ཡན་ཅིན་ཧའེ་ཡིས་རང་སྐྱོང་ལྗོངས་སྲིད་གཞུང་གཞུང་རྒྱུ་ཨུ་ལྷན་ལ་བརྟག་ཞིབ་གནང་བ།
ཚེས་13ཉིན། ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་རང་སྐྱོང་ལྗོངས་ཀྱི་ཀྲུའུ་ཞི་ཡན་ཅིན་ཧའེ་ཡིས་རང་སྐྱོང་ལྗོངས་སྲིད་གཞུང་གཞུང་རྒྱུ་ཨུ་ལྷན་ལ་བརྟག་ཞིབ་གནང་བར་ཕེབས་ཤིང་། ཁོང་གིས་གཞུང་ཁོངས་ཁེ་ལས་སྒྱུར་བཅོས་འཕེལ་རྒྱས་དང་ཏང་འཛུགས་སྐྱོང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ཏེ། ལྗོངས་ཏང་ཨུད་ཀྱི་ལས་དོན་བླང་བྱ་གཞིར་བཟུང་། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་བརྒྱབ་ནས་ཀྲུང་གོའི་ལུགས་ཀྱི་དེང་རབས་ཅན་གྱི་བོད་ཀྱི་ལག་ལེན་གསར་པའི་ཁྲོད་ནུས་པ་དེ་བས་ཆེ་བ་འདོན་པ་དང་ལེགས་སྐྱེས་དེ་བས་ཆེ་བ་འབུལ་དགོས་ཞེས་ནན་བཤད་གནང་བ་རེད།
ཝུའེ་ཤིའུ་ཁྲང་བརྟག་ཞིབ་གནང་བར་ལྷན་དུ་ཕེབས་ཡོད་པ་རེད།
ཡན་ཅིན་ཧའེ་སྔ་རྗེས་སུ་ཁེ་ལས་སྒྱུར་བཅོས་ཁྲུའུ་དང་། སྤྱི་ཚོགས་འགན་འཁྲི་ཁྲུའུ། ནོར་དོན་ལྟ་འདོམས་ཁྲུའུ། བསྡོམས་རྩིས་གདེང་འཇོག་ཁྲུའུ་བཅས་སུ་ཕེབས་ནས་གཞུང་ཁོངས་ཁེ་ལས་སྒྱུར་བཅོས་དང་། ལས་ཞུགས་བསྡུ་ལེན། ལྷོ་རི་བྱང་རིའི་སྔོ་འགྱུར་ནང་ཞུགས་པ། དེ་བཞིན་གཞུང་ཁོངས་ཁེ་ལས་ཀྱི་ནོར་དོན་ལྟ་འདོམས་བཅས་ཀྱི་ལས་དོན་སྤེལ་ཚུལ་ཤེས་རྟོགས་ཞིབ་ཕྲ་གནང་བ་དང་འབྲེལ། ལས་བྱེད་པ་དང་ལས་བཟོར་བྱམས་བརྩེའི་འཚམས་འདྲིའང་གནང་བ་རེད།
ཡན་ཅིན་ཧའེ་ཡིས་ནན་བཤད་གནང་དོན། ཆབ་སྲིད་ལ་སྣང་ཆེན་དང་སྒྲིག་ལམ་སྲུང་བར་ཏང་གི་འགོ་ཁྲིད་མཐའ་འཁྱོངས་དང་ཏང་འཛུགས་སྐྱོང་ལ་ཤུགས་སྣོན་རྒྱག་པ་དང་། 