རང་སྐྱོང་ལྗོངས་ཀྱི་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་རྒྱ་སྐྱེད་དང་གྲོང་གསེབ་དར་རྒྱས་འབྲེལ་མཐུད་ནུས་ལྡན་བྱེད་པའི་དཔྱད་ཞིབ་དཔྱད་དཔོག་གི་ཚུར་ལན་གནད་དོན་དག་ཐེར་ལས་དོན་གྱི་སྐུལ་སློང་བཀོད་སྒྲིག་ཚོགས་འདུ་འཚོགས་པ།
ལིའུ་ཅང་ཞུགས་ནས་གསུང་བཤད་གནང་བ།
ཚེས་26ཉིན། རང་སྐྱོང་ལྗོངས་ཀྱི་དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་རྒྱ་སྐྱེད་དང་གྲོང་གསེབ་དར་རྒྱས་འབྲེལ་མཐུད་ནུས་ལྡན་བྱེད་པའི་དཔྱད་ཞིབ་དཔྱད་དཔོག་གི་ཚུར་ལན་གནད་དོན་དག་ཐེར་ལས་དོན་གྱི་སྐུལ་སློང་བཀོད་སྒྲིག་ཚོགས་འདུ་ལྷ་སར་འཚོགས་པ་རེད།
རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་སྲིད་ཁྲིམས་ཨུ་ལྷན་གྱི་ཧྲུའུ་ཅི་ལིའུ་ཅང་ཚོགས་འདུར་ཞུགས་ནས་གསུང་བཤད་གནང་བ་དང་། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཚེ་རིང་ཕུན་ཚོགས་ཀྱིས་གཙོ་སྐྱོང་གནང་བ་རེད།
ཚོགས་འདུའི་ཐོག་བསྟན་དོན། 2023ལོར་རང་སྐྱོང་ལྗོངས་ཏང་ཨུད་ཀྱི་འགྱུར་མེད་སྟོབས་ལྡན་གྱི་འགོ་ཁྲིད་འོག ལྗོངས་ཡོངས་ཀྱི་རིམ་པ་ཁག་དང་སྡེ་ཚན་ཁག་གིས་ནུས་ཤུགས་ཡོད་རྒུས་མཐའ་ཚད་སྲུང་བ་དང་། སྒུལ་ཤུགས་ཆེ་རུ་གཏོང་བ། དར་རྒྱས་ལ་སྐུལ་འདེད་གཏོང་བ་བཅས་བྱས་པས་དབུལ་སྒྲོལ་འགག་སྒྲོལ་གྱི་གྲུབ་འབྲས་རྒྱུན་མཐུད་བརྟན་དུ་ཕྱིན་ཡོད། ད་ལོ་ནི་སྲ་བརྟན་འབྲེལ་མཐུད་ཀྱི་ལས་དོན་སྔ་རྗེས་རྒྱུན་མཐུད་བྱེད་པའི་འགག་རྩའི་ལོ་ཞིག་ཡིན་པས། ད་ལོའི་ལས་དོན་ཡག་པོ་བསྒྲུབ་རྒྱུ་ནི་གལ་འགངས་ཤིན་ཏུ་ཆེ་བ་ཞིག་རེད། ཆབ་སྲིད་ཀྱི་ཚུགས་གནས་སྔར་བས་མཐོ་རུ་བཏང་སྟེ“ཞིང་གསུམ”ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་དང་། བོད་ཀྱི་ལས་དོན་སྐོར་གྱི་མཛུབ་སྟོན་གལ་ཆེན། དུས་རབས་གསར་པའི་ཏང་གི་བོད་སྐྱོང་མཛད་ཇུས་བཅས་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་རང་སྐྱོང་ལྗོངས་ཏང་ཨུད་ཀྱི་ལས་དོན་བླང་བྱ་ཕྱོགས་ཡོངས་ནས་དོན་འཁྱོལ་བྱེད་པ། བསམ་བློའི་ངོས་འཛིན་ཟབ་ཏུ་གཏོང་བ། འགན་འཁྲི་མཐའ་གཅིག་ཏུ་འཁུར་བ། གཞི་ཁྱོན་རང་བཞིན་གྱི་དབུལ་ལོག་ཡུན་རིང་མི་ཐོན་པའི་མཐའ་ཚད་བརྟན་པོར་སྲུང་བ། སྲ་བརྟན་འབྲེལ་མཐུད་དང་གྲོང་གསེབ་ཕྱོགས་ཡོངས་ནས་དར་རྒྱས་ལ་རྒྱུན་མཐུད་སྐུལ་འདེད་གཏོང་བ་བཅས་བྱས་ཏེ། བྱ་སྤྱོད་དངོས་ལ་བརྟེན་ནས་བློ་བརྟན་འགྱུར་མེད་ངང“གཏན་འཁེལ་གཉིས”སྲུང་སྐྱོང་དང“སྲུང་སྐྱོང་གཉིས”མཐའ་གཅིག་ཏུ་ཐུབ་པར་བྱེད་དགོས།
ཚོགས་འདུའི་ཐོག་ནན་བཤད་བྱས་དོན། རྨང་གཞི་བརྟན་དུ་བཏང་ནས་དག་ཐེར་ལ་དམ་འཛིན་བྱས་ཏེ་ད་ཡོད་སྲིད་ཇུས་ཀྱི་རྒྱུན་མཐུད་རང་བཞིན་དང་བརྟན་པོའི་རང་བཞིན་རྒྱུན་འཁྱོངས་དང་། རྒྱུན་རྣམ་ཅན་གྱི་དབུལ་ལོག་སྔོན་འགོག་གི་འགུལ་རྣམ་ལྟ་ཞིབ་ཚད་ལེན་ལ་རོགས་སྐྱོར་བྱས་ཏེ“འགན་ལེན་གསུམ”དང་འཐུང་ཆུའི་བདེ་འཇགས་ཆུ་ཚད་མཐོ་རུ་བཏང་ནས་ལག་བསྟར་ལ་ནོར་འཛོལ་མེད་པ་དང་དོན་འཁྱོལ་ལ་འགོག་རྐྱེན་མེད་པའི་འགན་ལེན་བྱེད་དགོས་པ་དང་། ལྟེ་བའི་ལས་འགན་ལ་དམིགས་ནས་དག་ཐེར་ལ་དམ་འཛིན་བྱས་ཏེ་དབུལ་སྒྲོལ་མི་འབོར་གྱི་ཡོང་འབབ་རྒྱུན་མཐུད་འཕར་བའི་བྱ་སྤྱོད་ལག་བསྟར་བྱེད་པ་དང་། མ་དངུལ་གཏོང་ཤུགས་སྔར་བས་མང་དུ་གཏོང་བ་དང་། ལས་ཞུགས་རྒྱ་ཆེར་གཏོང་བ། འཛད་སྤྱོད་རྒྱ་ཆེར་གཏོང་བ། ཐོན་ཁུངས་སྐུལ་སློང་བཅས་བྱས་ནས། དབུལ་སྒྲོལ་མང་ཚོགས་ཀྱི་ཡོང་འབབ་བརྟན་པོའི་ངང་འཕར་བ་དང་དབུལ་ལོག་མི་ཐེབས་པའི་འགན་ལེན་བྱེད་དགོས། རོགས་སྐྱོར་རྣམ་གྲངས་ལ་དོ་དམ་ནན་པོ་བྱས་ནས་དག་ཐེར་ལ་དམ་འཛིན་བྱས་ཏེ་ཐོན་ལས་རྣམ་གྲངས་ཀྱི་གཞི་གྲངས་དང་གཉེར་སྐྱོང་གནས་ཚུལ་ཕྱོགས་ཡོངས་ནས་གསལ་པོར་རྟོགས་པ་དང་། རིགས་དབྱེ་མཛུབ་ཁྲིད་ཐག་གཅོད་བྱེད་ཤུགས་ཆེ་རུ་གཏོང་བ། ཞིང་འབྲེལ་ཞིང་ཁྲིད་ཞིང་ཕྱུག་བཅས་ཀྱི་ལམ་སྲོལ་འཐུས་སྒོ་ཚང་དུ་གཏོང་བ་བཅས་བྱས་ནས་ཐོན་ལས་ཉམས་རྒུད་དུ་མི་འགྲོ་བ་དང་རྣམ་གྲངས་བེད་མེད་དུ་མི་འཇོག་པའི་འགན་ལེན་བྱེད་དགོས།
ཚོགས་འདུའི་ཐོག་བླང་བྱ་བཏོན་དོན། འགན་འཁྲི་རིམ་པ་རེ་རེ་བཞིན་དམ་ནན་དུ་བཏང་སྟེ་འགན་འཁུར་བློ་མཐུན་གཙོ་བོས་འགན་འཁྲི་བ་ཨང་དང་པོའི་འགན་འཁྲི་འཁུར་བ་དང་། ལས་བགོས་འགན་འཁུར་བློ་མཐུན་གྱིས་ཞིབ་ཕྲ་དང་འགག་རྩར་དམ་འཛིན་བྱེད་པ། རྫོང་ཨུད་ཀྱི་ཧྲུའུ་ཅིས“འཐབ་ཕྱོགས་དང་པོའི་སྤྱི་ཁྱབ་བཀོད་འདོམས་པ”ཡག་པོ་བྱེད་པ། ལས་རིགས་སྡེ་ཚན་ཁག་གིས་འབྲེལ་ཁོངས་དག་ཐེར་གྱི་འགན་འཁྲི་དོན་འཁྱོལ་བྱེད་དགོས། གཅིག་ཤེས་ཀུན་གྲོལ་གྱིས་ཕྱོགས་ཡོངས་ནས་དག་ཐེར་བྱས་ཏེ་རྩིས་ཐོ་རྣམ་པའི་དོ་དམ་དང་། “གནད་དོན་ཐོ་བསུབ་ལམ་ལུགས”“དུས་བཅད་བསྒྲུབས་ཆོད་ལམ་ལུགས”བཅས་ལག་བསྟར་བྱས་ནས་གནད་དོན་ཡོངས་རྫོགས་མཐིལ་རྟོགས་གཙང་བཟོ་དང་དག་ཐེར་གནད་ལ་འཁེལ་བར་བྱེད་དགོས། སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བྱས་ཏེ། “ཁྲི་སྟོང་ལས་གྲྭའི”ཉམས་མྱོང་སློབ་སྦྱོང་དང་བེད་སྤྱོད་གཏིང་ཟབ་བྱེད་པ་དང་། གནད་དོན་དག་ཐེར་གྱི་ཕན་ནུས་ལ་བརྟེན་ནས་ལས་དོན་དོན་འཁྱོལ་ནུས་ལྡན་ཡོང་བར་སྐུལ་འདེད་བཏང་སྟེ་དུས་བཀག་ལྟར་སྤུས་ཚད་མཐོ་བའི་ལས་འགན་ཁག་ལེགས་འགྲུབ་ཡོང་བའི་འགན་ལེན་བྱེད་དགོས།