ཡན་ཅིན་ཧའེ་ཡིས་སྲིད་གཞུང་ཏང་ཙུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི（རྒྱ་ཆེ）སློབ་སྦྱོང་ཚོགས་འདུ་གཙོ་སྐྱོང་གནང་བ།
ཚེས་27ཉིན། རང་སྐྱོང་ལྗོངས་ཀྱི་ཀྲུའུ་ཞི་རང་སྐྱོང་ལྗོངས་སྲིད་གཞུང་ཏང་ཙུའི་ཧྲུའུ་ཅི་ཡན་ཅིན་ཧའེ་ཡིས་རང་སྐྱོང་ལྗོངས་མི་དམངས་སྲིད་གཞུང་ཏང་ཙུའི་རིགས་པའི་གཞུང་ལུགས་སློབ་སྦྱོང་ལྟེ་བའི་ཚོགས་ཆུང་གི(རྒྱ་ཆེ)སློབ་སྦྱོང་ཚོགས་འདུ་གཙོ་སྐྱོང་གནང་ནས། ཞི་ཅིན་ཕིང་གི་རིག་གནས་དགོངས་པ་དང་ཏང་གི་ལོ་རྒྱུས་སློབ་སྦྱོང་དང་བདེ་འཇགས་ཐོན་སྐྱེད་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་བརྒྱུད་བསྒྲགས་སློབ་སྦྱོང་བྱས་པ་དང་སྲིད་གཞུང་ཁོངས་གཏོགས་ཀྱི་འབྲེལ་ཡོད་ལས་དོན་ལ་ཞིབ་འཇུག་དང་བཀོད་སྒྲིག་བྱས་པ་རེད།
ཚོགས་འདུའི་ཐོག་ཀྲུང་གོ་ཀྲུང་ལུགས་གསོ་རིག་ཚན་རིག་ཁང་དབུ་བཞུགས་རིགས་གཅིག་མཁས་ཅན་ལི་ཧའོ་ཡིས་ཀྲུང་གོའི་སྲོལ་རྒྱུན་གསོ་རིག་རིག་གནས་ཀྱི་ཆེད་དོན་ཟུར་ཁྲིད་སྙན་སེང་ཞུས་པ་དང་སྲིད་གཞུང་ཏང་ཙུའི་ཚན་ཁག་གི་ཁོངས་མི་ཁག་གཅིག་གིས་གཏམ་བཤད་སྤེལ་བ་རེད།
ཡན་ཅིན་ཧའེ་ཡིས་གསུངས་དོན། ཀྲུང་ལུགས་གསོ་རིག་དང་སྨན་རྫས་རིག་པ་ནི་ཀྲུང་ཧྭའི་ཤེས་དཔལ་གྱི་མཆོག་ནོར་དང་། བོད་ལུགས་གསོ་རིག་དང་བོད་སྨན་ནི་ཀྲུང་ཧྭའི་གསོ་རིག་ནོར་བུའི་བང་མཛོད་ཀྱི་འོད་མདངས་བཀྲ་བའི་མུ་ཏིག་ལྟ་བུ་ཡིན་ལ། མི་རིགས་སྲོལ་རྒྱུན་གྱི་སྨན་དང་སྨན་རྫས་ཀྱི་དཔེ་མཚོན་མཚོན་བྱེད་ཅིག་ཀྱང་ཡིན། “བོད”རྩ་བར་འཛིན་པ་དང་། “གསོ་རིག”གཞི་རྩར་བྱེད་པ།
“སྨན”རྨང་གཞིར་བྱེད་པ།“ཐོན་རྫས”མཚམས་སྦྱོར་དུ་བྱེད་པ་བཅས་མཐའ་འཁྱོངས་བྱས་ནས་བོད་ལུགས་གསོ་རིག་དང་བོད་སྨན་རིག་གནས་སྔོག་འདོན་ལེགས་སྒྲིག་དང་། སྲུང་སྐྱོང་རྒྱུན་འཛིན། གསར་གཏོད་འཕེལ་རྒྱས། དྲིལ་བསྒྲགས་སློབ་གསོ་བཅས་མུ་མཐུད་ཡག་པོ་བརྒྱབ་སྟེ། མི་རིགས་ཁག་དབར་འགྲོ་འོང་དང་། སྤེལ་རེས། མཉམ་འདྲེས་བཅས་ལ་སྔར་བས་ལེགས་པར་སྐུལ་འདེད་བཏང་ནས། ཀྲུང་ལུགས་གསོ་རིག་དང་སྨན་རྫས་ཀྱི་ནོར་མཛོད་ཁྲོད་བོད་ལུགས་གསོ་རིག་དང་སྨན་རྫས་ཀྱི་ནུས་པ་སྔར་བས་ཆེ་བ་ཐོན་པ་དང་ཀྲུང་ཧྭ་མི་རིགས་ཁྱིམ་ཚང་ཆེན་པོའི་ཁྲོད་བོད་མི་རིགས་སྔར་བས་བདེ་སྐྱིད་ཁམས་བདེ་ཡོང་བར་བྱེད་དགོས།