《ཀྲུང་གོ་གུང་ཁྲན་ཏང་གི་གཞུང་ཁོངས་ཁེ་ལས་ཀྱི་གཞི་རིམ་རྩ་འཛུགས་ལས་ཀའི་སྲོལ་ཡིག(ཚོད་ལྟའི་ལག་བསྟར)》དོན་འཁྱོལ་ནན་ཏན་བྱས་ཏེ། ཏང་ལ་དོ་དམ་དང་ཏང་བཅོས་སྐྱོང་དང་ཁེ་ལས་ལ་དོ་དམ་དང་ཁེ་ལས་བཅོས་སྐྱོང་ཟུང་འབྲེལ་དམ་ཟབ་བྱེད་པ་དང་། ཏང་ཨུད(ཏང་ཙུའུ)ཀྱིས་ཁ་ཕྱོགས་སྟངས་འཛིན་དང་། སྤྱི་ཡོངས་ལ་དོ་དམ། དོན་འཁྱོལ་ལ་སྐུལ་འདེད་བཅས་ཀྱི་འགོ་ཁྲིད་ནུས་པ་ཡག་པོ་འདོན་པ། “གལ་ཆེན་གསུམ་དང་འབོར་ཆེན་གཅིག”གི་ཐབས་ཇུས་གོ་རིམ་འཐུས་སྒོ་ཚང་དུ་གཏོང་བ། ཁེ་ལས་ཀྱི་དོན་གནད་གལ་ཆེན་སྒྲིག་སྲོལ་ལྟར་གྲོས་བསྡུར་དང་ཐག་གཅོད་ནན་པོ་བྱེད་པ། སྒྲིག་ཁྲིམས་དང་སྒྲིག་ལམ་ནན་དུ་གཏོང་བ། སྤྱོད་བཟང་རུལ་རྒོལ་ནན་དུ་གཏོང་བ་བཅས་བྱས་ནས། འགན་འཁྲི་ཡོད་ན་ངེས་པར་དུ་འདྲི་རྩད་བྱེད་པ་དང་འགན་འཛོལ་ཤོར་ན་ངེས་པར་དུ་བདའ་འདེད་གཏོང་དགོས། སྤྱི་ཡོངས་ལ་ལྟ་རྟོག་དང་འཕེལ་རྒྱས་ལ་སྐུལ་འདེད་གཏོང་བར་ཐོག་མཐའ་བར་གསུམ་དུ“རྒྱལ་ཁབ་ཀྱི་དོན་ཆེན”ལ་དམིགས་པ་དང་གཙོ་འགན་གཙོ་ལས་ལ་དམ་པོར་དམིགས་ནས། ཆབ་སྲིད་དང་། དཔལ་འབྱོར། དམངས་འཚོ། སྤྱི་ཚོགས་ཀྱི་འགན་འཁྲི་བཅས་ཀྱི“རྩིས་ཐོ་བཞི”ཡག་པོ་བརྩི་བ་དང་། གཞུང་ཁོངས་ཁེ་ལས་སྒྱུར་བཅོས་ལ་སྐུལ་འདེད་གཏིང་ཟབ་བཏང་སྟེ་འགག་རྩར་སྒྱུར་བཅོས་དང“རྙིང་ཆེ་དཀའ་གསུམ”གྱི་གནད་དོན་ཐག་གཅོད་ཏན་ཏིག་བྱེད་དགོས། བཀོད་པ་ལེགས་སུ་དང་ཕན་འབྲས་ཆེ་རུ་གཏོང་བ་དང་ཁེ་ལས་ཀྱིས་ཁྲོམ་རའི་འགྲན་རྩོད་ནུས་པ་ཆེ་རུ་གཏོང་བར་ཁྲིད་སྟོན་ཧུར་ཐག་བྱས་ཏེ་ཐོན་ལས་མཐུན་སྦྱོར་བྱེད་ཤུགས་ཆེ་རུ་གཏོང་བ་དང་། རྒྱུན་མཐུད་ཆོག་པའི་མ་ལག་གཉེར་སྐྱོང་གི་ལེགས་ཆ་དང་སྣེ་ཁྲིད་ནུས་པ་ཆེ་རུ་བཏང་ནས། ཁེ་ལས་ནམ་ཡང་ཉམས་རྒུད་དུ་མི་འགྲོ་བ་དང་ཐོན་ལས་ནམ་ཡང་ཉམས་རྒུད་དུ་མི་འགྲོ་བར་བྱེད་དགོས། མཐའ་ཚད་བརྟན་པོར་བསྲུངས་ནས“ཁེ་ལས་རེ་ལ་བྱ་ཐབས་རེ”དང“ཁེ་ལས་རེ་ལ་ལས་རིགས་རེ” “ལས་རིགས་རེ་ལ་ཁེ་ལས་རེ”བཅས་ཀྱི་བླང་བྱ་ནན་པོ་གཞིར་བཟུང་། གནད་སྨིན་དང་དངོས་སྒྲུབ་ཀྱི་སྒོ་ནས་གཞུང་ཁོངས་དཔལ་འབྱོར་གྱི་བཀོད་པ་དང་གྲུབ་ཆ་ལེགས་སྒྲིག་བྱེད་པར་སྐུལ་འདེད་གཏོང་དགོས། ལྟ་འདོམས་བྱེད་ཤུགས་དང་ཉེན་ཁ་སྔོན་འགོག་བྱེད་ཤུགས་ཆེ་རུ་གཏོང་བར་གནད་དོན་གྱི་ཕྱོགས་སྟོན་མཐའ་འཁྱོངས་ཀྱིས་དམིགས་སའི་རང་བཞིན་ཡོད་པའི་སྒོ་ནས་ཆེད་ལས་ཅན་དང་། མ་ལག་ཅན། ཁྲིམས་སྐྱོང་ཅན་བཅས་ཀྱི་ལྟ་འདོམས་ནུས་པ་ཆེ་རུ་དང་ཆུ་ཚད་མཐོ་རུ་གཏོང་བ་དང་། ལྟ་འདོམས་ལ་ཕྱོགས་ཡོངས་ནས་ཤུགས་སྣོན་བརྒྱབ་སྟེ་བདེ་འཇགས་དང་གོ་རིམ་ལྡན་པའི་སྒོ་ནས་འཕེལ་རྒྱས་ཡོང་བར་འགན་ལེན་བྱེད་དགོས། དམངས་འཚོར་ཕན་འདོགས་པ་དང་ཁོར་ཡུག་ལེགས་སུ་གཏོང་བར་སྣེ་ཁྲིད་དེ་དམངས་འཚོ་འགན་ལེན་དང་ལེགས་སུ་གཏོང་བ་དང་། འབྲེལ་ཡོད་སྡེ་ཚན་དང་ས་ཁུལ་དང་གྲོང་ཁྱེར་ཁག་དབར་གྱི་རྒྱུན་རྣམ་ཅན་གྱི་འབྲེལ་གཏུག་མཐུན་སྦྱོར་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་སྟེ། ཞིང་འབྲོག་མང་ཚོགས་དང་། མཐོ་སློབ་སློབ་ཐོན་སློབ་མ། གྲོང་ཁྱེར་དང་གྲོང་རྡལ་གྱི་ལས་ཞུགས་ཐུབ་མེད་པའི་མི་སྣ་བཅས་ཀྱི་ལས་ཞུགས་ཞབས་ཞུའི་ལས་དོན་རང་འགུལ་ངང་ཡག་པོ་སྒྲུབ་དགོས། ཞུགས་འཐུས་ཀྱི་ཚད་གཞི་ཡོངས་བསྒྲགས་དང་ཕྱི་གསལ་ནང་གསལ་ཡོང་བ་བྱེད་པར་གཞུང་ཁོངས་ཁེ་ལས་ཀྱི་ལས་གནས་དེ“འབྲེལ་བའི་ལས་གནས”ལ་འགྱུར་མི་རུང་བ་དང་གཞུང་ཁོངས་ཁེ་ལས་དེ“འབྲེལ་བའི་དྲ་བར”འགྱུར་མི་རུང་། ཚོང་གཉེར་ཁོར་ཡུག་ནི“ཆུ”དང་ཚོང་གཉེར་བྱེད་པོ་ནི“ཉ”ལྟ་བུ་ཡིན་པ་བློ་ལ་བརྟན་པོར་ངེས་ནས་ཆུ་བོ་ཇི་ཙམ་ཆེ་ན་ཉ་མོ་དེ་ཙམ་གྱིས་མང་བས། རང་སྐྱོང་ལྗོངས་ཀྱི་ཚོང་གཉེར་ཁོར་ཡུག་ལེགས་སུ་གཏོང་བའི་བྱེད་ཐབས་རབ་དང་རིམ་པ་སྣེ་ཁྲིད་དེ་དོན་འཁྱོལ་ཡག་པོ་དང“ཀ་འཛིན་པའི”ནུས་པ་ཡག་པོ་བཏོན་ནས་གཞུང་རྒྱུ་དང་གཞུང་ཁོངས་ཁེ་ལས་ཀྱི་ལས་ཀའི་རྣམ་པ་གསར་པ་ཧུར་ཐག་གཏོད་དགོས།