རང་སྐྱོང་ལྗོངས་སྲིད་གཞུང་གིས་ཆེད་དོན་ཚོགས་འདུ་འཚོགས་པ།
ཡན་ཅིན་ཧའེ་ཚོགས་འདུར་ཞུགས་ནས་གསུང་བཤད་གནང་བ།
ཉེ་ཆར། རང་སྐྱོང་ལྗོངས་སྲིད་གཞུང་གིས་ཆེད་དོན་ཚོགས་འདུ་འཚོགས་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་ལྷ་སའི་རིག་ནུས་འཁོར་ལམ་རྣམ་གྲངས་ཀྱི་འབྲེལ་ཡོད་ལས་དོན་སྤེལ་ཚུལ་ལ་ཞིབ་འཇུག་བྱས་པ་རེད། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་རང་སྐྱོང་ལྗོངས་ཀྱི་ཀྲུའུ་ཞི་ཡན་ཅིན་ཧའེ་ཚོགས་འདུར་ཞུགས་ནས་གསུང་བཤད་གནང་བ་རེད།
རེན་ཝེ་དང་། ཀྲང་ཧུང་པོ། ཝུའེ་ཤིའུ་ཁྲང་བཅས་ཚོགས་འདུར་ཞུགས་པ་དང་ཤའོ་ཡིའུ་ཚའེ་ཡིས་གཙོ་སྐྱོང་གནང་བ་རེད།
ཡན་ཅིན་ཧའེ་ཡིས་ནན་བཤད་གནང་དོན། ལྷ་ས་ནི་རྒྱལ་ཁབ་ཀྱི་ལོ་རྒྱུས་རིག་གནས་ཀྱི་གྲགས་ཅན་གྲོང་ཁྱེར་ཡིན་ལ། ལྗོངས་ཡོངས་ཀྱི་ལྟེ་བའི་གྲོང་ཁྱེར་ཡང་ཡིན། ཉེ་བའི་ལོ་ཤས་རིང་། གྲོང་ཁྱེར་དང་མི་འབོར་གྱི་གཞི་ཁྱོན་མགྱོགས་མྱུར་འཕར་བ་དང་ཆབས་ཅིག འགྲིམ་འགྲུལ་གྱི་མཁོ་སྤྲོད་འགལ་བ་ཡང་ཉིན་བཞིན་མངོན་གསལ་དོད་དུ་འགྲོ་བཞིན་ཡོད། འགྲིམ་འགྲུལ་ནི་དེང་རབས་གྲོང་ཁྱེར་གྱི་ཁྲག་རྩ་ལྟ་བུ་ཡིན་ཞིང་། འགྲིམ་འགྲུལ་བཤངས་ཚེ་ད་གཟོད་གྲོང་ཁྱེར་སྐྱོན་བྲལ་ངང་འཕེལ་རྒྱས་གཏོང་ཐུབ། ལྗོངས་ཏང་ཨུད་དང་སྲིད་གཞུང་གིས་ལྷ་ས་གྲོང་ཁྱེར་འཆར་འགོད་འཛུགས་སྐྲུན་དོ་དམ་གྱི་ལས་དོན་ལ་ཚད་མཐོའི་མཐོང་ཆེན་བྱས་ཏེ། ལྷ་ས་གྲོང་ཁྱེར་གྱིས་རིག་ནུས་འཁོར་ལམ་རྣམ་གྲངས་སྤེལ་འགོ་བཙུགས་པ་རེད། རིག་ནུས་འཁོར་ལམ་རྣམ་གྲངས་ནི་ལྗོངས་ཡོངས་ཀྱི་ཐོག་མའི་གསར་གཏོད་ཡིན་པ་དང་ལས་གྲྭ་ཐོག་མ་དེ་སྤྱི་ཚོགས་ཡོངས་ལ་ཕྱོགས་ནས་ཡོངས་བསྒྲགས་བྱས་ཡོད། གོམ་སྟབས་རྗེས་མའི་ལས་དོན་ཁྲོད་གོ་རིམ་ཚད་ལྡན་དུ་གཏོང་བ་དང་བཤད་པ་ལྟར་སྒྲུབ་པ་དང་། ཐབས་ཇུས་ཀྱི་གོ་རིམ་ལག་བསྟར་ནན་པོ་བྱེད་པ། གཏན་ལ་ཕབ་པའི་བཀོད་སྒྲིག་ལག་བསྟར་དོན་འཁྱོལ་ཡག་པོ་བྱེད་པ། བརྩམས་པའི་ལས་དེ་ལེགས་པར་སྒྲུབ་པ་དང་གུབ་འབྲས་ཐོན་པར་བཅས་བྱས་ནས། ཏང་དང་སྲིད་གཞུང་གི་ཀུན་གྱིས་ཡིད་ཆེས་བྱེད་ཚད་སྲུང་སྐྱོང་ཏན་ཏིག་དང་མངོན་པར་བྱེད་དགོས། ངེས་གནས་ཁ་གསལ་དང་ངོས་འཛིན་གཅིག་གྱུར་བྱས་ཏེ་བརྒྱུད་རིམ་ལྡན་པ་དང་། ཚན་རིག་དང་མཐུན་པ། དེང་ཚད་ལས་བརྒལ་བ། དངོས་སྒྲུབ་བཅས་ཀྱི་མིག་རྒྱང་ནས་གནད་དོན་ལ་ལྟ་སྟངས་འཛིན་རྒྱུ་མཐའ་འཁྱོངས་བྱས་ཏེ། སྔར་བས་བསམ་བློ་གཅིག་གྱུར་དང་བྱ་སྤྱོད་གཅིག་གྱུར་ཡོང་བར་བྱས་ནས་རྣམ་གྲངས་འཛུགས་སྐྲུན་ལ་སྐུལ་འདེད་གཏོང་བའི་ལས་ཀའི་མཉམ་ཤུགས་གཅིག་ཏུ་སྒྲིལ་དགོས། མཐུན་སྦྱོར་དང་མཐུན་འགྱུར་ལམ་སྲོལ་ལ་ཤུགས་སྣོན་བརྒྱབ་སྟེ་ལོ་རྒྱུས་དང་མི་དམངས་ལ་ཚད་མཐོའི་འགན་འཁུར་བའི་རྣམ་འགྱུར་ཐོག་ནས་འབྲེལ་གཏུག་བྱེད་ཤུགས་ཆེ་རུ་བཏང་སྟེ་སྲིད་ཇུས་ཀྱི་བརྟན་པོའི་རང་བཞིན་དང་། རྒྱུན་མཐུད་རང་བཞིན། གཅིག་མཐུན་རང་བཞིན་བཅས་རྒྱུན་འཁྱོངས་བྱེད་དགོས། སྤྱི་ཚོགས་ཀྱི་དོ་ཁུར་ལ་དུས་ཐོག་ཏུ་དམིགས་ཏེ་དྲིལ་བསྒྲགས་དང་འགྲེལ་བཤད་ཀྱི་ལས་དོན་ཡག་པོ་བསྒྲུབས་ནས་བསམ་ཤེས་དང་རྒྱབ་སྐྱོར་ཐོབ་པ་བྱེད་དགོས། སྐུལ་འདེད་བརྟན་པོ་གཏོང་བ་དང་གོ་རིམ་ལྡན་པའི་ངང་ལག་བསྟར་བྱས་ཏེ་འཆར་འགོད་སྣེ་ཁྲིད་མཐའ་འཁྱོངས་ཀྱིས་སྤྱིའི་འཆར་འགོད་དང་མཐུན་པའི་སྔོན་འགྲོའི་ཆ་རྐྱེན་འོག