ཡན་ཅིན་ཧའེ་ཡིས་ནན་བཤད་གནང་དོན། ཞི་ཅིན་ཕིང་གི་རིག་གནས་དགོངས་པ་ལག་བསྟར་དོན་འཁྱོལ་གཏིང་ཟབ་བྱས་ཏེ་ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ལྗོངས་ཏང་ཨུད་ཀྱི་བཀོད་སྒྲིག་བླང་བྱ་གཞིར་བཟུང། ལོ་རྒྱུས་ཀྱི་རང་འགུལ་སྙིང་སྟོབས་ཆེན་པོར་བརྟེན་ནས་རིག་གནས་དར་རྒྱས་གོང་འཕེལ་ཡོང་བར་སྐུལ་འདེད་བཏང་སྟེ་ཀྲུང་གོའི་ལུགས་ཀྱི་དེང་རབས་ཅན་གྱི་བོད་ཀྱི་ལག་ལེན་ལ་བསམ་བློའི་འགན་ལེན་བརྟན་པོ་དང་བསམ་པའི་སྒུལ་ཤུགས་ཆེན་པོ་མཁོ་འདོན་བྱེད་དགོས།
ཡན་ཅིན་ཧའེ་ཡིས་ནན་བཤད་གནང་དོན། ཏང་གི་ལོ་རྒྱུས་སློབ་སྦྱོང་བྱ་རྒྱུ་དེ“ངེས་སྦྱོང་སློབ་ཚན”དང་། “རྒྱུན་སྦྱོང་སློབ་ཚན”“ཚེ་གང་སློབ་ཚན”བཅས་སུ་བརྩིས་ནས་དད་སེམས་བརྟན་པོ་དང་སློབ་སྦྱོང་གཏིང་ཟབ་དང་སློབ་ལ་བརྩོན་པ་དང་། ཕན་འབྲས་མངོན་གསལ་དོད་པ་དང་དངོས་སྦྱོང་རྒྱུན་སྦྱོང་བྱེད་པ། འགན་འཁྲི་ནན་དུ་དང་སློབ་སྦྱོང་ཡག་པོ་དང་སློབ་སྦྱོང་ཏན་ཏིག་བཅས་བྱེད་པ། ལོ་རྒྱུས་སྦྱངས་ནས་གནས་ལུགས་གསལ་རྟོགས་དང་། ལོ་རྒྱུས་སྦྱངས་ནས་དད་སེམས་འཕེལ་བ། ལོ་རྒྱུས་སྦྱངས་ནས་སྤྱོད་བཟང་གོང་བཀུར། ལོ་རྒྱུས་སྦྱངས་ནས་ལག་ལེན་ནན་བསྟར་བཅས་བྱེད་པ། སློབ་སྦྱོང་གི་ཕན་འབྲས་དེ“དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་རྒྱག་པའི་སྒུལ་ཤུགས་ཆེན་པོར་ཏན་ཏིག་བསྒྱུར་བ་དང་བོད་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་གསོན་ཉམས་དོད་པའི་ལག་ལེན་དུ་བསྒྱུར་བར་བྱེད་དགོས།
ཡན་ཅིན་ཧའེ་ཡིས་ནན་བཤད་གནང་དོན། བདེ་འཇགས་ཐོན་སྐྱེད་ལ་ངེས་པར་དུ་རྒྱུན་དུ་ནས་དམ་འཛིན་དང་དམ་འཛིན་ལྷོད་མེད་བྱེད་པ་ལས་ལྷོད་གཡེང་གཏན་ནས་གཏོང་མི་རུང་། བདེ་འཇགས་ཀྱི་འདུ་ཤེས་སྔར་བས་ཟབ་ཏུ་གཏོང་བ་དང་། གྲལ་བཤེར་བཅོས་སྒྲིག་གཏིང་ཟབ་ཏུ་གཏོང་བ། ལག་རྩལ་བྱེད་ཐབས་གསར་གཏོད་བྱེད་པ། འགན་འཁྲི་དོན་འཁྱོལ་ནན་པོ་བཅས་བྱས་ཏེ། བདེ་འཇགས་ཐོན་སྐྱེད་ཀྱི་བླང་བྱ་དོན་ཐོག་ཏུ་འཁྱོལ་ཐུབ་པ་དང་། བདེ་འཇགས་ཐོན་སྐྱེད་ཀྱི་ལས་འཛོལ་ཚབས་ཆེན་མི་ཐོན་པའི་མཐའ་ཚད་བརྟན་པོ་བསྲུངས་ཏེ་ཆུ་ཚད་མཐོ་བའི་བདེ་འཇགས་ལ་བརྟེན་ནས་སྤུས་ཚད་མཐོ་བའི་འཕེལ་རྒྱས་ལ་འགན་སྲུང་བྱེད་དགོས།