ཟླ་5ཚེས་24ཉིན་ནས་ཚེས་28ཉིན་བར། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་ཁྲེན་ཡུང་ཆིས་ཉིང་ཁྲི་གྲོང་ཁྱེར་མེ་ཏོག་རྫོང་དང་། སྨན་གླིང་གྲོང་ཁྱེར། བྲག་ཡིབ་ཆུས། འབྲེལ་གཏུག་བྱ་ཡུལ་ཡིན་པའི་ཀོང་པོ་རྒྱ་མདའ་རྫོང་བཅས་སུ་དཔལ་འབྱོར་དང་སྤྱི་ཚོགས་འཕེལ་རྒྱས་དང་། ནགས་དཔོན་ལམ་ལུགས། ཆུ་དཔོན་ལམ་ལུགས་བཅས་ཀྱི་ལས་ཀའི་གནས་ཚུལ་ལ་བརྟག་ཞིབ་གནང་བ་དང་། ལས་གྲྭ་གལ་ཆེན་དང་གཙོ་གནད་རྣམ་གྲངས་ཁག་གཅིག་གི་འཛུགས་སྐྲུན་བྱ་ཡུལ་དུ་རྣམ་གྲངས་འཛུགས་སྐྲུན་གྱི་གནས་ཚུལ་ལ་གཟིགས་ཞིབ་གནང་བ། ཉིང་ཁྲི་གྲོང་ཁྱེར་དུ་ཆེད་དོན་ཚོགས་འདུ་འཚོགས་ནས་སྔོན་སྤེལ་ཁུལ་གྱི་ལས་ཀའི་འཕེལ་རིམ་བཀོད་གཏོང་གནང་བ་དང་། སྤྱི་མདའ་གྲོང་རྡལ་དུ་བཞུགས་མོལ་ཚོགས་འདུ་འཚོགས་ནས་གྲོང་གསེབ་དར་རྒྱས་རྣམ་གྲངས་ཀྱི་ལག་བསྟར་ཇུས་གཞིར་ཞིབ་འཇུག་གནང་བ་མ་ཟད། གོམ་སྟབས་རྗེས་མའི་ལས་དོན་བཀོད་སྒྲིག་ཀྱང་གནང་བ་རེད།

ཁྲེན་ཡུང་ཆིས་གསུངས་དོན། ཉིང་ཁྲི་གྲོང་ཁྱེར་གྱིས་བསམ་བློའི་ངོས་འཛིན་སྔར་བས་ཟབ་ཏུ་གཏོང་བ་དང་སྔོན་སྤེལ་སྔོན་བསྟར་གྱི་ཐོབ་པར་དཀའ་བའི་གོ་སྐབས་དམ་འཛིན་ནན་པོ་བྱས་ཏེ། སྔོན་སྤེལ་ཁུལ་གྱི་གསེར་ཡིག་བྱང་བུ་བེད་སྤྱོད་གང་ལེགས་བྱེད་པ་དང་། ལྷག་པར་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཁེ་ལས་དང་རིགས་གཅིག་མཁས་ཅན་གྱི་བཞུགས་མོལ་ཚོགས་འདུའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ནས། ཕྱོགས་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་བ་དང་། རང་སྐྱོང་ལྗོངས་ཏང་ཨུད་དང་སྲིད་གཞུང་གི་བཀོད་སྒྲིག་བླང་བྱ་ལག་བསྟར་དོན་འཁྱོལ་ནན་ཏན་བྱེད་པ། “དོན་ཆེན་བཞིར”དམིགས་པ་དང“འཛུགས་གཏོད་བཞིར”ཤུགས་རྒྱག་པ། རང་སྐྱོང་ལྗོངས་ཀྱི་རྒྱབ་སྐྱོར་སྲིད་ཇུས་ཁག་བེད་སྤྱོད་གང་ལེགས་དང་། བེད་སྤྱོད་ལྷུག་པོ། བེད་སྤྱོད་ཆ་ཚང་བཅས་བྱས་ནས་བོད་ཀྱི་སྤུས་ཚད་མཐོ་བའི་འཕེལ་རྒྱས་དང་སྒྱུར་བཅོས་སྒོ་དབྱེ་མགྱོགས་སུ་གཏོང་བར་ཉིང་ཁྲིའི་འཚོལ་ཞིབ་དང་སྔོན་ཚུད་ཀྱི་དཔེ་མཚོན་མཁོ་འདོན་བྱེད་དགོས། 2024ལོའི་ལས་ཀའི་གཙོ་གནད་དང་ཕྱོགས་ཡོངས་ནས་བསྡུར་བ་དང་། ལས་ཀའི་བྱེད་ཐབས་ཞིབ་ཚགས་སུ་གཏོང་བ། སྐུལ་འདེད་གཏོང་ཤུགས་ཆེ་རུ་གཏོང་བ། ཕན་འབྲས་ལ་རྗེས་སྙེག་འདྲི་རྩད་བྱེད་ཤུགས་ཆེ་རུ་གཏོང་བ་བཅས་བྱས་ནས་ལས་འགན་ཁག་དོན་འཁྱོལ་ཡོང་བའི་འགན་ལེན་བྱེད་དགོས། རྣམ་གྲངས་འཛུགས་སྐྲུན་གཙོ་གནད་དུ་བཟུང་ནས་རྣམ་གྲངས་ཇུས་འགོད་དང་གྲ་སྒྲིག་ལ་ཤུགས་སྣོན་རྒྱག་པ་དང་། རྣམ་གྲངས་ཀྱི་དུས་འགོའི་ལས་དོན་གཏིང་ཟབ་དང་ཞིབ་ཚགས་བྱེད་པ། རྣམ་གྲངས་བཀོད་གཏོང་དོ་དམ་ལ་དམ་འཛིན་ནན་པོ་བཅས་བྱས་ཏེ། གཙོ་གནད་རྣམ་གྲངས་ཀྱི་གོ་རིམ་དང་འཕེལ་རིམ་ལྟར་སྐུལ་འདེད་ནུས་ལྡན་གཏོང་བའི་འགན་ལེན་བྱེད་དགོས། ཡུལ་བབ་དང་བསྟུན་ནས་ཐོན་སྐྱེད་ནུས་ཤུགས་གསར་མ་འཕེལ་རྒྱས་གཏོང་བ་དང་སྲོལ་རྒྱུན་ཐོན་ལས་སྒྱུར་བཀོད་རིམ་སྤོར་ལ་སྐུལ་འདེད་བཏང་སྟེ། དམའ་འཕུར་དཔལ་འབྱོར་དང་ནུས་རྒྱུ་གཙང་མ་སོགས་ཐོན་ལས་འཕེལ་རྒྱས་ཤུགས་ཆེན་གཏོང་དགོས། དཔལ་འབྱོར་འཕེལ་རྒྱས་གཏོང་རིང་གི་ཆད་སྐྱོན་དང་ཞན་ཆར་དམ་པོར་དམིགས་ཏེ་གཞི་ཁྱོན་ཆེ་བའི་སྒྲིག་ཆས་གསར་བརྗེས་དང་འཛད་རྫས་རྙིང་ཚབ་གསར་བརྗེ་གོ་སྐབས་སུ་བྱེད་པ་དང་། འཛད་སྤྱོད་ཀྱི་མི་མངོན་པའི་སྟོབས་ཤུགས་རྒྱུན་ཆད་མེད་པར་བཏོན་ནས་རིག་གནས་ཡུལ་སྐོར་ཐོན་ལས་ཀྱི་སྤུས་འབྲས་ལེགས་གཉེར་ལ་སྐུལ་འདེད་གཏོང་དགོས། འགན་འཁྲི་ནན་དུ་གཏོང་བ་དང་། རང་འགུལ་ངང་བྱ་སྤྱོད་སྤེལ་བ། བཀོད་གཏོང་བྱེད་ཤུགས་ཆེ་རུ་གཏོང་བ། མཉམ་ཤུགས་འདོན་པ་བཅས་བྱས་ཏེ། གཟེར་འདེབས་ཀྱི་སྙིང་སྟོབས་ལ་བརྟེན་ནས་སྔོན་སྤེལ་ཁུལ་གྱི་ལས་དོན་ཁག་ལ་ཕན་འབྲས་གསར་པ་ཟམ་མི་ཆད་པར་ཐོན་པར་སྐུལ་འདེད་གཏོང་དགོས།

ཁྲེན་ཡུང་ཆིས་ནན་བཤད་གནང་དོན། ཕྱོགས་ཡོངས་ནས་སྐུལ་འདེད་གཏོང་བ་དང་གཙོ་གནད་མངོན་གསལ་དོད་དུ་གཏོང་རྒྱུ་མཐའ་འཁྱོངས་ཀྱིས་གྲོང་གསེབ་དར་རྒྱས་ཀྱི་སྤྱིའི་བླང་བྱ་དང་རང་སྐྱོང་ལྗོངས་ཀྱི་ཞིབ་ཕྲའི་དམིགས་ཚད་ཁག་21ལ་དམ་པོར་དམིགས་ནས། ཐོན་ལས་འཕེལ་རྒྱས་དེ་གལ་ཆེའི་ནང་གི་འགངས་ཆེར་བརྩིས་ཏེ་འབྲི་གཡག་གསོ་ཚགས་སོགས་ཁྱད་ལྡན་ཞིང་འབྲོག་ལས་འཕེལ་རྒྱས་ཤུགས་ཆེན་གཏོང་བ་དང་། ཁེ་ཕན་འབྲེལ་མཐུད་ལམ་སྲོལ་འཐུས་སྒོ་ཚང་དུ་གཏོང་བ། རྩལ་ནུས་གསོ་སྦྱོང་ཧུར་ཐག་བྱེད་པ། ལས་ཞུགས་གཞན་སྒྱུར་བྱེད་ཤུགས་ཆེ་རུ་གཏོང་བ་བཅས་བྱས་ཏེ་ཞིང་འབྲོག་པའི་ཡོང་འབབ་རྒྱུན་ཆད་མེད་པར་མང་དུ་གཏོང་དགོས། ཚད་གཞི་མཐོ་བའི་ཞིང་ཁའི་རྣམ་གྲངས་འཛུགས་སྐྲུན་ལ་སྤུས་ཚད་མཐོ་པོས་སྐུལ་འདེད་བཏང་ནས་འབྲུ་རིགས་མུའུ་རེའི་ཐོན་ཚད་རྒྱུན་ཆད་མེད་པར་མཐོ་རུ་གཏོང་དགོས། མཛེས་མཐུན་གྲོང་གསེབ་མགྱོགས་མྱུར་འཛུགས་སྐྲུན་བྱས་ནས་སྡོད་མལ་ཁོར་ཡུག་མུ་མཐུད་ལེགས་སུ་གཏོང་དགོས། གྲོང་གསེབ་ཀྱི“རྣམ་པ་གསར་པའི”བྱ་སྤྱོད་ཧུར་ཐག་སྤེལ་ནས་མང་ཚོགས་ལ་ཤེས་དཔལ་གྱི་དར་སྲོལ་གསར་པ་འཛུགས་པར་ཁྲིད་སྟོན་བྱས་ཏེ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་རྒྱུན་མཐུད་བརྟན་དུ་གཏོང་དགོས།