བོད་ཀྱི་འགོ་ཁྲིད་ཀྱིས་ཏང་ཡོན་དཀྱུས་མའི་མིང་ཐོག་ནས་ཁོངས་གཏོགས་ཏང་ཀྲི་པུའི་ཏང་གི་སྒྲིག་ཁྲིམས་སློབ་སྦྱོང་སློབ་གསོར་ཞུགས་པ།
ཚེས་9ཉིན། རང་སྐྱོང་ལྗོངས་སྲིད་གཞུང་གི་ཏང་ཙུའི་ཁོངས་མི་ཀྲུའུ་ཞི་གཞོན་པ་བསྟན་པས་ཏང་ཡོན་དཀྱུས་མའི་མིང་ཐོག་ནས་ཁོངས་གཏོགས་ཏང་ཀྲི་པུའི་ཏང་གི་སྒྲིག་ཁྲིམས་སློབ་སྦྱོང་སློབ་གསོར་ཞུགས་པ་མ་ཟད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་རབ་དང་རིམ་པའི་དགོངས་དོན་སློབ་སྦྱོང་ལག་བསྟར་དང་ཟུང་འབྲེལ་བྱེད་པ་དང་། “ཏང་གི་སྒྲིག་ཁྲིམས་སློབ་གསོའི”བརྗོད་དོན་གཙོ་བོར་དམ་པོར་དམིགས་པ། རང་ངོས་ཀྱི་སློབ་སྦྱོང་མྱོང་ཚོར་དང་ལས་ཀའི་དོན་དངོས་ལ་གཞིགས་པ་བཅས་བྱས་ནས་ཚང་མར་བསམ་གཞིག་ཡོད་པ་དང་། ནང་དོན་ཟབ་པ། མཐོང་ཐུབ་པ་བཅས་ཀྱི་ཆེད་དོན་ཏང་གི་སློབ་ཚན་ཁྲིད་གནང་བ་རེད།
ཚོགས་འདུའི་ཐོག སློབ་ཁྲིད་ཀྱི་ནང་དོན་སློབ་སྦྱོང་བྱས་ནས་གོ་བ་ནན་ཏན་ལེན་པ་དང་། ཚད་གཞི་དང་ཡང་ཡང་བསྡུར་བ། སློབ་སྦྱོང་བྱེད་ཀྱིན་དག་ཐེར་བྱེད་པ། དོན་འཁྱོལ་ལ་དམ་འཛིན་ཡག་པོ་བཅས་བྱས་ཏེ་ཏང་གི་སྒྲིག་ཁྲིམས་སློབ་སྦྱོང་སློབ་གསོ་སྤེལ་རྒྱུ་དེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་དང་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་དང་ཟུང་འབྲེལ་བྱས་ནས་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ལྟེ་བའི་ལས་དོན་ལ་སྐུལ་འདེད་གཏོང་བ་དང་། སྤྱོད་ཚུལ་ལེགས་གཏོང་དང་དམ་འཛིན་ལ་དོན་འཁྱོལ་ནན་པོ་བྱེད་པ། “སྒྲུབ་དགོས་པ་གསུམ”དང“ཞབས་འདེགས་གསུམ”གྱི་ལས་དོན་ལ་སྤུས་ལེགས་ཕན་ཆེའི་ངང་སྐུལ་འདེད་གཏོང་བ་དང་ཟུང་འབྲེལ་བཅས་བྱས་ཏེ་སྦྱངས་པ་གོ་ཆོད་དང་ཤེས་སྦྱོང་གཅིག་མཐུན་ཡོང་བ་བཅས་བྱེད་དགོས་པའི་བླང་བྱ་བཏོན་པ་རེད།