དབང་ཧའེ་ཀྲོའུ་ཡིས་ལྷ་ས་གྲོང་ཁྱེར་དུ་དྲིལ་བསྒྲཌ་དང་བསམ་བློ་རིག་གནས་ལས་དོན་སྤེལ་ཚུལ་ལ་བརྟག་ཞིབ་གནང་བ།
ཉེ་ཆར། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་དྲིལ་བསྒྲགས་པུའི་པུའུ་ཀྲང་དབང་ཧའེ་ཀྲོའུ་ལྷ་ས་གྲོང་ཁྱེར་དུ་དྲིལ་བསྒྲགས་དང་བསམ་བློ་རིག་གནས་ཀྱི་ལས་དོན་སྤེལ་ཚུལ་ལ་བརྟག་ཞིབ་གནང་བར་ཕེབས་ནས། གྲོང་ཁྱེར་ཐད་གཏོགས་ཀྱི་དྲིལ་བསྒྲགས་དང་བསམ་བློ་རིག་གནས་ཁོངས་གཏོགས་ཀྱི་འབྲེལ་ཡོད་འགན་འཁུར་བློ་མཐུན་དང་བཞུགས་མོལ་སྤེལ་རེས་གནང་བ་རེད།
དབང་ཧའེ་ཀྲོའུ་དང་བཅས་པ་ཚེ་མཆོག་གླིང་རིག་གནས་བསམ་བཀོད་གླིང(སྐར་མ་རྀ་ཥི་སྨན་ལུམས་དང་བོད་ཀྱི་མངོན་མིན་རིག་གནས་ཤུལ་བཞག་རྟེན་མཛོད་ཁང)དང་ལྷ་ས་མཉམ་འདྲེས་སྨྱན་སྦྱོར་ལྟེ་གནས་སུ་སྔ་རྗེས་སུ་ཕེབས་ཏེ་ས་གནས་ས་ཐོག་ཏུ་བརྟག་ཞིབ་གནང་བ་དང་། ལས་དོན་པའི་ངོ་སྤྲོད་ནན་ཏན་གསན་རྗེས་ཚང་མར་གསར་འབྱེད་གསར་གཏོད་དང་ལས་ཀ་ཧུར་ཐག་བྱེད་དགོས་པའི་སྐུལ་ལྕག་གནང་བ་རེད། ཁོང་གིས་དུས་རབས་གསར་པའི་རིག་གནས་ཀྱི་འགན་འཁྲི་གསར་པ་ཏན་ཏིག་ཁུར་ནས་བསམ་བློར་བཅིངས་འགྲོལ་དང་ལྟ་བ་གསར་བརྗེས་ཀྱིས་རིག་གནས་ཀྱི་སྒྲིག་སྲོལ་ལམ་སྲོལ་སྒྱུར་བཅོས་ཟབ་གཏོང་སྐོར་གྱི་ཚང་འཛོམས་གྲོས་ཚོགས་ཀྱི་ལས་འགན་དང་བླང་བྱ་ལག་བསྟར་དོན་འཁྱོལ་ནན་ཏན་བྱེད་པ་དང་། འདུ་ཤེས་འཛིན་སྟངས་ཀྱི་ལས་ཀའི་འགན་འཁྲིའི་ལམ་ལུགས་ཟམ་མི་ཆད་པར་འཐུས་སྒོ་ཚང་དུ་གཏོང་བ། རིག་གནས་ཞབས་ཞུ་དང་རིག་གནས་ཐོན་རྫས་མཁོ་སྤྲོད་ལམ་སྲོལ་ལེགས་སུ་གཏོང་བ། དྲ་རྒྱའི་ཕྱོགས་བསྡུས་བཅོས་སྐྱོང་མ་ལག་འཐུས་སྒོ་ཚང་དུ་གཏོང་བ། དེ་བས་ནུས་ལྡན་གྱི་རྒྱལ་སྤྱིའི་ཁྱབ་སྤེལ་མ་ལག་འཛུགས་པ་སོགས་ཀྱི་ཐད་ཤུགས་རྒྱག་པ། རང་འགུལ་ངང་བྱས་རྗེས་འཇོག་པ་དང་། བྱེད་ཕོད་པ་དང་སྒྲུབ་ཕོད་པ་བཅས་བྱས་ཏེ་ལྗོངས་ཡོངས་ཀྱི་རིག་གནས་ཁྱབ་ཁོངས་སྒྱུར་བཅོས་ཀྱི་སྔོན་སྐྱོད་པ་ཧུར་ཐག་བྱེད་དགོས་པའི་ནན་བཤད་གནང་བ་རེད།