ལྗོངས་ཡོངས་ཀྱི་དངུལ་རྩའི་ཁོངས་གཏོགས་ཀྱིས་དངུལ་རྩའི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་ལག་བསྟར་བྱེད་པའི་ཆེད་དོན་བགྲོ་གླེང་འཛིན་གྲྭ་གཉེར་བ།
ཚེས་12ཉིན། ལྷ་སར་ལྗོངས་ཡོངས་ཀྱི་དངུལ་རྩའི་ཁོངས་གཏོགས་ཀྱིས་དངུལ་རྩའི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་ལག་བསྟར་བྱེད་པའི་ཆེད་དོན་བགྲོ་གླེང་འཛིན་གྲྭ་གཉེར་ཞིང་། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་དང་ལྗོངས་ཏང་ཨུད་དངུལ་རྩ་གཞུང་ལས་ཁང་གི་ཀྲུའུ་རེན་ཝེ་ཤིའུ་ཁྲང་གིས་འཛིན་གྲྭ་གཉེར་འགོ་ཚུགས་པའི་མཛད་སྒོའི་ཐོག་ཤིས་ཚིག་གསུངས་པ་མ་ཟད་ཆེད་དོན་ཟུར་ཁྲིད་ཀྱང་གནང་བ་རེད།
ཝེ་ཤིའུ་ཁྲང་གིས། གསོ་སྦྱོང་ནང་ཞུགས་མཁན་ཚོས་ཞི་ཅིན་ཕིང་གི་དཔལ་འབྱོར་དགོངས་པའི་དངུལ་རྩའི་རྣམ་བཤད་ཟབ་སྦྱོང་དང་དོན་འཁྱོལ་ནན་ཏན་བྱས་ཏེ་དངུལ་རྩའི་བསམ་གཞིག་ཤུགས་ཆེར་གཏོང་བ་དང་། དངུལ་རྩའི་ཆོས་ཉིད་ཁོང་དུ་ཆུད་པར་བྱེད་པ། དངུལ་རྩའི་ལས་དོན་གྱི་ནུས་པ་མུ་མཐུད་ཆེ་རུ་གཏོང་བ། ལྗོངས་ཏང་ཨུད་དང་སྲིད་གཞུང་གི་ལས་ཀའི་བླང་བྱ་ནན་པོ་ལྟར་རིགས་གཅིག་མཁས་ཅན་གྱི་སློབ་ཁྲིད་བྱེད་སྟངས་དེ་ལས་ཀའི་བློ་གྲོས་དང་གསོན་ཉམས་དོད་པའི་ལག་ལེན་དུ་ཏན་ཏིག་སྒྱུར་བ། མ་དངུལ་བསྡུ་སྒྲིལ་གྱི་ཁོར་ཡུག་རྒྱུན་མཐུད་ལེགས་སུ་གཏོང་བ། “ལས་དོན་ཆེན་པོ་ལྔ”ཞིབ་ཚགས་དང་ཏན་ཏིག་ངང་སྒྲུབ་པ་བཅས་བྱས་ཏེ་དུས་རབས་གསར་པའི་དངུལ་རྩའི་ལས་དོན་གྱི་རྣམ་པ་གསར་པ་རྒྱུན་ཆད་མེད་པར་གཏོད་དགོས་པའི་བླང་བྱ་བཏོན་པ་རེད།