ཟླ་7ཚེས་3དང་ཚེས་4ཉིན། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་ཉིང་ཁྲི་གྲོང་ཁྱེར་ཀོང་པོ་རྒྱ་མདའ་རྫོང་དང་བྲག་ཡིབ་ཆུས་སུ་བརྟག་ཞིབ་གནང་ཞིང་། འདི་ནི་ཝང་ཅུན་ཀྲེང་ཀོང་པོ་རྒྱ་མདའ་རྫོང་བྲག་ཆུ་གྲོང་རྡལ་དུ་ཕེབས་ནས་ས་གནས་ས་ཐོག་ཏུ་བོད་ཕག་གསོ་ཚགས་ཀྱི་ཚན་ཞིབ་དཔེ་སྟོན་རྟེན་གཞི་སྐྲུན་གཉེར་བྱེད་ཚུལ་ལ་མཁྱེན་རྟོགས་ཞིབ་ཕྲ་གནང་བཞིན་པ།

ཚེས་3དང་ཚེས་4ཉིན། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་ཉིང་ཁྲི་གྲོང་ཁྱེར་ཀོང་པོ་རྒྱ་མདའ་རྫོང་དང་བྲག་ཡིབ་ཆུས་སུ་བརྟག་ཞིབ་གནང་ཞིང་། ཁོང་གིས་ནན་བཤད་གནང་དོན། “ཞིང་གསུམ”ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ཐོག དབུལ་སྒྲོལ་འགག་སྒྲོལ་གྱི་གྲུབ་འབྲས་རྒྱུན་མཐུད་སྲ་བརྟན་དང་རྒྱ་སྐྱེད་བཏང་ནས་གྲོང་གསེབ་ཕྱོགས་ཡོངས་ནས་དར་རྒྱས་ལ་སྐུལ་འདེད་བཏང་སྟེ། བོད་ཀྱི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྟོབས་ཤུགས་ལེགས་སྐྱེས་སུ་འབུལ་དགོས།

ཀོང་པོ་རྒྱ་མདའ་རྫོང་དུ། ཝང་ཅུན་ཀྲེང་རྒྱ་ཤིང་ཤང་དང་བྲག་ཆུ་གྲོང་རྡལ་དུ་ཕེབས་ནས་སྤང་རྒྱན་ཐང་ནུས་གསོག་དང་འབྲོག་པའི་འོད་ཤུགས་གློག་འདོན་གསབ་རེས་རྣམ་གྲངས་དང་བོད་ཕག་གསོ་ཚགས་ཚན་ཞིབ་དཔེ་སྟོན་རྟེན་གཞི་སྐྲུན་གཉེར་བྱེད་ཚུལ་ལ་མཁྱེན་རྟོགས་གནང་བ་རེད།

ཝང་ཅུན་ཀྲེང་གིས་བསྟན་དོན། ཐོན་ལས་དར་རྒྱས་ནི་གྲོང་གསེབ་དར་རྒྱས་ཀྱི་གལ་ཆེའི་ནང་གི་འགངས་ཆེན་ཡིན་པས། ཞིང་ལས་དང་གྲོང་གསེབ་ཀྱི་ཐོན་ཁུངས་སྤུས་ལེགས་ལ་བརྟེན་ནས་ཁྱད་ལྡན་ཐོན་ལས་འཕེལ་རྒྱས་ཤུགས་ཆེན་གཏོང་བ་དང་། ཁེ་ཕན་མཉམ་འབྲེལ་ལམ་སྲོལ་བཙུགས་ཤིང་འཐུས་སྒོ་ཚང་དུ་བཏང་ནས་མང་ཚོགས་ཀྱི་འབབ་འཕར་ཕྱུག་འགྱུར་ཐབས་ལམ་རྒྱ་སྐྱེད་གཏོང་དགོས། “ཡུལ་ཟོག”ལ་ཤུགས་སྣོན་རྒྱག་དགོས་པ་སྟེ། ཐོན་ལས་འཁོར་འབྲེལ་སྣུར་སྲིང་དང་རིན་ཐང་འཁོར་འབྲེལ་ཆེ་རུ་གཏོང་བར་དམིགས་ཏེ། ཞིང་ལས་ཐོན་རྫས་ལས་སྣོན་ཞིབ་ཚགས་འཕེལ་རྒྱས་མགྱོགས་པོ་བཏང་ནས་ཁྱད་ལྡན་ཐོན་ལས་གཞི་ཁྱོན་ཅན་དང་། གནོད་མེད་ཅན། སྤུས་རྟགས་ཅན་བཅས་ལ་སྐུལ་འདེད་བཏང་སྟེ། ཁྲོམ་རའི་འགྲན་རྩོད་ནུས་པ་དང་རྒྱུན་མཐུད་ཆོག་པའི་འཕེལ་རྒྱས་ཀྱི་ནུས་པ་ཆེ་རུ་གཏོང་དགོས།