གྲོང་ཁྱེར་གྱི་བྱེད་ནུས་དང་བཀོད་པ་དང་། གྲོང་ཁྱེར་གྱི་གསར་སྤེལ་འཕེལ་རིམ། འཛུགས་སྐྲུན་ཆ་རྐྱེན་དང་ནོར་ཤུགས་གནས་ཚུལ་བཅས་ལ་སྤྱི་འདོམས་བྱེད་པ། ལྷ་སའི་ཡུལ་སྲོལ་གོམས་གཤིས་དང་། རྣམ་པ། ཉམས་འགྱུར་བཅས་ཁོང་དུ་ཆུད་པ། ས་ཚིགས་བཀོད་སྒྲིག་དང་། འགྲུལ་རྒྱུན་གྱི་དགོས་མཁོ། རིག་དངོས་སྲུང་སྐྱོང་། འཛུགས་སྐྲུན་གྱི་ཉམས་འགྱུར། འགྲིམ་འགྲུལ་བརྗེ་སྒྱུར། བདེ་འཇགས་འགན་ལེན་སོགས་ཀྱི་རྒྱུ་རྐྱེན་གཙོ་བོར་སྤྱི་འདོམས་བྱེད་པ། ཚན་རིག་དང་མཐུན་པ་དང་ལུགས་མཐུན་ངང་བཀོད་སྒྲིག་བྱེད་པ། འཆར་འགོད་ཇུས་གཞི་ལེགས་སུ་གཏོང་བ་བཅས་བྱས་ནས“འཆར་གཞི་གཅིག་མཐར་ཕྱིན་པ་འགོད་ཐུབ་པར”འགན་ལེན་བྱེད་དགོས། གོམ་པ་རིམ་བགྲོད་མཐའ་འཁྱོངས་ཀྱིས“ཚོད་ལྟ་སྔོན་ལ་སྤེལ་བ་དང་གོ་རིམ་ལྡན་པའི་ངང་སྐུལ་འདེད་གཏོང་བའི”རྣམ་པ་སྤྱོད་པ་དང་། དུས་འགོའི་ལས་དོན་གང་ལེགས་དང་ཞིབ་ཕྲ་སྒྲུབ་པ། སྔ་ཙམ་འཛུགས་སྐྲུན་དང་འཁོར་སྐྱོད་བྱེད་འགོ་འཛུགས་པ། ལག་ལེན་ཁྲོད་ཁྱབ་གདལ་གཏོང་ཆོག་པའི་ཉམས་མྱོང་གི་རྣམ་པ་ཆགས་པ་བཅས་བྱས་ནས་དམངས་སེམས་འདུ་འགོད་དང་རྩེར་སོན་འདུ་འགོད་ལེགས་འགྲུབ་ཡོང་བར་འགན་ལེན་བྱས་ཏེ་གྲོང་མི་མང་ཚོགས་འགྲོ་སྐྱོད་སྔར་བས་སྟབས་བདེ་ཡོང་བ་བྱེད་དགོས། ཉེན་ཁ་སྔོན་འགོག་མཐའ་འཁྱོངས་བྱས་ནས་བདེ་འཇགས་ཀྱི་མཐའ་ཚད་བརྟན་པོ་སྲུང་དགོས། འགན་འཁྲི་ནན་དུ་དང་དོན་འཁྱོལ་ལ་དམ་འཛིན་ནན་པོ་བྱས་ཏེ་རྩ་འཛུགས་ཀྱི་འགོ་ཁྲིད་ལ་སྔར་བས་ཤུགས་སྣོན་རྒྱག་པ་དང་ལས་ཀའི་ལམ་སྲོལ་འཐུས་སྒོ་ཚང་དུ་བཏང་ནས་མགྱོགས་མྱུར་སྐུལ་འདེད་གཏོང་བ་དང་སྔ་ཙམ་ཕན་འབྲས་ཐོན་ཐུབ་པ་བྱེད་དགོས།