ལྗོངས་ཏང་ཨུད་རྩ་འཛུགས་པུས་ཚོགས་འདུ་འཚོགས་ཏེ་2023ལོའི་ལོ་འཁོར་གྱི་ལྗོངས་ཡོངས་ཀྱི་གཞི་རིམ་རྩ་འཛུཌ་དཔེ་སྟོན་ས་ཚིགས་ཀྱི་མིང་འདོཌ་གཟེངས་བསྟོད་ལས་དོན་ལ་ཞིབ་འཇུག་བྱས་པ།
ཚེས་21ཉིན། ལྗོངས་ཏང་ཨུད་རྩ་འཛུགས་པུས་ཚོགས་འདུ་འཚོགས་ཏེ། 2023ལོའི་ལོ་འཁོར་གྱི་ལྗོངས་ཡོངས་ཀྱི་གཞི་རིམ་ཏང་རྩ་འཛུགས་ཀྱི་དཔེ་སྟོན་ས་ཚིགས་ཀྱི་མིང་འདོགས་གཟེངས་བསྟོད་ལས་དོན་ལ་ཞིབ་འཇུག་བྱས་ཤིང་། ལྗོངས་ཏང་ཨུད་ཀྱི་རྒྱུན་ཨུ་དང་། རྩ་འཛུགས་པུའི་པུའུ་ཀྲང་ལའེ་ཅའོ་ཚོགས་འདུར་ཞུགས་ནས་གསུང་བཤད་གནང་བ་རེད།
ལའེ་ཅའོ་ཡིས། ཏང་གི་དམག་འཐབ་ནུས་ཤུགས་ཚང་མའི་རྨང་གཞི་གཞི་རིམ་དུ་ཡོད་ལ། བོད་ཀྱི་ལས་དོན་སྒྲུབ་པའི་སྲ་ཞིང་བརྟན་པའི་སྟོབས་ཤུགས་ཀྱང་གཞི་རིམ་དུ་ཡོད། གཞི་རིམ་ཏང་རྩ་འཛུགས་ཀྱི་དཔེ་སྟོན་ས་ཚིགས་ཀྱི་མིང་འདོགས་གཟེངས་བསྟོད་ལས་དོན་སྤེལ་ནས། རིམ་ཁག་ཏང་རྩ་འཛུགས་དང་རྒྱ་ཆེའི་ཏང་ཡོན་ལ་ཏང་འཛུགས་སྐྱོང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་བོད་སྐྱོང་བོད་བརྟན་བོད་དར་གསུམ་གྱི་སྤྱི་ཡོངས་ལ་དམིགས་ཏེ། ཆབ་སྲིད་ཀྱི་ལངས་ཕྱོགས་བརྟན་དུ་གཏོང་བ་དང་། སྒྲིག་ཁྲིམས་དང་སྒྲིག་ལམ་ནན་པོ་སྲུང་བ། རྩ་བའི་དམིགས་ཡུལ་ལག་ལེན་བསྟར་བ། སྣེ་ཁྲིད་དེ་འགག་སྒྲོལ་དཀའ་ངལ་སེལ་བ། ཆབ་སྲིད་ཀྱི་ནུས་པ་དང་རྩ་འཛུགས་ཀྱི་ནུས་པ་ཟམ་མི་ཆད་པར་ཆེ་རུ་གཏོང་བ་བཅས་བྱས་ནས་ཏང་གི་འགོ་ཁྲིད་ནུས་ལྡན་མངོན་འགྱུར་ཡོང་བའི་དམག་འཐབ་མཁར་རྫོང་བརྟན་དུ་གཏོང་རྒྱུའི་ལྕག་སྐུལ་བྱེད་དགོས་པ་དང་། ལྗོངས་ཡོངས་ཀྱི་གཞི་རིམ་ཏང་རྩ་འཛུགས་ལ་མིང་འདོགས་གཟེངས་བསྟོད་ཀྱི་དཔེ་སྟོན་ས་ཚིགས་མིག་དཔེར་འཛིན་པ་དང་། དུས་རབས་གསར་པའི“ཧྥེང་ཆའོ་ཉམས་མྱོང”དང“ཕུའུ་ཅང་ཉམས་མྱོང”མཐའ་འཁྱོངས་དང་འཕེལ་རྒྱས་གཏོང་བ། “འདུ་འགོད་ཁྲི་སྟོང”གི་ཉམས་མྱོང་སློབ་སྦྱོང་དང་བེད་སྤྱོད་བྱེད་པ། རྨང་གཞི་བརྟན་གཏོང་དང་། ལེགས་ཆ་དར་སྤེལ། ཞན་ཆ་སེལ་བ། ཉམས་ཞན་ལེགས་གཏོང་བཅས་བྱེད་པ། ཏང་འཛུགས་སྐྱོང་ལ་དམ་འཛིན་གྱིས་གྲོང་གསེབ་དར་རྒྱས་དང་གཞི་རིམ་བཅོས་སྐྱོང་ལ་སྐུལ་འདེད་གཏོང་བའི“དམ་འཛིན་གཅིག་དང་སྐུལ་འདེད་གཉིས”ཀྱི་ལས་དོན་ལ་སྐུལ་འདེད་གཏིང་ཟབ་གཏོང་བ། ཏང་ཡོན་དཔུང་ཁག་འཛུགས་སྐྱོང་ལ་ཕྱོགས་ཡོངས་ནས་ཤུགས་སྣོན་བརྒྱབ་སྟེ། རྩ་འཛུགས་ཀྱི་སྟོབས་ཤུགས་དང་ལེགས་ཆ་དེ་འཕེལ་རྒྱས་ཀྱི་སྒུལ་ཤུགས་དང་ལེགས་ཆར་སྒྱུར་བ་བཅས་བྱས་ནས། ཀྲུང་གོའི་ལུགས་ཀྱི་དེང་རབས་ཅན་གྱི་བོད་ཀྱི་ལེའུ་རྩོམ་པར་རྩ་འཛུགས་ཀྱིས་འགན་ལེན་བརྟན་པོ་བྱེད་རྒྱུའི་ཁྲིད་སྟོན་བྱེད་དགོས་པའི་ནན་བཤད་གནང་བ་རེད།