བྲག་ཡིབ་ཆུས་ཉང་ཆུའི་འབྲུབ་འགོག་ལས་གྲྭའི་རྣམ་གྲངས་འཛུགས་སྐྲུན་བྱ་ཡུལ་གྱི་ལས་དོན་ཁག་གོ་རིམ་ལྡན་པའི་ངང་སྤེལ་བཞིན་ཡོད་པ་དང་། དེ་གར་ཕེབས་རྗེས། ཝང་ཅུན་ཀྲེང་གིས་འགྲེམས་པང་ལ་གཟིགས་པ་དང་སྙན་ཞུར་གསན་རྗེས། འཕེལ་རྒྱས་དང་བདེ་འཇགས་སྤྱི་འདོམས་བྱེད་པ་དང་འགག་སྒོ་མདུན་སྤོ་དང་མ་བྱུང་སྔོན་འགོག་མཐའ་འཁྱོངས་བྱས་ཐོག ཆུ་བེད་སྒྲིག་བཀོད་འཛུགས་སྐྲུན་ལ་ཆུ་ཚད་དང་ཚད་གཞི་མཐོ་པོས་ཤུགས་སྣོན་བརྒྱབ་ནས། སྤྱོད་གོ་ཆོད་པའི་མ་དངུལ་གཏོང་ཤུགས་ཆེ་རུ་གཏོང་བ་དང་། ཐན་ཞོད་ཀྱི་གནོད་འཚེར་སྔོན་འགོག་བྱེད་པ། གྲོང་གསེབ་དར་རྒྱས་ལ་རམ་འདེགས་བྱེད་པ་སོགས་ཆུ་བེད་ལས་གྲྭའི་ནུས་པ་གལ་ཆེན་འདོན་སྤེལ་ཧུར་ཐག་བྱེད་དགོས་ཞེས་ནན་བཤད་ཀྱང་གནང་བ་རེད།

བརྟག་ཞིབ་གནང་རིང་། ཝང་ཅུན་ཀྲེང་གིས་ནན་བཤད་གནང་དོན། གྲོང་གསེབ་ཕྱོགས་ཡོངས་དར་རྒྱས་ལ་སྐུལ་འདེད་གཏོང་བ་ནི་དུས་རབས་གསར་པ་དང་རྒྱང་ལམ་གསར་པའི“ཞིང་གསུམ”ལས་དོན་གྱི་སྤྱིའི་དམ་འཛིན་བྱ་གཞི་ཡིན་པས། རིམ་པ་ཁག་དང་སྡེ་ཚན་ཁག་དང་། ལྷག་པར་དུ་ཞིང་ལས་གྲོང་གསེབ་སྡེ་ཚན་གྱིས་འཕེལ་རྒྱས་ཀྱི་འདུ་ཤེས་གསར་པ་ཆ་ཚང་བ་དང་། གནད་ལ་འཁེལ་བ། ཕྱོགས་ཡོངས་བཅས་ཀྱི་སྒོ་ནས་ལག་བསྟར་བྱས་ཐོག “ཚང་དགོས་པ་གསུམ་དང་ཕན་འདོགས་པ་གཅིག”གི་སྤྱིའི་བླང་བྱ་མཐའ་འཁྱོངས་བྱས་ནས་གྲོང་གསེབ་འཕེལ་རྒྱས་འཛུགས་སྐྲུན་བཅོས་སྐྱོང་གཙོ་བོར་བྱས་པའི་གྲོང་གསེབ་དར་རྒྱས་ལ་སྤྱི་འདོམས་སྐུལ་འདེད་དང་ཞིང་ལས་གྲོང་གསེབ་དེང་རབས་ཅན་གྱི་གོམ་སྟབས་མགྱོགས་སུ་བཏང་སྟེ། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་ལ་འདེགས་སྐྱོར་ནུས་ལྡན་བྱེད་དགོས། དབུལ་སྒྲོལ་འགག་སྒྲོལ་གྱི་གྲུབ་འབྲས་རྒྱུན་མཐུད་སྲ་བརྟན་དང་རྒྱ་སྐྱེད་གཏོང་དགོས་ཤིང་། མཐའ་ཚད་ཀྱི་བསམ་བློ་ཤུགས་ཆེར་གཏོང་བ་དང་། ལྟ་ཞིབ་ཚད་ལེན་དང་རོགས་སྐྱོར་གྱི་འགན་འཁྲི་དོན་འཁྱོལ་བྱེད་པ། དབུལ་ལོག་སྔོན་འགོག་གི་འགུལ་རྣམ་ལྟ་ཞིབ་ཚད་ལེན་དང་རོགས་སྐྱོར་ལམ་སྲོལ་འཐུས་སྒོ་ཚང་དུ་གཏོང་བ་བཅས་བྱས་ནས་ཡུལ་བབ་དང་བསྟུན་ཏེ་རིགས་དབྱེ་ཇུས་བསྟར་བྱས་ནས་དབུལ་སྒྲོལ་མང་ཚོགས་ཀྱི་ནང་སྐྱེས་འཕེལ་རྒྱས་སྒུལ་ཤུགས་ཆེ་རུ་གཏོང་དགོས། ཞིང་འབྲོག་པ་འབབ་འཕར་བརྟན་པོ་རྒྱུན་མཐུད་ཡོང་བར་སྐུལ་འདེད་གཏོང་དགོས་ཤིང་། ཐུན་མོང་འབྱོར་ཕྱུག་གི་ཐབས་ལམ་རྒྱ་སྐྱེད་དང་། ཞིང་ཕན་སྲིད་ཇུས་དོན་འཁྱོལ་ཡག་པོ། གྲོང་ཚོ་མཉམ་སྡེབ་དཔལ་འབྱོར་དང་དངོས་ཚན་ཐོན་ལས་རྣམ་གྲངས་རྒྱུན་མཐུད་སྟོབས་ཆེར་གཏོང་བ་བཅས་བྱས་ནས། ཞིང་ལས་ཀྱི་ཕན་འབྲས་དང་། ཞིང་པའི་ཡོང་འབབ། གྲོང་གསེབ་ཀྱི་གསོན་ཤུགས་བཅས་འཕར་བར་སྐུལ་འདེད་གཏོང་དགོས། ཁྱད་ལྡན་ཐོན་ལས་སྐྱེད་སྲིང་དང་སྟོབས་ཆེར་གཏོང་དགོས་ཤིང་། ཐོན་ལས་གདང་བསྒྱུར་རིམ་སྤོར་གྱི་བྱ་སྤྱོད་ལག་བསྟར་ཡག་པོ་བྱས་ནས་ཞིང་འབྲོག་ཐོན་རྫས་ཀྱི་ཐོག་མའི་ལས་སྣོན་དང་། ལས་སྣོན་ཞིབ་ཚགས། ཕྱོགས་བསྡུས་བེད་སྤྱོད་ལས་སྣོན་བཅས་ལ་སྤྱི་འདོམས་བྱས་ནས་ཁྱད་ལྡན་ལེགས་ལྡན་ཐོན་ལས་རྒྱ་སྟོབས་ཆེར་གཏོང་དང་། ཐོན་ལས་འཁོར་འབྲེལ་སྣུར་སྲིང་། ཟུར་བསྣན་རིན་ཐང་འཕར་བ་བཅས་བྱེད་དགོས། གནས་འཕྲོད་ལས་འཚམ་མཛེས་མཐུན་གསུམ་ལྡན་གྱི་གྲོང་གསེབ་མགྱོགས་མྱུར་འཛུགས་སྐྲུན་བྱེད་དགོས་ཤིང་། “ལས་གྲྭ་ཁྲི་སྟོང”གི་ཉམས་མྱོང་སློབ་སྦྱོང་དང་བེད་སྤྱོད་ནན་ཏན་བྱས་ནས་གྲོང་གསེབ་ཀྱི་རྨང་གཞིའི་སྒྲིག་བཀོད་དང་སྤྱི་པའི་ཞབས་ཞུའི་ཆུ་ཚད་ཕྱོགས་ཡོངས་ནས་མཐོར་གཏོང་དང་། ཞིང་འབྲོག་ཁུལ་གྱི་སྡོད་མལ་ཁོར་ཡུག་བཅོས་སྒྲིག་ལེགས་གཏོང་ལས་དོན་རྒྱུན་མཐུད་དམ་འཛིན་ཡག་པོ། གོམས་སྲོལ་སྒྱུར་བའི་ལས་དོན་ཏན་ཏིག་སྤེལ་བ་བཅས་བྱས་ནས། ཞིང་ལས་ཐོན་སྐྱེད་དང་། གྲོང་གསེབ་འཛུགས་སྐྲུན། གྲོང་གསེབ་ཀྱི་འཚོ་བའི་ཁོར་ཡུག་བཅས་འཁོར་རྒྱུག་བཟང་པོ་ཡོང་བར་བྱེད་དགོས།