་གསལ་དོད་པའི་གནད་དོན་དང་ཉམས་ཞན་ལྷུ་ཚིགས་ཕྱོགས་ཡོངས་ནས་འཚོལ་ཞིབ་བྱེད་པ་དང་། ཞིབ་འཇུག་དང་དབྱེ་ཞིབ་གཏིང་ཟབ་བྱེད་པ། གཅིག་ཤེས་ཀུན་གྲོལ་བཅས་ཀྱི་ཐོག་ནས་རྩིས་བཤེར་གྱི་གྲུབ་འབྲས་དེ་ལས་དོན་དེ་བས་ནུས་ཆེ་དང་། དེ་བས་ཚད་ལྡན། དེ་བས་གོ་རིམ་ལྡན་པ་བཅས་ཀྱི་ཕུགས་ཕན་ལམ་སྲོལ་དུ་འགྱུར་བར་སྐུལ་འདེད་བཏང་སྟེ། བརྒྱུད་རིམ་ལྡན་པའི་བཅོས་སྐྱོང་དང་། ཁྲིམས་ལྟར་བཅོས་སྐྱོང་། ཕྱོགས་བསྡུས་བཅོས་སྐྱོང་། འབྱུང་རྩ་ནས་བཅོས་སྐྱོང་བཅས་ཐུབ་པར་བྱེད་དགོས། སྲིད་གཞུང་ཚན་ཁག་གི་ཁོངས་མིས“གནས་དང་གནས”ཟུང་འབྲེལ་གྱིས་གྲོང་གསེབ་དར་རྒྱས་ཀྱི་དཔེ་སྟོན་དང་། ཞིང་རོགས་ཞིང་དར་དང་འགན་འཁྲི་གཙང་ལེན་གྱི་ལས་ཀའི་ལམ་སྲོལ་སོགས་ཀྱི་ལས་འགན་དོན་འཁྱོལ་ལ་དམ་འཛིན་བྱས་ནས་ལས་དོན་གྱི་མཛུབ་ཁྲིད་ལ་ཤུགས་སྣོན་ཏན་ཏིག་བརྒྱབ་སྟེ་ལས་དོན་སྔར་བས་སྤུས་འབྲས་ལེགས་གཉེར་ཡོང་བར་སྐུལ་འདེད་གཏོང་དགོས། འགན་འཁྲི་ཏན་ཏིག་འཁུར་བ་དང་དག་ཐེར་ནན་པོ་བྱེད་པར། ཕྱོགས་ཡོངས་ནས་དག་ཐེར་དང་། ཆེད་དོན་དག་ཐེར། གཙོ་གནད་ལྟ་སྐུལ་སྒྲུབ་གཉེར་བཅས་ཟུང་འབྲེལ་གྱི་རྩིས་བཤེར་དག་ཐེར་གྱི་སྤྱི་ཡོངས་ཀྱི་རྣམ་པ་བཏོད་དེ། གནད་དོན་རེ་རེ་བཞིན་དམ་འཛིན་དང་དམ་འཛིན་ནན་པོ་བྱེད་པ་དང་། གནད་དོན་རེ་རེ་བཞིན་ཞིབ་བཤེར་བྱས་ཏེ་ཐོ་ཁུངས་ནས་སུབ་པ། དུས་དང་རྣམ་པ་ཀུན་ཏུ་དག་ཐེར་ལ་ཕྱིར་མིག་ལྟ་བ་བཅས་བྱས་ནས། དག་ཐེར་གྱི་འགན་འཁྲི་དོན་ཐོག་ཏུ་མི་འཁྱོལ་བ་དང་དག་ཐེར་ལ་སྐུལ་འདེད་ནུས་ལྡན་གཏོང་མི་ཐུབ་པའི་རིགས་ལ་འགན་འཁྲི་བདའ་འདེད་དང་འགན་འཁྲི་རྩད་གཅོད་ནན་པོ་བྱེད་དགོས།